Números 7:89 - Bible in Tzotzil de Chamula

⁸⁹ C'alal och batel ti Moisés ta Axibalna ti bu nupel ta be yo' jech ta sc'opon sbaic xchi'uc ti Diose, vinaj talel ti ta xc'opoj talel ti Dios ta sba smac sti' xcaxail ti tratee, ta o'lol yu'unic ti c'usi chib ti oy xiq'uique.

Bible in Tzotzil de Chenalhó with Deuterocanon

⁸⁹ C'alal i'och ta ch'ulna pasbil ta nucul li Moisés sventa tsc'opan sbaic xchi'uc Diose, laj ya'ay ti laj yich' c'opanel yu'un Dios te ta jot spat xcaxail smantal Dios te ta o'lol yo' bu va'ajtic li sloc'obal querubinetique.

Números 7:89 Iomraidhean Croise

1 Reyes 6:23

Laj smeltsan xtoc, ta olivo te' chib sloc'obbail ti c'usi oy xic' ta sventa ti Bats'i Cuxul Ch'ul Cuartoe. Ti jujun taje, yich'oj o'lol yo'obal (4.50) metro ti snatile.

Salmos 80:1

Ti co'ol a'elan j'il-chijot ta sq'uelel ti Israele, ti co'ol s'elan chij ta xatojobtas ech'el ta be ti Josee, ti oy apasob mantal bu oy ti c'usi oy xiq'uique, a'yio ava'i li'e, lecuc xavil ta aba ta asat ti Efraine,

Salmos 99:1

Ti Diose, ja' Ajvalil. Oy spasob mantal bu oy ti c'usi oy xiq'uique. Xniquic ti muc'tiquil lume xchi'uc scotol ti banomile.

Éxodo 40:34

volibil c'ot ta toc ti Axibalna ti bu nupel ta bee, yu'un sjunul yut Axibalna, vul yutsilal slequilal ti Diose.

Éxodo 40:35

Ti Moisese, mi ja'uc xa xil ta x'och batel ta Axibalna ti bu nupel ta bee, yu'un volibil c'ot ta toc, ja' ti sjunul Axibalnae, vul yutsilal slequilal ti Diose.

Levítico 1:1

Ti ta Axibalna ti bu nupel ta bee, xi albat ti Moisés yu'un ti Dios ti c'alal c'oponat talele:

Números 1:1

Ti Diose xi laj yalbe ya'i ti Moisés ti c'alal laj sc'opon talel ti ta sba c'ac'al yu'un ti xchibal u ti ja' xa xchibal jabile, ti c'alal ech' xa jutuc ta jun jabil sloq'uelic talel ta Egiptoe, ti oy ta sbajtical banomil yu'un ti Sinaie ta Axibalna ti bu nupel ta be yu'un ti Diose:

Números 11:17

Ta xiyal talel. Tey ta xa jc'oponot. Ta xquet'esbe jelavel ta stojolic j'o'loluc ti abijil ti avich'oje yo' jech ta xa scoltaot ta yiq'uel batel ti jteclum le'e. Va'i unbi, mu xa atucuc.

Números 12:8

Yu'un ti stuque, quilojbe jba jsatcutic ti c'alal ta jc'opone. Jamal que jti'cutic. Ta xil ti jba jsate, ¿c'u cha'al ya'yel un cha'e ti chopol ta xac'opojic ta stojole?”

Números 8:1

Ti Diose xi laj yalbe ti Moisés ti c'alal laj sc'opon talele:

Hebreos 4:16

Ja' yu'un un, sjunuluc co'ntontic, nopajcutic batel ta stojol ti bu chotol ti jc'uxubinvanej Dios cu'untique, yo' ta sventa yutsil slequil yo'nton ta xc'uxubaj cu'untic c'alal mu xa cha'bel c'usi xcut jbatic c'alal yorail ta xtun cu'untic ti coltaele.

1 Pedro 1:12

Ac'bat sna'ic yu'un Dios ti ma'uc yu'un stuquic ti coltael ta xalbeic sc'oplale, ja' sventa alequilalic. Avi tana une, c'ot xa ta pasel, laj xa avich'ic albel ti lequil ach' c'op yu'un ti jcholc'opetic ti ac'bat stsatsalic yu'un ti Ch'ul Espíritu ti liquem talel ta vinajele. Ti jech taje, yo'ntonuc sc'an sq'uelic ox ya'iic ti ánjeletique.

1 Samuel 4:4

Ja' yu'un un, ti israeletique laj staquic batel jvoc' viniquetic ta Silo yo' jech ta xich'ic talel xcaxail strate ti Dios ti scotol xu' yu'une, ti ta spas mantal ta o'lol ti bu va'al chib sloc'obbail ti c'usi oy xiq'uique. Jech ti Ofnie xchi'uc ti Fineese, ti xchibal xnich'nab ti Elie, jmoj batic xchi'uc xcaxail strato ti Diose.