Números 8:11 - Bible in Tzotzil de Chamula

¹¹ Ja'uc ti Aarone sye'ilan xa sc'ob ta xalbe sc'oplal stunelic ti c'alal ta xnabanatic yu'un ti israeletic ta jtojol ti levitaetique. Jech bi'inemic ta x'ochic ta cajtunel ti levitaetique.

Bible in Tzotzil de Chenalhó with Deuterocanon

¹¹ Li Aarone ac'o xbech sc'ob sventa chiyac'bun ta jtojol li levietique yu'un ja' xq'uexol israeletic chc'otic o. Jech li levietique voc'bil chcomic o ta sventa cabtel.

Números 8:11 Iomraidhean Croise

Éxodo 29:24

Scotol taje, ac'bo ta sc'ob ti Aarone xchi'uc ti xnich'nabe. Liqueso ti c'u s'elan sc'an pasel ta stojol ti Diose.

Levítico 7:30

Ac'o yich' batel stuc ta stojol Dios ti matanal ta xac' ti ta xich' chiq'uele, ti xepu'al sti' yo'ntone, xchi'uc sjunlej spechel sti' yo'ntone, yo' jech ta xc'ot ta pasel ti ta xich' aq'uel ta stojol Dios ti c'alal ta xich' ye'ilanele.

Levítico 7:34

Yu'un ti c'usi laj yich' svocol ta sventa lajesobil o'ntonal ti laj yac'beicun ti israeletique, laj quich' ti jpech sti' yo'ntone, xchi'uc ti sbec'tal yo' ti c'ot ta jch'ul moton yu'unique. Taje, ja' laj cac'be yich' ti pale Aarón xchi'uc ti xnich'nabtac ti oy ono'ox sc'oplal ta xich'ic cu'un ti matanaletic ti ta xaq'uic ti israeletique.”

Levítico 8:27

Scotol taj une, laj yac'be ta sc'ob ti Aarón xchi'uc ti xnich'nabe yo' jech ta sye'ilan ta yaq'uel ta stojol ti Diose.

Levítico 8:29

Ts'acal to un, ti Moisese laj stsac ti xpechel sti' yo'nton ti chije. Laj sye'ilanbe ta stojol Dios ta sventa ti nupob abtelale. Ti xpechel sti' yo'nton ti chij taje, ja' c'ot ta spuculal ti Moisese jech c'u cha'al yaloj mantal ti Diose.

Números 6:20

Va'i un, ti pale une ta xlic sye'ilan yo' jech ta xac' ta stojol ti Diose. Ti sti' yo'nton ti chon bolom ti ja' laj yich' ye'ilanele, ti sbec'tal yo' ti c'ot ta matanal yu'un ti Diose, ja' ta xc'ot ta spuculal ti palee, yu'un ac'bil c'ot ta ventainel. Mi laj ti va'i s'elan taj une, jech ti buch'u laj sts'ites ti sjole, xu' xa xlic yuch' ti vinoe.

Deuteronomio 10:8

Ja' o me c'ot ta pasel un c'alal ti Dios lic st'uj snitilultac ti Levie, ti ja'icuc ta xich'ic batel xcaxail ti trate yu'un ti Diose, ti oyicuc ta stojol yo' jech ta xtunic ta sva'anel sbaic ta yaq'uel ti lequilal ta sventae, ti jech to syaquil ta spasic tana li'e.