Números 6:18 - Bible in Tzotzil de Chamula

¹⁸ Ta sloc' sjol ta ochebal sti' ti Axibalna ti bu nupel ta be ti buch'u ta x'och ta nazareoe. Ta stsob ti stsotsil sjol ti xc'ot ox yu'un ta tunele. Ta stic' ochel ta c'oc' ti ta xtil ta yolon scajleb ti matanal ta sventa ti lajesobil o'ntonale.

Bible in Tzotzil de Chenalhó with Deuterocanon

¹⁸ Li boch'o j'ech'el yac'oj sba o ta sventa cabtele, te ac'o xjux loq'uel scotol li stsotsil sjol ta ti'ch'ulna pasbil ta nucule. Ac'o stsob scotol li stsotsil sjol ti lecubtasbil to'ox ta jtojole. Ac'o bat xchic' ta c'oc' ti tsanem te ta yolon bu cajal chc'ac' li matanal sventa co'ol co'nton jchi'uque.

Números 6:18 Iomraidhean Croise

Números 6:17

Ta xac' ti jcot chij ti ta xich' svocol ta sventa ti lajesobil o'ntonale jmoj xchi'uc ti jun biq'uit moch pan ti mu'yuc ac'bil ti spajubtasobile. Ta xac' xtoc ti matanal sat ts'unubale xchi'uc ti vinoe.

Números 6:5

Ja' jech xtoc mi ja'uc xu' ta sloc' ti sjole. Yu'un c'ajomal no'ox ta sts'ites ta ch'iel ja' to ti c'uxi sta sc'ac'alil ti yac'oj ye sti' xchi'uc ti sc'ope. Yu'un xch'acoj sba ta sventa jtunel yu'un ti Diose.

Números 6:9

“Mi oy buch'u ta xcham ta anil no'ox ti xchi'inoje, ti c'ot ta sts'i'lejel ti stsotsil sjol ti yaloj ti ta xc'ot ta stunel yu'un ti Diose, ta yucubal c'ac'al yech'el un, ti xcaltique, ja' ti c'alal nopol xa batel yorail ti mesel tusele, ac'o xt'axbun ta loq'uel ti sjole.

San Lucas 17:10

Ja' jech ti vo'oxuque, c'alal mi laj apasic c'u s'elan yaloj ti Diose, sc'an ti xi ta xavalique: ‘Ma'uc lequil jtuneluncutic, ja' no'ox laj jpascutic ti c'u yepal ja' cabtel laj ca'icutique.’ ”

Hechos 18:18

Ep to c'ac'al jalij ta Corinto ti Pabloe. Ts'acal to un, laj sc'oponan comel ti jch'unolajeletique. Jmoj och batel ta barco xchi'uc ti Aquilae, ti Priscilae yo' ta xbatic ta Siria banomil. C'alal mu'yuc to ta x'och ta barco ta Cencreas jteclume, lic st'anbun ti sjole yo' ta xc'ot ta pasel yu'un ti strate yaloje.

Hechos 21:23

Ti leque, xi s'elan xcholet sc'an xapase: Oy li' ta jtojolcutic chanvo' (4) viniquetic ti ja' xa ta xc'ot ta pasel yu'unic ti yaloj strateic ti oy c'usi ta xaq'uique.

Hechos 21:24

Ic'o batel, chi'ino batel ta stusel spoquel aba, xchi'uc ta spasel ti c'u s'elan liquem cu'untique. Ta xatoj xtoc un ti c'usitic xtun yu'unique yo' jech xu' ta xaq'uic ti ta xac' ta t'axbunel ti sjolique. Scotol ta sna'ic unbi ti mu meleluc c'u s'elan ta xalic ti ac'oplale, yu'un ta xavac' ta q'uelel ti tsots sc'oplal ta xava'i ti oy c'usi jbel tsots albil sc'oplale.

Hechos 21:26

Ta yoc'omal ti Pabloe laj yic' batel ti chanvo' (4) viniquetic yo' jmoj ta xac' sba ta tusel poquel. Och batel ta ch'ulna xtoc yo' ta xac' ta na'el bu ora ta xc'ot ta ts'aquiel sc'ac'alil ti c'usi oy sc'oplal yaloj ta xaq'uique, ti tsots sc'oplal ta xaq'uic ti matanal ti jujunique.

Efesios 1:6

Ti jech taj une, lequil-c'optabiluc cu'untic ti Diose, ti mu no'ox albajuc ti yutsilal slequilal yo'ntone, ti laj yac'botic ti xch'ul lequilal ti jech oyotic ta stojol ti xc'uxubinbil Nich'one.