Números 6:2 - Bible in Tzotzil de Chamula

² “Xi xcholet xavalbe ya'i ti israeletic jech c'u cha'al li'e: Mi ja' jun vinic, mi ja' jun ants ti ta xac' ye sti' ta xac' sba ta tunel yu'un ti Diose, ti ja' nazareo sbie,

Bible in Tzotzil de Chenalhó with Deuterocanon

² “Jech xavalbe ya'yic scotol li achi'iltac ta israelale: Me oy junuc vinic, o ants ti chal ta jamal ti j'ech'el chac' sba o ta jtojol sventa cabtele,

Números 6:2 Iomraidhean Croise

Éxodo 33:16

Va'i un, mi yu'un mu xachi'inuncutic batele, ¿c'usi xa xut ta xa'iic ti yan jteclum ti ta jchapbecutic ya'i ti lec xaviluncutic xchi'uc ti avalab anich'nabe? Yu'un ja' to jech ta xvinaj ti mu co'olucuncutic xchi'uc scotol ti jteclumetic ti oyic ta scotol banomile.

Proverbios 18:1

Ti oy xa ta tael yu'un ti c'usi ta xale, ja' ochem ta sa'el ti c'usi ta xtun yu'un ti stuque, mu xich' ta muc' scotol ti lequil bijubtasele.

Jeremías 35:6

Xi laj staq'uic une: “Ti vu'uncutique, mi ja'uc jutebuc ta xcuch'cutic ti vino le'e. Yu'un ti Jonadab xnich'on ti Recabe, ti ja' jtot jme'cutic ta vo'nee, laj yal ta jamal ti j'ech'el mu ja'uc jset'uc xcuch'cutic vino xchi'uc ti jnitilulcutique.

Levítico 20:26

Oyuc alequilalic avutsilalic ta jtojol. Yu'un vu'un ti Ajvalilune, Ch'ul Diosun, ch'acbiloxuc cu'un xchi'uc ti yan lume yo' jech ta xac'otic ta cu'un.

Levítico 27:2

“Xi xcholet xavalbe ya'i ti israeletic jech c'u cha'al li'e: C'alal mi oy buch'u ta sman loq'uel ti c'usi loc' ayan ta yo'nton ti laj yac'be ti Diose, tsots sc'oplal ta stoj ti c'u yepal ta xtojolin o ti c'otem ta yu'un ti Diose:

Números 30:3

“C'alal oy jun tsebal ants ti ventainbil to yu'un ti stote, ti ta xac' ti oy c'usi ta xac'be ti Diose, mi yan ti yaloj ti oy c'usi ta spase,

Números 6:1

Ti Diose xi laj yalbe ti Moisés ti c'alal laj sc'opon talele:

San Lucas 1:15

Yu'un cajal ta xc'ot sc'oplal ti anich'on ta stojol ti Diose. C'alal mu'yuc to ta xvoq'ue, ventainbil ono'ox yu'un ti Ch'ul Espiritue. Mu stac' xuch' ti vinoe, mi ja'uc ti poxe.

Hechos 18:18

Ep to c'ac'al jalij ta Corinto ti Pabloe. Ts'acal to un, laj sc'oponan comel ti jch'unolajeletique. Jmoj och batel ta barco xchi'uc ti Aquilae, ti Priscilae yo' ta xbatic ta Siria banomil. C'alal mu'yuc to ta x'och ta barco ta Cencreas jteclume, lic st'anbun ti sjole yo' ta xc'ot ta pasel yu'un ti strate yaloje.

Romanos 1:1

Vu'un Pabloun, yajtunelun ti Jesucristoe. Laj staun ta iq'uel yo' ta xi'och ta yajtacbolal ta yalel batel ti colebal lequil ach' c'op yu'un ti Diose,

2 Corintios 6:16

¿Mi yu'un xu' ta jtic'tic ochel ta xch'ulna Dios ti c'usi meltsanbil ta c'abale? Yu'un ti vo'otique c'otemotic xa ta xch'ulna ti cuxul Diose jech c'u cha'al ti xi laj yal stuc ti Diose: “Ta xinaqui ta stojolic. Ta jchi'in ta xanobal. Diosun yu'unic. Jech ti stuquique ja'ic ti calab jnich'nabtaque.”

Gálatas 1:15

C'alal mu'yuc to ox voq'uemune, t'ujbilun xa ono'ox yu'un ti Diose. Ta sventa ti yepal no'ox ti syail xc'uxul yo'ntone, laj yic'un ta stojol c'alal c'ot ta nopel yu'une.

Hebreos 7:27

Mu xco'olaj xchi'uc jech c'u cha'al ti yan banquilal paleetic ti jujun c'ac'al ta smilic ta xchiq'uic ti chon bolometic ta stojol Dios ta scoj ti smulique, xchi'uc ta scoj smul ti jteclume. Yu'un ti Jesuse, jcoj no'ox laj yac' stojol ti mulil ta sventa scotol ti c'alal ja' stuc laj yac' sba ta mataninele.

Jueces 13:14

Mu xuch' ti pasem uch'bolale, mu slajes ti c'usi ta naca uva loq'uesbile, mi ja'uc ti c'usi naca q'uixin uch'bolale. Mu slajes ti c'usi albil sc'oplal ti mu stac' lajesele. Ja'uc no'ox, ac'o spas ti c'u s'elan laj calbe ya'ie.

Jueces 13:4

Mu xavuch' ti vinoe, mi ja'uc jtosuc uch'bolal ti pasem xa ta j'ech'ele. Mi ja'uc xatun xalajes ve'liletic ti albil sc'oplal ti mu stac' lajesele.

Jueces 13:5

Yu'un oy sc'oplal ti jun aquerem ta xa'ac'bate, ti mu'yuc ta xich' loc'bel ti stsotsil sjole. Yu'un ti querem taje, ti c'alal mu to ta xvoq'ue, t'ujbil xa ta yajtunel ti Diose, ti ja' jun nazareo ta xc'ote yo' jech ta xlic sva'an sba ta spojel ti israeletic ti ilbajinbilic yu'un ti filisteoetique.”

Jueces 16:17

Va'i un, c'ot ta pasel ti lic sjam ye sti' ti xi laj yalbe ya'i ti Dalila ti c'usi mucul to ox yu'une: —Mu'yuc buch'u sloc'oj ta j'ech'el ti stsotsil jole. Yu'un ti c'alal mu'yuc to ox ta xivoq'ue, t'ujbilun ono'ox yu'un ti Dios ti oy sc'oplal nazareoune. Ti mi ta xc'ot ta pasel ti ta sloc'beicun ti stsotsil jole, ta xch'ay ti yipal cu'une. Ta xic'ot jech c'u cha'al ti yan viniquetic ti mu'yuc c'usi xu' yu'unique.

1 Samuel 1:28

Loc' ayan ta co'nton ti ta xcac' tunuc yu'un ti Diose, ti yajtunel ta xc'ot o ti c'u sjalil ti xch'iel sc'opojele. Va'i un, ti Elie snupilan xa banomil laj spatan sba ta lumtic ta stojolal ti Diose.