Proverbios 3:3 - Bible in Tzotzil de Chamula

³ J'ech'eluc mu xavicta ti xc'uxul avo'ntone, ti meleluc ti ac'ope, ti uinbiluc avu'un jech c'u cha'al ti nats'ile. Bejeluc ta ajol ta avo'nton,

Bible in Tzotzil de Chenalhó with Deuterocanon

³ Mu me xacomtsan li c'uxubinvaneje xchi'uc li yalel c'usitic melele. Pasilano jech chac c'u cha'al li boch'o te xojol o ta snuc' snats'e; te ts'ibabil ac'o comuc o ta avo'nton.

Proverbios 3:3 Iomraidhean Croise

2 Samuel 15:20

Yu'un ja' to no'ox volje lavul. ¿C'u ono'ox la xachi, ‘la' chi'inuncutic’ xacut ti c'alal mi ja'uc jna' ti bu ta xibate? Ta lec no'ox, sutanic batel xchi'uc ti avinquileltaque. Ac'o sva'an sba ta atojol ti Diose, ac'o xa xchi'inot ta j'ech'el.

Salmos 119:11

Ti yo' mu jta jmul jcolo' ta atojole, ta sventa no'ox ac'op ti bejel lec c'ot ta co'ntone.

Salmos 25:10

Ta syail xc'uxul yo'nton, ta sventa melel, ta sliques yabtel ta stojolic ti buch'u ta spasbeic ti c'usi yaloje, xchi'uc ti smantaltaque.

Salmos 85:10

Yu'un co'ol yabtelic ma' ti melele xchi'uc ti syail xc'uxulile; ti tuq'uilale, xchi'uc ti lamajem jol o'ntonale, co'ol yabtelic.

Éxodo 13:9

Ti jech bejel ta o'ntonal avu'unic taje, co'ol s'elan avich'ojic marca ta ac'obic, mi ta ati'baic. Ti jech taje, ja' svulesobil ta ajolic ti tsots sc'oplal ta xalo'iltabe abaic ti oy c'usi tsots albil yu'un ti Diose. Yu'un ta smuc'ul stsatsal, laj sloq'uesuncutic talel ta Egipto.

Éxodo 34:6

Yu'un xi tsots c'opoj ti c'alal ech' ta sts'el ti Moisese: —¡Ti vu'un Ajvalilune! ¡Ti vu'un Ajvalilune! ¡Diosun ti mu xitenvan xijipvane, ti oy xpuxulil sts'iquemal cu'une, ti jelavem ti syail xc'uxul co'ntone, ti xc'ot xic'opoje!

Proverbios 1:9

Xi s'elan c'otem ta alequilal ti alac' aba xac'ot o xchi'uque: avuil ti jun yutsile, mi mo'oje, c'otem ta sronail ajol.

Proverbios 14:22

Ti buch'u stamojic ta spasel ti chopole, ch'ayemic ta be, ja'uc ti buch'u stamojic ta spasel ti c'usi leque, staojic ti c'uxubinele, ti lec sc'oplalique.

Proverbios 16:6

Ti buch'u mu tenbaj ta yo'nton ta xa'i ti Diose, ti j'ech'el jamal ti yo'ntone, ta sta ti ch'aybil ta xc'ot ti smule; c'alal xi'tabil ti Diose, ta xicta comel ti c'usi chopole.

Proverbios 20:28

Ti ajvalile j'ech'el stsinanoj sba ta spasob mantal c'alal yacal ta spasolanel ti xc'uxul o'ntonale, melel ti sc'ope.

Proverbios 6:21

Bejbunuc ta avo'nton, uino batel ta yalel muyel.

Proverbios 7:3

Xojoluc ta sni' ac'ob; bejano ta ajol avo'nton.

Jeremías 17:1

“Ti amule, Judá, ta jich'il ni' taq'uin ts'ibabil lec com ta ch'ojel. Ti ton s'elan oy ti avo'ntone, xchi'uc ti xulubtac ti altaretic avu'une, ch'ojbil lec ta ts'ibael ta jun ts'ub ts'ub ni' saquil xixib ton.

Oseas 4:1

Israeletic, a'yio ava'iic lec c'usi ta xal ti Diose. Yu'un ti stuque, ts'inil xa ta yo'nton ti ta sliques letoe, ta stsaquel ta c'op ti buch'utic li' nacalic ta muc' ta lume, Yu'un ti li'e, mu'yuc slequil stuq'uilic ti jnaclejetique, mi ja'uc xa oy yutsil slequil yo'ntonic, mi ja'uc ta staic ta na'el ti Diose.

Malaquías 2:6

Ti Levie laj yac' ta na'el ti bu ja' melele. Mi ja'uc jutebuc ti c'usi chopol oy ta ye ta sti'e. Cuxul lec yo'nton ti nabal ta spasel ti c'usi xco'olaj co'nton xchi'uque. Ep ti buch'utic laj sutesan sbaic yu'un ta spasel ti c'usitic chopole.

San Mateo 23:23

“¡Mu cha'belucoxuc, jchanubtasvanejetic yu'un ti oy c'usi tsots albil sc'oplale, jpac'taejba fariseoetic! Ja' no'ox tsots sc'oplal ta xava'iic ta sloq'uesel ti jujun ta lajlajuneb ti tul nichime, ti culantue, ti cominoe, yo' ta xavac'beic smotonin ti Diose. Mi ja'uc xavich'ic ta muc' ti c'u s'elan ta xchanubtasvan ti oy c'usi tsots sc'oplal albile, ti ta xalbe sc'oplal ti lequilale, ti xc'uxul o'ntonale, ti junuc o'ntonal ta stojol ti Diose. Ja' tsots sc'oplal ta xapasic ti jechuque xchi'uc mu xavictaic ta yaq'uel ti jujun ta lajlajunebe.

2 Corintios 3:3

Ja' jvunoxuc ti laj sts'iba ti Cristo stuque. Ma'uc ts'ibabil ta tinta, ja' ts'ibabil yu'un ti Xch'ul Espíritu ti cuxul Diose. Ja' jvunoxuc ti ma'uc ts'ibabil ta pech-pech tone, yu'un ts'ibabil c'ot ta avo'ntonic ta sventa ti laj calcutic ava'iic ti lequil ach' c'op ta atojolique.

Efesios 5:9

Yu'un ta sventa ti oyoxuc ta saquilal osile, ta x'ayan slequilal yutsilal avo'ntonic, ti stuq'uil jol o'ntonale, ti lec ta q'uelel ti acuxlejalique.

Deuteronomio 6:8

Chuquic ech'el ta ac'obic ta ati'baic ti mantaletic taje yo' jech ta xt'ab ta avo'ntonic.

Hebreos 10:16

“C'alal ta xc'ot ti sc'ac'alile, ta xcac'beic ach' trate jech c'u cha'al li'e, xi ti Cajvaltic Diose: Ta jtic'be ta sjolic ti jmantale. Ta jts'ibabe lec ta yo'ntonic.