Números 9:14 - Bible in Tzotzil de Chamula

¹⁴ “Ti jyanlumetic ti nacal ta atojolique, tsots sc'oplal ta spasic q'uin Colel, yu'un ja' quich'el ta muc'. Jun smantalil jech c'u cha'al laj calboxuc ava'iique. Manchuc mi jyanlum, mi ja' yajval jteclum, co'ol oy yip ti smantalile.”

Bible in Tzotzil de Chenalhó with Deuterocanon

¹⁴ “Li yanlum cristianoetic ti te xa nacalic yo' bu oyoxuque, ac'o me spasic ec li q'uin Coltael sventa chiyich'icun ta muq'ue. Ja' jech ac'o spasic jech chac c'u cha'al calojboxuque. Li mantal calojboxuque, chtun sventa yanlum cristianoetic, xchi'uc ta sventa li boch'otic li' voq'uemique”, xi.

Números 9:14 Iomraidhean Croise

Esdras 6:21

Scotol israeletic ti sutic xa talel ti bec'bil to ox loq'uique, jmoj laj svol sbaic ta ve'el ta sventa q'uin Colel, xchi'uc scotol ti buch'utic laj yicta sbaic ta spasel ti c'u s'elan chopol ta spasic ti yan muc'tiquil lume, volol laj spasbeic stoyel xi'el ti Ajvalil Dios yu'un ti Israele.

Éxodo 12:43

Ti Diose xi laj yalbe ya'i ti Moisese xchi'uc ti Aarone: “Ti oy c'usi tsots albil ta sventa ti q'uin Colele, xi s'elane: Ti milbil chon bolome, mu xu' ta sti'ic ti jyanlume.

Éxodo 12:47

Ti jech taje, scotol ti israeletic ti jaychop oyique, ac'o yaq'uic ti matanale.

Levítico 19:10

Mi ja'uc xabejel c'uxc'ulta ta j'ech'el ti sat uvatic ti c'alal ta xatul ti oy ta avosile. Mi ja'uc xabejel tsob ti lamal ta lumtique. Comuc xa ta sventa ti me'un mu'natetique xchi'uc ti jyanlumetique. Yu'un vu'un ti Ajvalil Diosun avu'unique.

Levítico 22:25

Ja' jech xtoc mu xu' xach'ambeic ta yich'bel jech s'elan chon bolometic yu'unic ti jyanlumetic ti ta xich' ac'bel ti Dios avu'unic ti xu' ta xtun ta ve'lile. Yu'un ja' jun chon bolom ti oy xchopolile, mi ja'uc tsacbil ta xc'ot.”

Levítico 24:22

“Ti jbel ti c'usi tsots albile, oy yip ta stojol ti jyanlumetique xchi'uc ta stojol ti bats'i yajval lumetique. Yu'un vu'un ti Ajvalil Diosun avu'unique.”

Levítico 25:15

Va'i un, ti buch'u ta smane, tsots sc'oplal ac'o stoj jech c'u cha'al stojol ta sc'an ti c'alal mu to xc'ot sc'ac'al ti sjabilal ti pojel colele. Yu'un ti buch'u ta xchone, xu' xi ta sc'anbe ti stojol ta scoj ti mu to ta sts'aqui sc'ac'alil ti c'u sjalil ta xich' ts'unel ti ts'unubale:

Números 15:15

Yu'un jun no'ox smantalil ti tsots sc'oplal ta atojolique, xchi'uc ta stojol ti jyanlumetique, ti ja' j'ech'el ch'unbil ta xcom o ti jbel c'usi tsots albile ti ta x'ech' ta stojolic ti totil me'iletique xchi'uc ti alab nich'nabe.

Números 15:16

Yu'un ti oy c'usi jbel tsots albile, xchi'uc ti mantale, jun no'ox oy ta atojolic xchi'uc ti jyanlumetique.”

Deuteronomio 29:11

ti ololetique, ti antsetique, ti jyanlumetic ti xchi'inojoxuc ta nacleje, c'alal to ta jcuch-si' xchi'uc ta jcuch-vo' ti li' oyique.

Deuteronomio 31:12

Yu'un tsots sc'oplal ta stsob sbaic scotol ti lume, jech c'u cha'al ti viniquetique, ti antsetique, ti ololetique, ti jyanlumetic ti nacalic ta ateclumalique, yo' jech ta xa'iic ta xich' avtabel ti jbel ti c'usi tsots sc'oplal albile, yo' jech ta xchanic ta yich'el ta muc' ti Ajvalil Dios avu'unique, xchi'uc ta xchanic ta spasel ti c'u s'elan ta xale.