Números 7:10 - Bible in Tzotzil de Chamula

¹⁰ C'alal laj yich' ac'bel stunesel ta sventa Dios ti altare, jech ti banquilaletic yu'un ti jujuvoq'ue laj yaq'uic ta sts'el altar ti matanal ti laj yich'ic batele.

Bible in Tzotzil de Chenalhó with Deuterocanon

¹⁰ C'alal la xjax ta aceite noxtoc li scajleb smoton Dios sventa voc'bil chcom o ta stojole, li banquilaletic yu'un jujuchop israeletique laj yich'anic tal li yan smoton Dios yu'unic sventa chac'beic ta sc'ob Dios li scajleb smotone. Te vul yaq'uic ta stuq'uil scajleb smoton Dios.

Números 7:10 Iomraidhean Croise

1 Reyes 8:63

Ta sventa ti lajesobil o'ntonale, ti Salomone laj yac' chib xcha'vinic mil (22,000) ta cot tot vacaxetic, vacvinic ta mil (120,000) ta cot chijetic. Ja' jech ti ajvalile xchi'uc ti israeletique ic'ot ta pasel ti laj yac'beic ta ventainel xch'ulna ti Diose.

2 Crónicas 7:5

Ti ajvalil Salomón une laj yac'be matanal ti Diose, chib xcha'vinic mil (22,000) ta cot milbil tot vacax, xchi'uc vacvinic mil (120,000) ta cot chij. Jech ti ajvalile, xchi'uc scotol ti Israele, laj stsajic ti xch'ulna ti Diose.

2 Crónicas 7:9

Ta yoc'omal un, ja' jun muc'ul q'uin ech', yu'un vucub c'ac'al sjalil laj spasic ti laj yaq'uic ta ventainel ti altare. Vucub to c'ac'al jalij yu'unic xtoc ta spasel sq'uinal ti Lambil Yanal Te' Axibal Nae.

Nehemías 12:27

C'alal c'ot sc'ac'alil ta xich' aq'uel ta ventainel smocal ti Jerusalene, ti bu xa c'alal nacal scotolic ti levitaetique, loc' sa'elic yo' jech ta x'iq'ueic talel ta Jerusalén, yo' jech xmuyubajic no'ox ta xich' aq'uel ta ventainel xchi'uc spasbel stoyel xi'el ti moque, ti laeticuc no'ox ta q'uejimole, ti chijchunuc no'ox ti set-set taq'uine, ti lometuc no'ox ti arpaetique, ti jchop o ta vobe.

Nehemías 12:43

Ep laj yaq'uic ti milbil matanal ti jech c'ac'al taje. Xmuyubajic ma' ti jteclume, yu'un ac'bat smuyubajel yo'ntonic yu'un ti Diose. Xmuyubajic no'ox ta j'ech'el ti antsetique xchi'uc ti ololetique, ti muyubajel ti ech' ta Jerusalén ta nom to xvinaje.

Salmos 30:1

Ta jlequil-c'optaot, Dios, yu'un laj atic' aba ta jcoltael, mu'yuc xavac' ave ati' ta sna'leelicun ti jcontrae.

Números 7:1

Ti sc'ac'alil c'alal tsuts yu'un smeltsanel Axibalna ti Moisese, laj svaj ta jtunel aceite sventa ich'ob abtele jmoj xchi'uc scotol ti c'usitic ta xtun ta Axibalnae, xchi'uc ti c'usitic ta xtun yu'un ti altare.

Números 7:11

Va'i un, ti Diose xi laj yalbe ya'i ti Moisese: “Ti jech ta xaq'uic matanal ti banquilaletic yu'un ti jujuvoq'ue, jujun c'ac'al, cajal ta xc'ot sc'oplalic ti ta xaq'uic ti matanal ta sventa ta x'och ta tunel yu'un Dios ti altare.”

Números 7:84

C'alal laj yich' aq'uel ta tunel yu'un Dios ti altare, ti banquilaletic yu'un ti jujuvoc' israeletique, xi s'elan ti matanaletic laj yaq'uique: lajcheb lech-lech plata taq'uin, lajcheb muc'tic tazaetic, xchi'uc lajcheb lech ti naca meltsanbil ta oroe.

Números 7:88

Ti chon bolometic ti ta xich' svocol ta sventa ti lajesobil o'ntonale, ja' chanib xcha'vinic (24) ta cot ch'iom tot vacax ta scotol, oxvinic (60) ta cot tot chij, oxvinic (60) ta cot tot tentsun, xchi'uc oxvinic (60) ta cot ch'iom tot chij ti yich'oj jun jabile. Ja' jech yepal matanal laj yich' aq'uel ta sc'ac'alil ti c'alal laj yich' aq'uel ta tunel yu'un Dios ti altare.

Deuteronomio 20:5

“Ts'acal to un, xi ta xalic ti ta xchi'invan ta lo'il ti banquilal moletic ti c'alal ta xlic c'opojicuque: ‘Le' une, mi oy buch'u junucal avu'unic ti ja' to no'ox tsuts comel yu'un ta smeltsanel ti snae, ti mu'yuc to stsajoj comele, sutuc ech'el ta sna, naca mi yanuc o ti buch'u ta stsaj ti ach' na yu'une, ta scoj mi cham ta ac'-letoe.