Números 6:23 - Bible in Tzotzil de Chamula

²³ “Xi xavalbe ya'i ti Aarón xchi'uc ti xnich'nabe ti c'alal ta sc'anbeic ti ac'o yaq'uic ti slequilal Dios ta stojol ti israeletique, ac'o yalic jech c'u cha'al li'e:

Bible in Tzotzil de Chenalhó with Deuterocanon

²³ “Albo ya'yic li Aarón xchi'uc xnich'nabe, c'alal chac'beic bendición li achi'iltaquic ta israelale, jech ac'o yalic chac li'i:

Números 6:23 Iomraidhean Croise

Génesis 24:60

Xi s'elan spatobil yo'nton laj yalbeic batel ti Rebeca: “Ti vo'ote, jchi'il ta voq'uel, me'ilucot c'otan yu'un ep ta millon. Cuchuc yu'unic ta yu'ninel slumalic yajcontraic ti anitilultaque.”

Génesis 47:10

Ts'acal to un, ti Jacobe loc' batel c'alal laj yo'nton ta sc'oponel ti faraone.

Génesis 47:7

Ti Josee laj yic' batel xtoc ta stojol faraón ti Jacob ti ja' stote. Ti Jacobe biq'uit laj yac' sba c'alal c'ot sc'opon ti faraone.

Génesis 48:20

Ja' o sc'ac'alil xi laj yal c'alal ts'uiltasvan ti Jacobe: —Ta stunesic abi ti jteclum Israel ti xi ta xalic c'alal ta sts'uiltasvanique: ‘Ac'o spas jech ti Dios ta atojolic ec jech c'u cha'al pasbatic ti Efraine xchi'uc ti Manasese.’ Jech laj spas Israel ti laj scajan sc'ob ta stojol Efraín c'alal mu'yuc to ox scajanoj sc'ob ta stojol ti Manasese.

1 Reyes 8:55

Xi tsots laj yal ti c'alal laj sc'an ti ac'o sva'an sba ti Dios ta stojol scotol ti jteclum Israel ti c'alal va'ale:

1 Crónicas 23:13

Xnich'nab ti Amrame, ja' ti Aarone, xchi'uc ti Moisese. Ti Aarone, t'ujbil c'ot yu'un Dios yo' ta sbain ta yaq'uel ti matanaletic ti tsots sc'oplal c'otemique, xchi'uc ta xchiq'uel ti pom ta stojol ti Diose, ti yac'uc sba ta tunele, xchi'uc ta yalel ti xch'ul lequilale, ti j'ech'el com ta sbaic ti Aarón xchi'uc ti xnich'nabe.

2 Crónicas 30:27

Ta ts'acal to un, ti paleetique, ti levitaetique, lic va'licuc yo' ta xac'beic yich' slequilal Dios ti jteclume, ti tsacbat ich'batic sc'opic yu'un ti Diose. C'ot c'alal to vinajel ti bu nacal ti ch'ul Diose.

Éxodo 39:43

C'alal laj yil ti Moisés ti ja' jech laj spasique, laj yac'be yich'ic slequilal ti Diose.

Números 6:22

Ti Diose xi laj yalbe ti Moisés ti c'alal laj sc'opon talele:

Romanos 1:7

Jech o xal ta jts'ibaboxuc talel jvun ti li' nacaloxuc ta Romae, ti c'uxubinbiloxuc yu'un ti Diose, ti t'ujbiloxuc yo' xac'otic ta yu'untaque. Ich'beic slequilal yutsilal yo'nton ti Jtotic Diose xchi'uc ti Cajvaltic Jesucristoe, lamajemuc avo'ntonic.

1 Corintios 1:3

Ac'o sva'an sba ta yac'beloxuc slequilal slamajemal ti Jtotic Diose xchi'uc ti Cajvaltic Jesucristoe.

2 Corintios 13:14

Ich'beic slequilal yutsilal ti Cajvaltic Jesucristoe, xchi'uc ti syail sc'uxul yo'nton ti Diose, xchi'uc ti sva'anojuc o sba ti Ch'ul Espíritu ta atojolique. Jechuc.

Deuteronomio 10:8

Ja' o me c'ot ta pasel un c'alal ti Dios lic st'uj snitilultac ti Levie, ti ja'icuc ta xich'ic batel xcaxail ti trate yu'un ti Diose, ti oyicuc ta stojol yo' jech ta xtunic ta sva'anel sbaic ta yaq'uel ti lequilal ta sventae, ti jech to syaquil ta spasic tana li'e.

Deuteronomio 21:5

“Mi laj une, ta xnopajic ech'el ti pale levitaetique, yu'un ja' t'ujbilic ta yabtelanel ta spasel ti c'usi ta sc'an ti Diose, xchi'uc ta sts'uiltasel ta sventa. Yu'un ja' stsutseb c'op ti c'u s'elan ta xc'ot ta nopel yu'unic mi oy letoe, mi vulvul baile.

Deuteronomio 33:1

C'alal mu to ta xcham ti Moisese, ti ja' jun yajtunel Diose, laj yac'be yich' slequilal Dios ti israeletique,

Hebreos 7:1

Ti Melquisedec taje, ja' to ox ajvalil yu'un ti jteclum Saleme, ja' banquilal pale xtoc yu'un Dios ti oy ta toyole. C'alal sut talel ti Abraham ta pas leto c'alal laj stsal comel ti jayib ajvaliletique, jech ti Melquisedeque loc' batel ta snupel ta be ti Abrahame, xchi'uc laj yac'be yich' ti lequile.

Hebreos 7:7

Ja' yu'un un, ti buch'u ta xac' ti lequilale ja' x'ech' to cajal, ja' mu sta ti buch'u ta xich'e.

Josué 8:33

Va'i un, scotol ti jteclume, jech c'u cha'al snitilultac ti Israele, jech c'u cha'al ti jyanlumetique, xchi'uc scotol ti moletique, ti j'opisialetique, ti jchapanvanejetique, bat svol sbaic ta sts'el xcaxail strate ti Diose, ta yeloval ti bu oyic ti pale levitaetique. Scajanojic batel ta snequebic ti caxae. Ta sventa ti lequilal ta xich'ic ti jteclum Israele, ti jvoq'ue sq'uelojic batel ti yeloval vits Guerizime. Ti jvoc' xtoque sq'uelojic batel ti yeloval vits Ebale jech c'u cha'al laj yal mantal ta sliquebal talel ti Moisese, ja' ti yajtunel ti Diose.

1 Pedro 1:2

Ti vo'oxuque t'ujbiloxuc yu'un ti Jtotic Dios jech c'u cha'al snopoj ono'ox ta vo'nee. Yu'un ta sventa ti Ch'ul Espíritue, ventainbil lac'otic yu'un yo' jech ta xapasic c'usi ta sc'an ti Diose, xchi'uc ti pocbil tusbiloxuc lac'otic ta sventa xch'ich'el ti Jesucristoe. Yepaluc ac'o sva'an sba ta atojolic, ac'o yac'boxuc slamajemal avo'ntonic.

2 Juan 1:3

Ti Jtotic Diose xchi'uc ti Cajvaltic Jesucristo Xnich'on ti Jtotic Diose, ac'o sva'an sba ta atojolic ta yac'beloxuc ti slequilal yutsilale, xchi'uc ti slamajemal avo'ntonique, ti jech oy ta atojolic ti bu ja' melele, xchi'uc ti syail xcuxul avo'ntonique.