Números 9:19 - Bible in Tzotzil de Chamula

¹⁹ Mi jal volol ta xcom ti toc ta sba ti ch'ulnae, jech ti israeletique ta xlic spasic ti c'usi ta sc'an ti Diose yo' jech ta xac' sbaic ta tunel. Mu stac' xanavic.

Bible in Tzotzil de Chenalhó with Deuterocanon

¹⁹ C'alal me ep c'ac'al te chcom ta sba yac'ol ch'ulna li toque, li israeletique mu'yuc tstotsic batel. Te no'ox chcomic o, yu'un ja' chch'unbeic smantal li Muc'ul Diose.

Números 9:19 Iomraidhean Croise

Éxodo 40:37

Yan ti mi mu'yuc ta stots batel ti toque, mi ja'uc ti stuquique ta stotsic ti Axibalna yu'unique. Yu'un ja' ta smalaic ti mi ta stots batel ti toque.

Levítico 8:35

Ac'o mi jech un, ja'uc ti vo'oxuc une, tsots sc'oplal, vucub c'ac'al, vucub ac'ubal sjalil, ta xacomic ta ochebal sti' ti Axibalna ti bu Nupel ta bee. Ich'biluc ta muc' c'otuc avu'unic smantal ti Diose, yu'un ja' jech laj quich' talel ti mantale yo' jech mu xachamic.”

Zacarías 3:7

“Xi s'elan ta xal ti Dios ti scotol xu' yu'une: ‘Tamo batel ti jbe ti bu jtamoj batele. C'otuc ta pasel avu'un scotol ti c'u yepal laj cac' abain ta spasele. Ti mi jech ta xapase, ta xacom ta sbainel ti jch'ulnae. Ta xatuc'ulan ta sq'uelel lec ta sjoylej xchi'uc ti yamaq'uiltaque. Jech ta xcac'bot avich' cajal avabtel jech c'u cha'al ti ánjeletic ti ta xtunic cu'une.

Números 3:8

Ja' ta xchabiic xtoc ti c'usitic oy x'ayan ta Axibalna ti bu nupel ta bee. Ta xac' sbaic ta tunel ta stojol ti israeletic ta scotol ti c'usi sc'an pasel yu'un ti Axibalnae.

Números 9:18

C'alal ta x'albat mantal yu'un ti Diose, jech ti israeletique ta stam batel ti sbeique. Mi mo'oje, ta slaman sbaic ta naclej. Ta xcomic ti bu volol ti toc ta sba ti ch'ulnae.

Números 9:20

Yan ti mi jun chib no'ox c'ac'al ta svol sba ti toc ta sba ti ch'ulnae, ta jbel no'ox smantal ti Diose, ta stam batel sbeic. Mi mo'oje, ta jbel no'ox smantal xtoc ta spajtsan sbaic.