Proverbios 11:4 - Bible in Tzotzil de Chamula

⁴ Mu xa cha'bel xpojvan ti c'ulejal ta yorail ti chapanele, ja'uc ti lequil tuq'uilale, mu x'ac'van ta milel.

Bible in Tzotzil de Chenalhó with Deuterocanon

⁴ Li c'ulejalile mu'yuc c'usi chtun o ti c'alal yorail chich' chapanel scotol cristianoe; yan li stuq'uil co'ntontique ja' chiscoltautic ta chamel ta lajel.

Proverbios 11:4 Iomraidhean Croise

Génesis 7:1

Ts'acal to un, ti Diose xi laj yalbe ti Noee: “Ta scotol ti jnaclejetic avi tana li'e, ja' no'ox vo'ot laj apas ti c'usi ta jc'ane. Ja' yu'un un, jmoj ochanic batel ta barco ti c'u avepalic ta nacleje.

Job 20:28

C'alal cunul ta xvul ta stojol sc'ac'al yo'nton ti Diose, ta xch'ay scotol ti sc'ulejale.

Proverbios 10:2

Ti c'ulejal ti ma'uc lequil tabile, mu'yuc c'usi sbejtsaj yu'un, ja'uc ti bu lequil tabile, jun no'ox o'ntonal yu'un.

Proverbios 12:28

Sbelel ti tuq'uilale, cuxlejal ti bu ta x'ic'van batele; ti pimubele, chamebal ti bu ta x'ic'van batele.

Proverbios 6:34

Ti liquem xa yit'ixal yo'nton ti vinique, co'ol s'elan junuc c'oc', tiq'uil o ta yo'nton ta spac sutel ti xq'uexe.

Isaías 10:3

¿C'usi ta xavut abaic un, ti c'alal ta xa'ich'bat ave'ique, ti c'alal ta xavilic ti le' xa xtal ti tsitsele? ¿Buch'u ta xbat atijbeic sjol ta sc'anel ti pojele? ¿Bu ta xavaq'uic comel ti ac'ulejalic une?

Ezequiel 14:14

Ti nacalicuc ti Noee, ti Daniele, ti Job ti ta jteclum taje, c'ajomal no'ox ta xcolic ti oxib taje, ti oy slequil yutsilique. Ti vu'un Ajvalilune, mu me lo'iluc no'ox ta xcal.

Ezequiel 7:19

Ta sjipic batel ta be ti platae. Co'ol xa s'elan c'a'ep ta sjipic batel ti oroe. Laj to sc'oplal ta xpojeic yu'un ti oroe, ti platae ta sc'ac'alil ti liquem scapemal sjol ti Diose. Mu xmac yu'un ti vi'nale, mi ja'uc xnoj ti xch'utique, ja' ta scoj oy ti oro yu'unic lic spasic ti c'usi mu stac' alele.

Sofonías 1:18

Ti sc'ac'alil yorail ti liquem sc'ac'al yo'nton ti Diose, mu xpojat yu'un yoroic splataic ti jnaclejetique. Ti sc'ac'al stilemal sc'ac'al yo'nton ti Diose, ta stubbe sc'oplal scotol ti jteclume. Scotol ti jnaclejetic ta banomile, ta jliquel no'ox ch'ab xi ti sc'oplalique.

San Mateo 16:26

¿C'usi bal o ti vinique ti mi ch'ayel ta xbat ti xch'ulele? ¿Mi oy c'usi xut ta sman loq'uel ti xch'ulele?

San Lucas 12:20

Xi albat yu'un ti Diose: ‘Toyobba vinic, ti ac'ubal tana li'e, ta xacham. Ti c'usiticuc x'ayan avu'une, ¿buch'u van ta xich' comel?’

Romanos 5:17

Ti ayan yip ti mulil ti ta xijchamotic yu'une, ja' ta scoj ti laj sta smul ti jun vinique. Oy lec smelol un ti ta sventa ti jun vinic Jesucristoe, laj jtatic ti ach' cuxlejal ta matanale. Laj jtatic ti lec xij'ile yu'un ti Dios ta sventa ti Jesucristoe.

1 Timoteo 4:8

Ac'o mi ta xtun yu'un ti buch'u yacal ta xchan yip ta xicubtasel ti sbec'tal stacopale, ja'uc ta spasel ti c'usi ta sc'an ti Diose, tsots sc'oplal ta xtun ta sventa scotol, ti albil sc'oplal ti oy c'usi ta xich' tael yu'un ti jech li' to cuxulotic ta banomile, xchi'uc ti le' to sq'ueloj batele.