Números 7:15 - Bible in Tzotzil de Chamula

¹⁵ Ma'uc no'ox taje, yu'un laj yac' ta matanal jcot ch'iom tot vacax, xchi'uc jcot ch'iom tot chij ti yich'oj jun jabile, ta sventa ti jun yutsil smuil ta xich' chiq'uele.

Bible in Tzotzil de Chenalhó with Deuterocanon

¹⁵ Xchi'uc laj yic' batel noxtoc jcot ch'ium tot vacax, xchi'uc jcot tot chij xchi'uc jcot ch'ium chij ti jun to jabil svoq'uele, ja' itun sventa chich' chiq'uel ta smoton Dios.

Números 7:15 Iomraidhean Croise

Isaías 53:4

Manchuc mi jech un, lamal c'ot ta sba ti jvocoltique. Laj xcuchbotic ti c'usi ya c'ux ta xca'itique. Yu'un laj jnoptic ti yayijesat yu'un ti Diose, ti aq'ue ta tsitsele, ti aq'ue ta lo'il maxile.

Números 7:14

Ma'uc no'ox taje, yu'un laj yac' ta matanal jun lech ti meltsanbil ta oroe, ti yich'oj lajuneb svacvinic (110) gramo ti yalale, ti noj ta pome.

Números 7:16

Ma'uc no'ox taje, yu'un laj yac' ta matanal jcot tot tentsun ti ta xich' svocol ta scoj ti mulile.

San Mateo 20:28

Ti vu'un co'ol j'elantique, mu'yuc tal mosovinvancun, tal cac' jba ta tunel, tal cac' jba ta milel yo' ta jtojbe scolelic ti mu albajuc yepal oyique.

San Juan 17:19

Ventainbiluc c'otuc avu'un ta sventa ti melel ta xcac' ta na'ele, jech c'u cha'al ventainbil lic'ot avu'un ec ti laj cac' jba ta tunele.

Romanos 10:4

Ti oy c'usi tsots albil sc'oplale, laj sc'oplal ta sventa Cristo yo' tubbil c'ot smul scotolic ti buch'u ta xc'ot ta yo'ntonic ta xch'unele.

Romanos 8:34

¿Mi oy la buch'u xu' ta xchapanbat smul ti c'alal cham ti Cristo ta sventae? Ma'uc no'ox un, yu'un cha'cuxiem xa, oy xa ta sbats'i c'ob ti Diose yo' ta sc'anbe vocol ta jtojoltic.

1 Timoteo 2:6

Yu'un ti Jesucristoe laj yac' sba ta milel yo' jech ta stojbe spojel scolel scotol ti jnaclejetic ta banomile, ti sta xa yorail laj yac' ta na'el ti Dios avi tana li'e.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

Hebreos 2:10

Ta sventa yabtel ti Diose, ayan scotol ti c'usitic oye, xchi'uc ja' ta sventa ti oy scotole. Yu'un oy ta yo'nton ti Diose ti scotoluc ti xnich'nabe ac'o ich'batuc ti slequilal yutsilal ti oy ta stojole. Jech o xal un, ta sventa ti laj yich' svocol ti lequil Jcoltavanej yu'unique, c'ot ta sventa stojobtasel scotol.

1 Pedro 2:24

Ti Cristoe laj sbain ta sbec'tal stuc ti jmultic c'alal cham laj ta curuse, yo' jech ta xlaj x'ech' sc'oplal ti mulil oy ta jtojoltique, yo' jech ta jtamtic ta spasel ti c'usi oy smelol stuq'uile. Yu'un ta sventa ti yayij ti Cristoe, laj ata acolelic yu'un.

1 Pedro 3:18

Yu'un ti Cristoe jcoj no'ox laj yich' svocol ta milel ta scoj ti jmultique. Manchuc mi ch'abal ti smule, laj ono'ox yich' svocol ta scoj jchopolaltic yo' jech ta xijyic'otic batel ta stojol ti Diose. Ta sventa ti oy sbec'tale, cham. Ja'uc le'e, c'alal cha'cuxie, cha'cuxi ta sventa ti Ch'ul Espíritue.