Números 9:12 - Bible in Tzotzil de Chamula

¹² Ja' no'ox un, mu xavictaic scomelal ta yan c'ac'al. Mu xac'asbeic mi junuc ti sbaquile. Ti c'alal ta xapasic ti q'uin Colele, sc'an ti mu xich' jelel jtosuc ti c'u s'elan liquem ti caloj ta xich' pasele.

Bible in Tzotzil de Chenalhó with Deuterocanon

¹² Mu me c'usi scomtsanic sventa yoc'omal, xchi'uc mu me sc'asbeic junuc sbaquil. C'alal ta spasic li q'uin Coltaele, ac'o spasic scotol jech chac c'u cha'al jchanubtasojoxuque.

Números 9:12 Iomraidhean Croise

Éxodo 12:10

Mi ja'uc xcom scomelal avu'unic ta yoc'omal. Ti mi oy to com scomelale, chiq'uic ta c'oc'.

Éxodo 12:43

Ti Diose xi laj yalbe ya'i ti Moisese xchi'uc ti Aarone: “Ti oy c'usi tsots albil ta sventa ti q'uin Colele, xi s'elane: Ti milbil chon bolome, mu xu' ta sti'ic ti jyanlume.

Éxodo 12:46

Sc'an ti ta jbej no'ox na ti bu ta xich' ti'ele. Mi ja'uc jutebuc sbec'tal ti milbil chon bolom ta xich' ich'el loq'uele. Ti bu ta xich' ti'ele, mu xu' ta xich' c'asbel ti sbaquile.

Éxodo 12:8

Ti jech ac'ubal taje, vobil ta c'oc' ta xati'ic ti beq'uete, capal ta ch'ail itaj, xchi'uc pan ti mu'yuc yich'oj ti spajubtasobile.

Éxodo 40:38

Yu'un ti c'u sjalil snatil xanavic ti israeletique, yilojic ta sba ta sat scotolic xtoc ti toc yu'un ti Diose. Yu'un ti ta c'ac'altique, tey ono'ox oy ta sba ti Axibalnae. Yan ti ta ac'ubaltique, xtililet ono'ox ti c'oc' ta sbae.

Números 9:3

Ti xcaltique, ja' ta xlic ta smalil c'ac'al ta xchanlajunebal (14) c'ac'al yu'un ti u li'e, ti mu xich' jelel jtosuc ta scotol ti c'u s'elan liquesbile, xchi'uc ti c'u s'elan xcholet caloj ta sventa sq'uinal sna'obil ta xich' pasele.”

San Juan 19:36

Ti jech c'ot ta pasel taje yo' ta xc'ot ta pasel jech c'u cha'al ti xi ta xal ti ts'ibabil ta ch'ul c'ope: ‘Mi junuc sbaquil laj sc'asbeic.’