Números 8:7 - Bible in Tzotzil de Chamula

⁷ Ti smelol ti mesel tusele, xi s'elan jech c'u cha'al li'e: Ta xavijbe ti jmesvanej jtusvanej vo'e. Ts'acal to un, ta xch'ul sbaic lec sjunul. Ta xchuc' sc'u'ic. Va'i un, mesbil tusbil ta xc'otic.

Bible in Tzotzil de Chenalhó with Deuterocanon

⁷ Ti c'u x'elan tsc'an chalecubtase ja' jech chac li'i: Vijo ta vo', ja' li vo' sventa lecubtasele. Ts'acal ac'o xjux loq'uel scotol stsotsil sbec'talic, xchi'uc ac'o xchuc' lec sc'u'ic, jech lec xa chcomic o.

Números 8:7 Iomraidhean Croise

Génesis 35:2

Va'i un, ti Jacobe xi laj yalbe ya'i ti c'u yepalic ta nacleje xchi'uc scotol ti c'u yepal oy ta stojole: —Loq'uesic scotol ti jnabel diosetic ti c'u yepal oy avu'unique. Atinanic, jeltao lec ac'u'ic.

Salmos 51:2

Meso tuso loq'uel ti jchopolale. Meso tuso loq'uel ti mulil oy ta jtojolale.

Salmos 51:7

Mesun tusun ta hisopo te', mesbil ta xic'ot unbi; pocun un, x'ech'uc to sac lapanel ta xicom jech c'u cha'al ti bote.

Éxodo 19:10

Va'i un, xi albat xtoc yu'un ti Diose: —Batan, yu'un avie xchi'uc ti oc'ome, tana no'ox, ac'o xchapan sbaic avu'un ti israeletique yo' ta spasbeicun ti quich'el ta muq'ue. Tsots sc'oplal chuc'bil lec ti sc'u'ique.

Isaías 52:15

Ja' jech xtoc ep muc'tiquil lumetic ti ch'ayal ta xc'ot ti yo'ntonique. C'alal ta xlic yilic ti ajvaliletique, mi ja'uc xa xtal ta sjolic ti c'usi xu' ta xloc' ta yeique. Yu'un ja' to ta xlic yilic, ta xlic ya'ibeic jutebuc smelol ti c'usi mu'yuc ya'yiojique.

Jeremías 4:14

Jteclum Jerusalén, tuch'o loq'uel ta avo'nton ti c'usi chopole, ja' to jech ta xapoj aba. ¿C'usi to ora ta xajel ajol ta yictael ta snopilanel ti c'usi chopole?

Ezequiel 36:25

Ta yax jipan vo' ta jpocoxuc. Ta jmes ta jtus loq'uel ti c'usitic mu xtun oy ta atojolique, xchi'uc ti sbolil laj ach'ambeic ti laj anijan abaic ta yich'el ta muc' ti c'usitic meltsanbile.

Levítico 15:27

“Buch'uuc no'ox ta spic jtosuc ti va'i s'elan taje, c'otuc ta o'ntonal ti xcuchojbe ta xc'ot ti sbolile. Tsots sc'oplal ac'o xchuc' ti sc'u'e, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 15:6

“Buch'uuc no'ox ta stsac ta xchotlebinel ti bu choti ti vinique, tsots sc'oplal ac'o xchuc' ti sc'u'e, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 16:28

Jech ti buch'u ta xchiq'ue, tsots sc'oplal ac'o xchuc' sc'u', ac'o spoc sba ta vo'. Ts'acal to xtoc un, xu' x'och batel ti bu lamalic ta nacleje.

Levítico 8:6

Laj taj une, jech ti Moisese laj snopajes talel ta sts'el ti Aarone xchi'uc ti xnich'nabe, laj yatintas.

Números 19:13

Ti mi oy buch'u laj stic' sba ta spiquel ti animae, ti mi mu smes stus sbae, ta soquesbe sc'oplal ti xch'ulna Dios yu'une. Tsots sc'oplal tenbil ta xloc' ta stojol ti israeletique, ja' ti mu'yuc laj yich' mesel tusel yu'un ti jtusvanej vo'e. Staoj yav ti xcuchoj ti sbolile.

Números 31:20

Tusic ta mesel xtoc ti c'u'iletique, xchi'uc scotol ti c'usitic meltsanbil ta nucule, ti meltsanbil ta tsotsil tentsune, ti meltsanbil ta te'etic xtoque.

Números 8:21

Va'i un, ti levitaetic une laj yich'ic mesel tusel. Laj xchuc' sc'u'ic. Jech ti Aarone laj sva'an laj yac' jelavel jech c'u cha'al junuc lequil matanal ta stojol ti Diose ti c'alal sye'ilan xa ti sc'ob ti ja' sc'oplal yu'un ti mesel tusele.

Hebreos 9:10

Yu'un spat xocon no'ox, naca sc'oplal ve'liletic, uch'bolaletic, xchi'uc c'u s'elan ta stus ta spoc sbaic. Yu'un naca mantal ti ja' no'ox itun ti c'u sjalil mu'yuc to ta xc'ot ta jelel yu'un ti Diose.

Hebreos 9:13

Jech ono'ox un, xch'ich'el ti tentsunetique, xch'ich'el ti ch'iom tot vacaxetique, stanil ti me' ch'in vacax ti laj yich' chiq'uel ta altare, melel, xtun ti laj yich' vijbel ta sbaic ti buch'utic albil sc'oplal ti mu staq'uic nopele, yo' jech pocbil tusbil ta xc'ot spat xoconic ti ventainbil ta xc'otique.

Santiago 4:8

Nopajanic ta stojol ti Diose, jech ti stuque ta xnopaj talel ta atojolic ec. Jsa'muliletic, ac'o ta poquel ti ac'obique. Ti vo'oxuc ti c'ux ta xava'iic ti Diose xchi'uc ti mu tuch'baj ta avo'ntonic ta xava'iic ti sc'upijel banomile, aq'uic ta tusel ta poquel ti avo'ntonique.

1 Pedro 3:21

Ti nojel ta vo' taje, ja' ta xac' ta na'el sc'oplal ti ich' vo'e, ti ja' senyail ta xijcole. Yu'un ti ich' vo'e, ma'uc ta sventa ta spoc ti jbec'taltique, yu'un ja' no'ox ta sventa ac'o jc'anbeticuc spoquel jol co'ntontic ti Diose, yo' jech ta xijcolotic ta sventa ti cham cha'cuxi ti Jesucristoe.

Apocalipsis 7:14

—Yojtot, xana' atuc bu talemic —xcut. Xi laj stac'bune: —Le'e, ja'ic ti buch'utic cuch yu'un ti tsots svocolique, yu'un laj yaq'uic ta chuq'uel ti sc'u'ique, xchi'uc laj yaq'uic ta sacubtasel ta sventa xch'ich'el ti jcot ta Uni Chije.