Números 6:15 - Bible in Tzotzil de Chamula

¹⁵ Ja' jech xtoc ta xac' junuc biq'uit moch pan ti pasbil ta lequil t'ujbil harina ti vots'bil ta aceitee, ti mu'yuc ac'bil ti spajubtasobile. Ta xac' xtoc ti bacubtasbil jayal harina ti vijbil aceite ta sbae. Ti jujune, ta xich' ac'bel ti matanal sat ts'unubale xchi'uc ti vinoe.

Bible in Tzotzil de Chenalhó with Deuterocanon

¹⁵ Jech noxtoc ac'o yac' junuc unin moch pan ti pasbil o ta lequil arinae, xchi'uc ti vots'bil o ta aceite ti mu'yuc yich'oj svolesubil xch'ute. Xchi'uc ac'o yac' jayibuc unin bic'tal jayal vajetic ti mu'yuc yich'oj svolesubil xch'ute, ti vijbil ta aceitee. Ac'o yich' batel xchi'uc yantic matanaletic, ja' li trigo, xchi'uc c'usitic yan co'oltic jech chac c'u cha'al trigoe xchi'uc li ya'lel ts'usube.

Números 6:15 Iomraidhean Croise

Éxodo 29:2

Vots'o ta aceite ti lequil t'ujbil harinae yo' jech ta xameltsan panetic, xchi'uc muc'tiquil panetic ti ch'abal ac'bil ti spajubtasobile. Meltsano xtoc jayaquil pac'anbil harina ti ta'ajesbil ta aceitee.

Isaías 62:9

Ta xatsob atuquic ti ats'unubic ti xloc' x'ayane. Ta xatunic ta slajesel, xalequil-c'opojic xa ta jtojol. Ta xatsobbeic ti sat a'uvaique, ta xavuch'beic ti ya'lel ta yamaq'uil ti jch'ulnae.”

Joel 1:13

Jech ti vo'oxuque, paleetic ti abainojic ta sq'uelel ti altare, lapic ti lajemal c'u'iletique, oq'uitao abaic yu'un yipal ti avocolique, yu'un ta xch'ulna ti Dios avu'unique, ch'abal xa jutebuc ti sat ts'unubaletique, ch'abal ti vino ti ta xich' aq'uel ta matanale.

Joel 1:9

Ja' jech ta x'oq'uic ec ti paleetique, yu'un ti ta ch'ulnae, ch'abal xa ti sat ts'unubiletique, ch'abal xa ti vino ta sventa ti matanaletic yu'un ti Diose.

Joel 2:14

Yu'un nan xi s'elan ta xc'ot ta pasel yu'une yo' jech mu xayac'beic ti tsitsele, ti ja' ta xac'boxuc talel ti yutsilal slequilale. Ta xataic yu'un ti sat ts'unobale, ti vinoe ta sventa ta xich' ac'bel matanal ti Ajvalil Dios avu'unique.

Levítico 2:4

“C'alal ta xavac' ta matanal sat ts'unubil ti ta'ajesbil ta hornoe, pasbiluc me avu'un ta muc'tic pan ti lequil t'ujbil harina ti vots'bil ta aceitee, ti mu'yucuc yich'oj ti spajubtasobile, mi ja' ti jayaquil harina bacubtasbile, ti mu'yucuc yich'oj ti spajubtasobile, ti c'ajomaluc no'ox vijbil ti aceite ta sbae.

Levítico 7:12

Mi ja' sventa coli'albat ti c'usi ta xich' milele, ac'o yac' xtoc muc'tic panetic ti vots'bil ta aceite ti mu ja'uc ac'bil ti spajubtasobile, ti bacubtasbil jayaquil harina ti vijbil aceite ta sbae ti mu'yuc ac'bil ti spajubtasobile, xchi'uc muc'tiquil pan ti pasbil ta lequil t'ujbil harina ti vots'bil ta aceitee.

Levítico 8:2

“Ti Aarón xchi'uc ti xnich'nabe, ic'o talel. Ich'o talel xtoc ti c'u'iletic sventa paleale, ti jtunel aceite sventa nupob abtelale, ti ch'iom tot vacax ti ta xich' svocol ta scoj ti mulile, ti cha'cot tot chije, ti jun moch pan ti mu'yuc ac'bil spajubtasobile.

Levítico 9:4

Jech xtoc, ac'o stsaquic talel jcotuc tot vacax xchi'uc jcotuc tot chij yo' jech ta xich' milel ta stojol ti Diose, ti ta xich' aq'uel ta sventa ti lajesobil o'ntonale. Ac'o yich'ic talel xtoc matanal juch'bil sat ts'unubaletic ti vots'bil ta aceitee, yu'un ti Diose ta xac' sba iluc ta jtojoltic ti c'ac'al avi tana li'e.”

Números 15:10

xchi'uc yan chib litro vino, ti ja' jun matanal ti jun yutsil smuil ta xquich' chic'bele.

Números 6:16

Va'i un, ti palee ta xac' ta stojol Dios ti matanal ti ta xich' svocol ta scoj ti mulile, xchi'uc ti chic'bil matanale.

1 Corintios 10:31

Mi ta xave'ic, mi ta xavuch'ic vo', c'usiuc no'ox ti yan ta xapasique, ja'uc pasic scotol sventa yich'el ta muc' ti Diose.

1 Corintios 11:26

Ti jujun velta ta xapasic sna'obil ti Cajvaltique, ti ta xave'ic ti pane, ti ta xavuch'ic ti ya'lel uvae, ja' ta xavaq'uic ta na'el ti cham ti Cristoe. Jech me xapasolanic o ti c'u sjalil mu'yuc to ta xvul ta loq'uel ti Cajvaltique.