Números 6:12 - Bible in Tzotzil de Chamula

¹² Yu'un ta ach' ta sliques ti ta xac' sba ta tunel yu'un ti Diose. Ja'uc ti c'u s'elan laj sliques ta ba'yele, mu'yuc xa tsacbil c'ot ta venta. Yu'un ti stsotsil ti laj xch'acbe sc'oplal ti ta xc'ot ta tunel yu'un ti Diose, yu'un c'ot ta soquel. Ja' jech xtoc ac'o yic' batel jcotuc chij ti yich'oj jun jabil ti ta xich' svocol ta scoj ti mulil colo'ile.

Bible in Tzotzil de Chenalhó with Deuterocanon

¹² Jech chlic stsac yan velta ta ach' ti c'u yepal c'ac'al yaloj tsvoc' sba o ta sventa cabtele. Ti c'u xa'ox yepal c'ac'al lic stsac tale, mu'yuc xa tsacbil ta venta chcom. Yu'un li stsotsil sjol ti lecubtasbil xa'oxe, isoc xa. Jech noxtoc tsc'an ac'o yic' batel ta jtojol jcotuc chij jun jabil svoq'uel sventa jmoton ta scoj ti bu ijelov ta jtojole.

Números 6:12 Iomraidhean Croise

Éxodo 12:5

Jech ti chon bolometic ti ta xamilique, sc'an ti jun to no'ox jabil yich'oje, ti mu'yuc jutebuc xchopolile, ti mu'yuc xchamele. Xu' ta chij, mi ta tentsun, ipaluc ti mi ja' yuni tote.

Ezequiel 18:24

“Mi ta xlic stam ta spasel chopol ti buch'u lec to ox ti c'usi ta spase, scotol mu albajuc xchopolal ta spas jech c'u cha'al laj spas ti buch'u mu'yuc xch'ulel xa'i sbae, ¿mi ta xanopic xana' q'uelbil no'ox ta xch'i xc'opoj? J'ech'el xi s'elan mu jvules ta jol ma' ti oy c'usi lec laj spas une: Ta xcham ta scoj smul ti xcuchoj c'ot ti laj syanijes ti sjol yo'ntone.

Levítico 14:24

Va'i un, ti palee ta stsac ti chij ti ta xich' svocol ta scoj ti colo'ile, xchi'uc ti jch'ac ta oxch'ac ti ta jun litro aceitee. Ta xac' ta stojol ti Dios ti ta xc'ot ta ch'ul matanale.

Levítico 5:6

Va'i un, ac'o yac' ta stojol Dios jcotuc sme' yuni ts'unub stuc ti ta xich' svocol ta milel ta scoj ti mulil c'ot ta pasel yu'une, xu' jcotuc me' chij, mi mo'oje, jcotuc me' tentsun. Ta sventa ti milbil matanal taje, ti palee ta sta ti ch'aybil smul scolo' ta xc'ot ti buch'u jech c'ot ta pasel yu'une.

Levítico 5:7

“Mi mu'yuctic lec c'usi x'ayan yu'un yo' ta sman jcotuc ti chije, ac'o yich' batel ta stojol Dios cha'cotuc tórtola, mi mo'oje, cha'cotuc bats'i paloma ti xi s'elan ta xich' aq'uel ta scoj ti mulil c'ot ta pasel yu'une. Ti jcote, ta xich' milel ta scoj ti mulile. Yan ti jcote, ta xc'ot ta chic'bil matanal.

Números 6:11

Jech ti pale une ta xac' jcotuc ti ta xich' svocol ta scoj ti mulile. Ja'uc ti jcote, ta xich' xchiq'uel yo' jech ta xich' tael ti ch'aybil ta xc'ot ti mulil ti jech laj sta ti anil soquesel ta scoj ti animae. Ti jech c'ac'al taje, ja' o ta xlic ochuc ta yaq'uel ta tunel ta stojol ti Dios ti stsotsil sjol yan veltae.

Números 6:13

“C'alal ta stsuts sc'ac'alil ti c'u sjalil ti mesel tusele, jech ti buch'u ta x'och ta nazareoe, ta xbat ta ochebal sti' ti Axibalnae.

San Mateo 24:13

Ja'uc ti buch'u staoj o yav jun yo'nton xcham xlaje, ja' ta xcol.

San Mateo 3:15

Ti Jesuse xi laj staq'ue: —Ch'an to chian xchi'uc le'e. Tsots sc'oplal ti c'otuc ta pasel scotol cu'untic ti c'u s'elan yaloj ti Diose. Ti Juane laj ya'ibe smelol.

Santiago 2:10

Mi oy buch'u ta xch'un scotol smantal ti Diose, mi tselbuj yu'un junuque, tselbuj xa o yu'un scotol.

2 Juan 1:8

Bijanic me un yo' mu nacauc ech' jvocolcutic ti li'abtejcutic ta atojolique, ja'uc c'otuc ta pasel ti lecuc chapal sc'oplal ti matanal ta xavich'ique.