Números 8:21 - Bible in Tzotzil de Chamula

²¹ Va'i un, ti levitaetic une laj yich'ic mesel tusel. Laj xchuc' sc'u'ic. Jech ti Aarone laj sva'an laj yac' jelavel jech c'u cha'al junuc lequil matanal ta stojol ti Diose ti c'alal sye'ilan xa ti sc'ob ti ja' sc'oplal yu'un ti mesel tusele.

Bible in Tzotzil de Chenalhó with Deuterocanon

²¹ Li levietique laj yich'ic lecubtasel, xchi'uc la xchuc' lec sc'u'ic. Jech li Aarone laj yac' ta stojol Dios. Ja' jech ic'otic jech chac c'u cha'al lequil matanal. Xchi'uc la spas li c'usitic tsc'an pasel ta sventa chich'ic lecubtasele.

Números 8:21 Iomraidhean Croise

Éxodo 19:10

Va'i un, xi albat xtoc yu'un ti Diose: —Batan, yu'un avie xchi'uc ti oc'ome, tana no'ox, ac'o xchapan sbaic avu'un ti israeletique yo' ta spasbeicun ti quich'el ta muq'ue. Tsots sc'oplal chuc'bil lec ti sc'u'ique.

Levítico 14:11

Ti pale ti ja' ta sliques ti poquel tusele, ta xic' batel ti buch'u ta xich' poquel tusele, xchi'uc ti c'usitic oy yu'un ta stojol Dios ti ta ochebal sti' ti Axibalna ti bu nupel ta bee.

Números 19:12

Ti ta yoxibal c'ac'ale, xchi'uc ti ta yucubal c'ac'ale, tsots sc'oplal ta stus ta spoc sbaic ta sventa ti jtusvanej jpocvanej vo'e. Ja' to jech ta xlaj yip ti xcuchoj ti sbolile. Yan ti mi mu slecubtas sba ta yoxibal c'ac'ale, xchi'uc ti ta yucubal c'ac'ale, xcuchoj ti sbolile.

Números 19:19

Jech ti vinic ti smesoj stusoj sbae, ta yoxibal c'ac'al, xchi'uc ta yucubal c'ac'al, ta svits'ulta ta vo' ti buch'u mu'yuc mesbil tusbile. Va'i un, ti ta yucubal c'ac'al une, ta sta ti mesbil tusbil ta xc'ote. Jech ti buch'u xcuchoj ti sbolile, ta xchuc' sc'u', ta x'atin lec ta vo', ac'o mi ta smalil to c'ac'al ta xlaj yip ti xcuchoj ti sbolile.

Números 3:12

“Ti ta stojol ti israeletique, ja' laj xa jt'uj loq'uel ti levitaetic ta sventa ti mu'yuc stijel ta c'op xchi'uc ti sba xnich'nabique, yu'un cu'untac ti stuquique.

Números 8:15

C'alal mi mesbil tusbil xa avu'une, xchi'uc ti laj xa avac' ta jtojol jech c'u cha'al junuc t'ujbil matanale, ta xlic abtejicuc ti ta Axibalnae.

Números 8:20

Jech ti Moisese, ti Aarone, xchi'uc scotol ti israeletique, laj xch'unic ta spasel jech c'u cha'al ti Dios laj yalbe mantal ti Moisés ta sventa sc'oplal ti levitaetique.

Números 8:22

Laj scotol taj une, jech ti levitaetique bat yabtelanic ti c'usi sc'an pasel ta Axibalna ti bu nupel ta bee, ti ja' q'uelbilic yu'un ti Aarón xchi'uc ti xnich'nabe. Jech c'u cha'al albat ti Moisés yu'un ti Diose, ja' jech laj spasic ta stojol ti levitaetique.

Números 8:7

Ti smelol ti mesel tusele, xi s'elan jech c'u cha'al li'e: Ta xavijbe ti jmesvanej jtusvanej vo'e. Ts'acal to un, ta xch'ul sbaic lec sjunul. Ta xchuc' sc'u'ic. Va'i un, mesbil tusbil ta xc'otic.