Proverbios 9:1 - Bible in Tzotzil de Chamula

¹ Ti bijilile laj smeltsan sna; laj xch'al lec ta nichimtasel ta vucbej (7) oy.

Bible in Tzotzil de Chenalhó with Deuterocanon

¹ Li bijubtasele la sva'an sna; laj yaanbe vucbej yoyal.

Proverbios 9:1 Iomraidhean Croise

1 Reyes 7:21

Ti Hirame lic sva'an ti c'usi balajtic ta ochebal sti' ti ch'ulnae. C'alal laj xa sva'an muyel ti bu ta xcome, ti oy ta stuq'uil bats'i c'obe, laj sbiin yu'un Jaquín. Ja'uc ti jun ti oy ta stuq'uil ts'et c'obe, laj sbiin yu'un Boaz.

1 Reyes 7:6

Laj yac'be yoyaltac scot-cotil smac ti yich'oj o'lol yoxibal xcha'vinic (22.50) metro ti snatile. Yich'oj o'lol xchanlajunebal (13.50) metro ti sjamleje. Ti ta yeloval taje, laj smeltsanbe yoyaltac jun cotcot na ti laj yac'be yaxibe.

Proverbios 1:20

Ti bijilile xvinaj lec ta a'yiel yu'unic ta calleetic, ta bebeetic ti bu no'ox yalel muyelique.

Proverbios 2:1

C'otuc ta avo'nton ti jc'op ca'yeje, cuni nich'on, bejano ta ajol ta avo'nton ti jmantaltaque.

Proverbios 24:3

Ta sventa bijilil, tojobtasbil ta stuc'ulanel ti snae, yich'oj liquel yip yu'un ta sventa ti snopbenale.

Proverbios 3:1

Ti c'u s'elan laj jchanubtasote, cuni nich'on, mu xach'ay ta avo'nton, bejeluc ta ajol ti jmantaltaque,

Proverbios 8:1

Ti bu xa xu' yu'une, ta x'avan ma' ti bijilile; ta svinajes sc'opojel ma' ti snopbenale.

Isaías 55:1

Xi ta xal ti Diose: “Scotolic ti buch'utic ta xa'iic ti taqui ti'ile, talicuc ta yuch'el ti vo'e. Ti buch'u ch'abal ti staq'uinique, la'ic. Sa'ic ti trigo ti bu mu manbiluque. Sa'ic ti vinoe xchi'uc chu' vacax ti mu'yuc tojbil jutebuque.

San Mateo 16:18

Ta xcalbot ava'i ec un ti Pedroote ti ja' jechot jech chac c'u cha'al ti tone. Ta aventa, ta xbol ti cajch'unolajeltaque. J'ech'el mu xmac ta be yu'un yip stsatsal ti lajebale.

Gálatas 2:9

Jech o xal un, ti Santiagoe, ti Pedroe, ti Juane, ja' ti ich'bilic ta muc' teye, laj ya'iic ti ja' laj yac'bun Dios ti cabtele. Jech o xal ti stuquique laj stsacbun jc'ob xchi'uc ti Bernabee, ja' svinajeb ti jununcutique, ti co'ol ti cabtelcutique. Lec laj ya'iic ta xba abtejcun ta stojol ti jyanlumetique. Lec laj ya'iic ec ta xcom abtejicuc ta stojol ti israeletique.

1 Timoteo 3:15

yu'un mi lijalije, xana' xa c'u s'elan sc'an ti ta spasic ti jch'unolajeletic ti c'otem ta yu'untac ti cuxul Diose, ti ja' ta sva'an sbaic ta spojel ti bu ja' melele, yo' mu xyanij ti sc'oplale.

Apocalipsis 3:12

Ti buch'u ta stsal yu'un scotole, ta xcac' c'otuc jech c'u cha'al yoyal xch'ulna ti Dios cu'une, ti j'ech'el comic o ti bu taje. Ta jts'iba ta stojolic sbi ti Dios cu'une, sbi steclumal ti Dios cu'un ti ach' Jerusalén ta xlic talel ta vinajel ta stojol ti Diose, xchi'uc ti ach' jbi ta stojolique.