Números 6:5 - Bible in Tzotzil de Chamula

⁵ Ja' jech xtoc mi ja'uc xu' ta sloc' ti sjole. Yu'un c'ajomal no'ox ta sts'ites ta ch'iel ja' to ti c'uxi sta sc'ac'alil ti yac'oj ye sti' xchi'uc ti sc'ope. Yu'un xch'acoj sba ta sventa jtunel yu'un ti Diose.

Bible in Tzotzil de Chenalhó with Deuterocanon

⁵ Jech noxtoc mu me xac' ta loq'uel stsotsil sjol. Te ac'o natubuc o, ja' to me its'aqui ti c'u yepal c'ac'al yaloj ta jamal tspas c'usi yaloje. Yu'un tsc'an chvinaj ti voc'bil o yu'un Muc'ul Diose.

Números 6:5 Iomraidhean Croise

Ezequiel 44:20

“J'ech'eluc mu st'anbun ta loq'uel ti sjolique, mu sq'ueloj xtoc ta xnatub ti stsotsil sjolique. Naca no'ox ac'o sba ta loq'uel.

Números 6:4

C'alal mu to xc'ot ta sts'aqui sc'ac'alil yu'un ti c'u sjalil yac'oj ye sti'e, mu xu' ta slo' ti c'usiuc ta xloc' ta xich' meltsanel ta sat uvae, mi ja' ti c'uc no'ox s'elane.

Hechos 18:18

Ep to c'ac'al jalij ta Corinto ti Pabloe. Ts'acal to un, laj sc'oponan comel ti jch'unolajeletique. Jmoj och batel ta barco xchi'uc ti Aquilae, ti Priscilae yo' ta xbatic ta Siria banomil. C'alal mu'yuc to ta x'och ta barco ta Cencreas jteclume, lic st'anbun ti sjole yo' ta xc'ot ta pasel yu'un ti strate yaloje.

Jueces 13:5

Yu'un oy sc'oplal ti jun aquerem ta xa'ac'bate, ti mu'yuc ta xich' loc'bel ti stsotsil sjole. Yu'un ti querem taje, ti c'alal mu to ta xvoq'ue, t'ujbil xa ta yajtunel ti Diose, ti ja' jun nazareo ta xc'ote yo' jech ta xlic sva'an sba ta spojel ti israeletic ti ilbajinbilic yu'un ti filisteoetique.”

Jueces 16:17

Va'i un, c'ot ta pasel ti lic sjam ye sti' ti xi laj yalbe ya'i ti Dalila ti c'usi mucul to ox yu'une: —Mu'yuc buch'u sloc'oj ta j'ech'el ti stsotsil jole. Yu'un ti c'alal mu'yuc to ox ta xivoq'ue, t'ujbilun ono'ox yu'un ti Dios ti oy sc'oplal nazareoune. Ti mi ta xc'ot ta pasel ti ta sloc'beicun ti stsotsil jole, ta xch'ay ti yipal cu'une. Ta xic'ot jech c'u cha'al ti yan viniquetic ti mu'yuc c'usi xu' yu'unique.

Jueces 16:19

Ti Dalilae cajal xa sjol yu'un ta sba yo' xq'uechoj laj yotesbe svayel ti Sansone. Laj yic' talel jun vinic yo' jech ta sloc'be ti vucub xpech'benal stsotsil sjole. Laj taj une, lic yilbe svocol.

1 Samuel 1:11

Xi laj yac' ti strate ta yalbele: “Ti scotol xu' avu'une, Dios, ti tauc la xava'an aba ta yet'esbel svocol ti avajtunel li'e, ti vuluc to la ta avo'nton ta yac'belun junuc jquereme, ta xcac'bot ta avajtunel ti c'u sjalil ti xch'iel sc'opojele. Ti svinajeb ta xc'ot ta avajtunele, mu'yuc ta xich' loc'bel ti sjole.”