Números 6:26 - Bible in Tzotzil de Chamula

²⁶ Lecuc xayiloxuc ti Dios ta sventa ti syail xc'uxul yo'ntone, ac'o yac'boxuc ti lamajemuc ti ajol avo'ntonique.’

Bible in Tzotzil de Chenalhó with Deuterocanon

²⁶ Ac'o sc'anoxuc o li Muc'ul Diose; ac'o yac'boxuc jun avo'ntonic’, ac'o xiicuc ta stojol li achi'iltaquique.

Números 6:26 Iomraidhean Croise

Salmos 4:6

Yepal ti xi ta xalique: “¿Buch'u xa ono'ox un ta xac' quiltic ta stael ti mu'yuc c'usi xal ti o'ntonale?” Lecuc xaviluncutic ta aba ta asat un, Dios.

2 Tesalonicenses 3:16

Ti Cajvaltic ti oy slamajemal yo'ntone, ac'o yac'boxuc ta atojolic ti slamajemal yo'ntone yo' jech ta xcuch avu'unic ti c'usiuc no'ox ta xc'ot ta atojolique. Ac'o xa xchi'inoxuc comel ti Cajvaltic acotolique.

Salmos 29:11

Ti Diose ta xac'be yip ti steclumale; ta sva'an sba ta yac'bel slequilal ti steclumale, mu'yuc c'usi xal yo'ntonic yu'un.

Romanos 15:13

Ti j'ac'-pat-o'ntonal Diose, ac'o yepajes ta atojolic ti muyubajele, ti slamajemal o'ntonal ti c'otem ta avo'nton ta xch'unele, ti yepaluc no'ox yac'boxuc ta atojolic ti spatobil avo'ntonic ta sventa smuc'ul stsatsal ti Ch'ul Espíritue.

San Juan 16:33

Ja' jech laj cal ava'iic scotol taje, yo' jech lamajem avo'ntonic ti oyoxuc ta jtojole. Ti li' ta banomile, ta xavich' avocolic. Ja'uc le'e, tsotsanic, yu'un tsal xa cu'un ti sba banomile.

Hechos 2:28

Laj avac'bun quil ta stamel batel sbelel ti cuxlejale. Ximuyubaj no'ox avu'un ti oyot ta jtojole.’

Isaías 26:3

Dios, vo'ot avac'ojbe slamajel yo'ntonic ti buch'utic mu sna' syanijes ti sjol yo'ntonique, yu'un spatoj yo'ntonic ta atojol.

Romanos 15:33

Oyuc ta atojol acotolic ti j'ac'-jun-jol o'ntonal Diose. Jechuc.

San Juan 20:21

Laj taj une, ti Jesuse xi laj yal xtoque: —¡Laetuc, siquetuc avo'ntonic! Jech c'u cha'al laj stacun talel ti Jtote, ja' jech ta xajtacoxuc batel ec.

Salmos 42:5

¿C'u cha'al ta jip ta jten jba ya'luc un? ¿C'u cha'al ti oyun ta vul o'nton xchi'uc une? Ti jpatoj co'nton ta jtae, laj xa cac'be sbain ti Diose, ti staoj yav oy sq'uejintael cu'une. Ja' Dios, jcoltavanej cu'un.

Filipenses 4:7

Jech ti Diose ta xac'boxuc slamajemal yo'nton, yu'un jelavem yutsil, ti ja' mu sta yutsil snopbenal yu'un jun jnaclejetic ta banomile. Ti avich'ojbe ti slamajemal yo'ntone, mu'yuc c'usi xana', yu'un ta sventain avo'nton xchi'uc ti c'usi ta xanopique, yu'un oyoxuc ta stojol ti Cristo Jesuse.

San Lucas 2:14

“Mu albajuc yutsilal slequilal ti Dios oy ta vinajele. Yu'un ti jnaclejetic ti oyic ta banomile, laj xa staic ti lec x'ileic yu'une, ja' ti buch'utic jun yo'nton oyic ta stojole.”

Isaías 57:19

Xi ta xcalbe scotolique: ‘Cuxetuc xa banomil xava'iic ti le' to nom oyoxuque. Cuxetuc xa banomil xava'iic ti li' no'ox nopol oyoxuque. Ta jpoxta ma' ti jteclumale.’

Isaías 26:12

Cajval, vo'ot ta xavac' ti oy c'usi lec ta jtacutique. Ta melel cac'tic ta xatic' aba ta spasel ti cabtelcutique.

Salmos 89:15

Ch'ul Dios, mu'yuc c'usi sna' ti jteclum ti xmuyubajic no'ox ti sna' slequil-c'optaote, ti ta xanavic ta squeoval axojobale.

Salmos 37:37

Q'uelo avil, xi sc'oplal ma' ti buch'u oy stuq'uil yutsil ti mu'yuc soquem ti sc'oplale: ta xlic c'otuc ta stojol ti lamajem yo'ntone.

Hechos 10:36

Ti Diose laj yac' ta a'yiel sc'oplal ti ta sventa Jesucristo ta staic ti ch'abal sc'opic xchi'uc Dios snitilul ti Israele, yu'un ti Jesucristoe c'ot ta Ajvalil yu'un scotol.

San Juan 20:26

Xvaxaquibal (8) xa c'ac'al yech'el, tsobolic ta jbej na xtoc ti yajchanc'optaque, xchi'uc tey xa oy ec un ti Tomase. Ac'o mi bajal lec ti ti' na yu'unique, och batel ti Jesuse. C'ot sva'an sba ta o'lol yu'unic ti xi laj yale: —Laetuc, siquetuc avo'ntonic.

San Juan 14:27

“Ta xcac' comel ta atojolic ti slamajemal o'ntonale. Mu xco'olaj xchi'uc jech c'u cha'al ta xaq'uic ti buch'u li' oyic ta banomile. Mu me xatsiq'ues avo'ntonic, mu xaxi'ic.

Miqueas 5:5

ja' ta spajes ti c'ope. C'alal ta xu'ninbotic jteclumaltic ti asirioetique, c'alal ta x'ochic talel ta muc'tiquil naetic ti chapanobbail cu'untique, ta jtactic batel vucub (7) viniquetic ti banquilal xa'i sbaic ta contrainvaneje, xchi'uc vaxacvo' (8) viniquetic ti ich'bil ye sti'ique.

Salmos 44:3

Laj yu'ninic ti banomile, ti tsalvanem c'otique; ma'uc ta sventa yip ti yoc sc'obique, mi ja'uc ti yespadaique. Laj yu'ninic un ta sventa ti amuc'ul atsatsale xchi'uc ti yipal avu'une, ta sventa ti xchijlajan no'ox ti axojobale, ti mu tenbaj tuch'baj ta avo'nton ta xava'ie.

Efesios 6:23

Jech ti jch'unolajeletique, ac'baticuc yu'un ti Jtotic Diose xchi'uc ti Cajvaltic Jesucristoe, ti slamajemal yo'ntonique, ti syail xc'uxul yo'ntonique, ti c'otuc o ta yo'ntonic ta xch'unele.

Romanos 5:1

Ti jech laj jtatic ti lec xij'ile yu'un Dios ta sventa ti c'ot ta o'ntonal ta xch'unele, jun co'ntontic xchi'uc ti Dios ta sventa ti Cajvaltic Jesucristoe.