Proverbios 3:1 - Bible in Tzotzil de Chamula

¹ Ti c'u s'elan laj jchanubtasote, cuni nich'on, mu xach'ay ta avo'nton, bejeluc ta ajol ti jmantaltaque,

Bible in Tzotzil de Chenalhó with Deuterocanon

¹ Jnich'on, mu me xch'ay ta avo'nton li chanubtasel cu'une; chabio me ta avo'nton li jmantaltaque,

Proverbios 3:1 Iomraidhean Croise

Proverbios 4:5

Tao ti abijile, oyuc lec snopbenal avu'un; ma'ucuc ti x'ech' xjelav no'ox avu'un ti jc'ope.

Salmos 119:16

Ximuyubaj no'ox xchi'uc ti oy c'usitic jbel albil avu'une, mi ja'uc ta jch'ay ta co'nton ti ac'op une.

Proverbios 1:8

Cuni nich'on, ich'o ta muc' ti c'u s'elan ta xchanubtasot ti atote, mu xajip ta apat ta axocon ti chanubtasel yu'un ti ame'e.

Salmos 119:93

Mi ja'uc ta jch'ay ta co'nton ti c'usitic nopbil avu'une, yu'un ja' ta sventa ti laj avac' ta xicuxie.

Salmos 119:34

Ac'bun sbijil jol co'nton yo' mu xch'ay xca'i ti c'u s'elan ta xachanubtasvane, yu'un ta sjunul co'nton ta jc'an ta jch'un.

Jeremías 31:33

C'alal mi sta yoraile, xi s'elan ti jtrate ta jpas ta stojolic ti Israele: Ta jbejanbe ta yo'nton, xchi'uc ti jts'ibabe ta sjol ti c'usi jbel tsots albil cu'une. Ta xic'ot ta Dios yu'unic. Calab jnich'nab ta xc'otic ti stuquique. Ti vu'un Diosune, mu lo'iluc no'ox ta xcal.

Salmos 119:11

Ti yo' mu jta jmul jcolo' ta atojole, ta sventa no'ox ac'op ti bejel lec c'ot ta co'ntone.

Deuteronomio 8:1

“Ti mantaletic ti laj calboxuc ava'iic avi li'e, lic abtelanic ta spasel yo' jech ta xach'i xac'opojic, ti ta xac'otic ta jun epal jteclume, ti ta xavu'ninic ti muc' ta lum ti albilic ono'ox yu'un Dios ti ta x'ac'batic ta amolmuc'totic ti laj ech'icuc ta vo'nee.

Salmos 119:153

Q'uelo avil, mu x'ech' xjelav ti jvocole, pojun, ti chanubtasel avu'une mu'yuc jch'ayoj ta co'nton.

Oseas 4:6

Ja'uc ti jteclumale, mu'yuc c'usi ya'binojic ta sni' ta xchiquinic. Ja' yu'un un, laj yich'ic tsutsesel. Yan ti vo'ote, pale, ti laj ajip ta apat ta axocon ti c'usi avojtiquinoj leque, ma'uc xa cajpale ta xacom. Ti jech loc' ta avo'nton ti laj ajip ta apat ta axocon ti chanubtasel yu'un ti Dios avu'une, ta jtubbe sc'oplal ta co'nton ti anitilultaque.

Deuteronomio 4:9

Ja' yu'un un, bijanic ti mu xch'ay ta avo'ntonic ti c'usitic laj avilic ti c'ot ta pasele, ti mi ja'uc ta j'ech'el ta xaten ta apat ta axoconique. Ja'uc le'e, albeic ya'iic smelol ti anich'nabique xchi'uc ti amamubtaquique.

Salmos 119:176

Co'ol j'elan junuc ch'ayemal chij, ¡la' sa'un un, yu'un mu'yuc jch'ayoj ta co'nton ti amantaltaque!

Deuteronomio 4:23

Ja' no'ox un, bijanic ti mu xch'ay ta avo'ntonic ti yac'ojboxuc strate ti Ajvalil Dios avu'unic ti laj spas ta atojolique. Mu xaloc'taic ta smeltsanel loc'obbail, c'usiuc no'ox yan ti laj yalboxuc ava'iic ti Ajvalil Dios avu'unic ti mu stac' jech ta xapasique.

Proverbios 31:5

Xu' ta xc'ot ta pasel un, ta xch'ay ta yo'ntonic ti oy c'usi jbel tsots albile, ti mu xa xaq'uic ta venta sc'op ti buch'utic abol sbaique.

Isaías 51:17

Vic'o asat, tijo xa ach'ulel, Jerusalén, lican xa. Laj xa ata tsitsel yu'un sc'ac'al yo'nton ti Diose jech c'u cha'al ti sjip xch'a ochel ta ye ti jbis poxe, ti sts'ubta xa ti stsutsebe, ti yacub xchi'uque.

Éxodo 20:6

Ja' no'ox un, mu'yuc spajeb ta jc'uxubinan ti buch'utic c'ux ta xiya'iique, ti ta xc'ot ta pasel yu'unic ti jmantaltaque.

Salmos 91:16

Xi s'elan ta xcac'be sc'upin sjalil ti xch'iel sc'opojele: ta sta ti xmuyubaj ta sventa coltael cu'une.”

Salmos 119:61

Comon volol cajval yu'unic ta xmich'elicun ti buch'u mu'yuc xch'ulel xa'i sbaique, ti jech taj une, mu'yuc laj jch'ay ta co'nton ti chanubtasel avu'une.

Proverbios 2:1

C'otuc ta avo'nton ti jc'op ca'yeje, cuni nich'on, bejano ta ajol ta avo'nton ti jmantaltaque.

Proverbios 4:2

Laj xa cac' ana'ic ti lequil tojobtasele, mu xabaj xaten ti chanubtasel laj calbot ava'ie.

Proverbios 16:31

Yich'el ta muc' c'otem xchi'uc ti sac chijan ti jolile, laj sta ti oy smelol stuq'uil ti sc'opojele.

Proverbios 23:26

Ts'etanbun ani' achiquin ta ya'yiel ti c'usi ta xcalbote, cuni nich'on, q'uelo ti c'u s'elan jtamoj ech'ele.

Deuteronomio 5:16

‘Bic'tajeso aba ta yich'el ta muc' ti atote, ti ame'e jech c'u cha'al laj yalbot mantal ti Ajvalil Dios avu'une yo' jech ta xnatij ach'iel ac'opojel, yo' jech lec ta xbat ac'oplal ta banomil ti bu ta x'ac'bat yu'un ti Ajvalil Dios avu'une.

Deuteronomio 5:33

Ja' tamic ech'el sbelel ti c'u s'elan laj xchanubtasoxuc ti Ajvalil Dios avu'unique yo' jech lec ac'oplalic, ti jal jabil ta xach'i xac'opojic ta banomil ti bu ta xayac'boxuc ti arextoique.

Proverbios 4:21

J'ech'eluc mu xch'ay ta asat, bejluc ta avo'nton.

Proverbios 8:1

Ti bu xa xu' yu'une, ta x'avan ma' ti bijilile; ta svinajes sc'opojel ma' ti snopbenale.

Proverbios 9:1

Ti bijilile laj smeltsan sna; laj xch'al lec ta nichimtasel ta vucbej (7) oy.