Números 7:85 - Bible in Tzotzil de Chamula

⁸⁵ Ti jujun lech-lech plata taq'uine, ja' jmil xchi'uc chanib ciento xchi'uc lajuneb xcha'vinic (1,430) gramo ti yalal yich'oje. Ti jujun jarru ti meltsanbil ta platae, ja' vucub ciento xchi'uc lajuneb chanvinic (770) gramo ti yalal yich'oje. Loc' ta chapel scotol yalal ti lech-lech plata taq'uine, xchi'uc ti jarru ti meltsanbil ta platae, ja' vaquib xcha'vinic ta mil xchi'uc chanib ciento (26,400) gramo ti yalal yich'oje, ja' ti c'u s'elan liquem yu'unic sbisel ta ch'ulnae.

Bible in Tzotzil de Chenalhó with Deuterocanon

⁸⁵ Li jujun muc'tic platoe ja' jmil xchi'uc chanib ciento xchi'uc lajuneb xcha'vinic (1,430) gramo yalal. Li muc'tic tazaetique ja' vucub ciento xchi'uc lajuneb xchanvinic (770) gramo yalal jujun. Ti c'u yalal oy ta scotol li saquil taq'uin ti pasbilic o li muc'tic platoetic xchi'uc li muc'tic tazaetique ja' vaquib xcha'vinic ta mil xchi'uc chanib ciento (26,400) gramo yalal ta scotol. Ja' jech yalal jech chac c'u cha'al chapanbil te ta ch'ulnae.

Números 7:85 Iomraidhean Croise

1 Crónicas 22:14

A'yio ava'i, ti bu xa c'alal xac' ti yipal cu'une, laj xa jchapan ti c'usitic ta xtun ta sventa ti ta xich' meltsanel xch'ulna ti Diose. Jtsoboj xa oxmil xchi'uc vo'lajunvinic (3,300) ta tonelada ti oroe, oxlajuneb xcha'vinic ta mil (33,000) tonelada ti platae, xchi'uc mu no'ox albajuc yepal ti c'anal taq'uinetique, xchi'uc tsatsaquil taq'uinetic ti mu xa ono'ox bisbiluque. Ja' jech xtoc chapal xa cu'un ti te'etique, xchi'uc ti tonetique, ti ta to xats'acubtas ti vo'ote.

1 Crónicas 29:4

vo'vinic mil (100,000) ta kilo ti oro ti lec t'ujbile, lajuneb xlajcha'vinic mil (230,000) ta kilo plata ti lec t'ujbil ta sventa sbontac spac'balil ti nae.

1 Crónicas 29:7

Lic yaq'uic ta sventa abtel ta xtun ta ch'ulnae, vo'ob sbalunvinic mil (165,000) ta kilo ti oroe, xchi'uc lajunmil (10,000) ta sep ti oroe, lajuneb yuclajunvinic mil (330,000) ta kilo ti platae, nopol mu teyuc vaquib ciento mil (600,000) ta kilo ti c'anal taq'uine, lajuneb xcha'vinic ciento xchi'uc vo'lajunvinic mil (3,300,000) ta kilo ti tsatsal taq'uinetique.

Números 7:84

C'alal laj yich' aq'uel ta tunel yu'un Dios ti altare, ti banquilaletic yu'un ti jujuvoc' israeletique, xi s'elan ti matanaletic laj yaq'uique: lajcheb lech-lech plata taq'uin, lajcheb muc'tic tazaetic, xchi'uc lajcheb lech ti naca meltsanbil ta oroe.

Números 7:86

Ja'uc ti lajcheb (12) lech ti naca ta oro meltsanbil ti nojic ta pome, ja' lajuneb svacvinic (110) gramo ti yalal yich'oj ti jujune, ja' ti c'u s'elan liquem sbisel yu'unic ta ch'ulnae. Scotol ti muc'tic lechetic ti naca oro meltsanbile, ja' loc' ta chapel ta scotol, jmil xchi'uc vaclajunvinic (1,320) gramo ti yalal yich'oje.

San Mateo 14:8

Va'i un, ti bijubtasbil yu'un ti sme'e, xi laj yalbe ya'i ti ajvalile: —Ac'bun tal ta jun platu sjol ti Juan j'ac'-ich'-vo'e.