Números 8:2 - Bible in Tzotzil de Chamula

² “Albo ya'i ti Aarone, ti c'alal ta sa'anbe yaviltac ti bu ta xcom ti lamparaetique, ac'o yac'be batel xojobal sat ta yeloval ti bu oy ti pajleb cantilae.”

Bible in Tzotzil de Chenalhó with Deuterocanon

² “Jech xavalbe li Aarone: C'alal chatsan li candiletique, te xavac'be batel xojobal ta stuq'uil yo' bu oy li candeleroe”, uto.

Números 8:2 Iomraidhean Croise

Salmos 119:105

Ti ac'ope yac'oj xojobal bu ta jtec' batel ti coque, sac jaman no'ox ech'el ti jbe yu'une.

Salmos 119:130

Smelol ti ac'optac ta xich' aq'uel ta na'ele, ta xjam yu'un ti snopobile, ta stojobtasatic yu'un ti buch'u ch'abal ti sbijilique.

Éxodo 25:37

Meltsano xtoc yan vucub lamparaetic ti joc'ajtic ta xac' batel xojobal ta yelove.

Éxodo 37:23

Ja' jech xtoc ta smeltsan ta bats'i oro ti vucub lamparaetique, ti xtuch'obil xnichtaque, ti scajanobile.

Éxodo 39:37

ti spajleb cantilaetic ti meltsanbil ta bats'i oroe, xchi'uc ti lamparaetique, (ja' ti lamparaetic ti q'uelbil tuc'ulanbil leque), xchi'uc scotol ti c'usitic ta xtun teye, ti aceite sventa ta xtun ta stilesobile.

Éxodo 40:25

Laj stsan xtoc ti lamparaetic ta xch'ul tojolal ti Diose jech c'u cha'al albil mantal yu'un ti Diose.

Isaías 8:20

yo' jech ta staic tojobtasel, mi ja' ti oy c'usi xu' ta x'albatique?” Ta j'ech'el jeche' ono'ox ti ta xc'opojique, ti c'usi ta xalique, jeche' no'ox lo'il a'yej.

Levítico 24:4

Tsots sc'oplal ta xchapan lec ta meltsanel ti lamparaetique, ti co'ol s'elan spajleb cantila ti naca bats'i oroe yo' jech ta xtil ta stojol ti Diose.

Números 8:1

Ti Diose xi laj yalbe ti Moisés ti c'alal laj sc'opon talele:

Números 8:3

Ti Aarone jech laj spas jech c'u cha'al albat yu'un Dios ti Moisese. Laj sa'ananbe yavil bu ta xcom yo' jech ta xac' batel xojobal ta yeloval ti bu oy ti spajleb cantilae.

San Mateo 5:14

“Ta stojolal ti yane, co'ol s'elan luz c'otemoxuc. Ti jun jteclum ti oy ta jol vitse, mu'yuc ta nac'al.

San Juan 1:9

Talem xa ta banomil ma' ti Buch'u ta xac' ti xojobal ta stojol scotol ti jnaclejetic ta banomile.

2 Pedro 1:19

Ti c'u s'elan laj yalic comel ti j'alc'opetic ta vo'nee, jbel sc'oplal mi ja'uc stselbuj un. Jech o xal laj ats'etan achiquinic ta ya'yiel ti lequil ach' c'ope. Yu'un co'ol s'elan junuc lámpara xnobet xojobal ta ic'al osil ti lequil ach' c'ope. Jechuc nobetuc xojobal ta atojolic, ja' to ti c'uxi ta xvul ta loq'uel ti muc' ta c'anal ti xbejet loq'uel talel ta sob ic'lumane.

Apocalipsis 1:12

Lijoybij ta sq'uelel batel ti Buch'u ta xisc'opone. Ti c'alal jech laj jpase, laj quil vucub yavil cantila ti naca meltsanbil ta oroe.

Apocalipsis 1:20

Le'e, xi smelol ma' ti vucub c'anal ti jtsacoj ta jbats'i c'ob laj avile, xchi'uc ti laj avil ti vucub yavil cantila meltsanbil ta oroe: ti vucbej c'anale, ja' sc'oplal ti buch'u sventainojic ti vuc-chop tsobobbaile. Ti vucub yavil cantile, ja' sc'oplal ti vuc-chop jch'unolajeletique.

Apocalipsis 4:5

Ti bu oy ti muc' ta chotlebale, xjaplajet no'ox sac tsel, oy c'opojel, xchi'uc xc'avlajet no'ox chauc ta xloc' talel. Ta stuq'uil yeloval ti muc' ta chotlebale, ta xtil vucub leb c'oc', ja' smelol ti vuctos stalel ti Ch'ul Espíritu yu'un ti Diose.