Números 5:9 - Bible in Tzotzil de Chamula

⁹ “Scotol ti jtunel matanaletic ti ta xaq'uic ti israeletic ta stojol ti Dios ti ta xich'ic ac'bel ti palee, ja' ta xc'ot ta yu'un ti palee.

Bible in Tzotzil de Chenalhó with Deuterocanon

⁹ “Scotol c'usiuc no'ox chac'bicun ta sventa jmoton li achi'iltac ta israelale, ac'o yich'ic tal ta stojol li palee. Ja' yu'un chc'ot o.

Números 5:9 Iomraidhean Croise

Éxodo 29:28

Ti matanaletic ti ta xich'ic talel ti israeletique, na'bil ta xcom o yu'unic ti c'ot ta jbel mantal ti ja' yu'unic ti paleetic ti xpechel sti' yo'ntone, ti sbec'tal yo'tac ti laj yich' aq'uel ta sventa ti lajesobil o'ntonale.

Levítico 10:13

Ve'anic tey ti bu tuc'ulanbil leque, yu'un ja' c'ot ta apuculalic xchi'uc ti anich'nab ti matanal ti laj yich' chiq'uel sventa yich'el ta muc' ti Diose. Ti va'i s'elan taje, yu'un ja' jech albilun talel.

Levítico 10:14

Ti xpechelul sti' yo'ntone xchi'uc ti sbec'tal yo' ti jmoj laj yich' ye'ilanel ti matanale, tsots sc'oplal tey ta xati'ic xchi'uc avalab anich'nab ti bu tuc'ulanbil leque. Yu'un taje, ja' c'ot ta apuculalic ti matanal laj yaq'uic ti israeletic ta sventa ti slajesobil o'ntonale.

Levítico 10:15

Ti sbec'tal yo'e xchi'uc ti xpech-pechul sti' yo'ntone, co'ol ta xich' ye'ilanel jelavel ta lequil matanal ta stojol ti Diose. Tey ta xtal ec ti xepu'etic ti ta xich' chiq'uele. Ti bu ta xc'ot ta avu'unic xchi'uc ti anich'nabe, ja' ti sbec'tal yo'e xchi'uc ti xpech-pechul sti' yo'ntonic jech c'u cha'al yaloj ono'ox mantal ti Diose.

Levítico 6:26

Ti pale ti ja' ta xac' ti matanal ta scoj ti mulile, xu' ta sti' ec. Ja' no'ox un, tey ta sti' ti bu chapanbil sc'oplal ti oy ta yamaq'uil ti Axibalna ti bu Nupel ta bee.

Levítico 7:32

Yan ti sbec'tal ti sbats'i o' ti chon bolom ti laj yich' aq'uel ta sventa ti lajesobil o'ntonale, ja' ta xich' ac'bel ti palee yo' jech ta xc'ot ta yu'un.

Levítico 7:34

Yu'un ti c'usi laj yich' svocol ta sventa lajesobil o'ntonal ti laj yac'beicun ti israeletique, laj quich' ti jpech sti' yo'ntone, xchi'uc ti sbec'tal yo' ti c'ot ta jch'ul moton yu'unique. Taje, ja' laj cac'be yich' ti pale Aarón xchi'uc ti xnich'nabtac ti oy ono'ox sc'oplal ta xich'ic cu'un ti matanaletic ti ta xaq'uic ti israeletique.”

Números 18:19

Yu'un scotol matanaletic ti ye'bil laj yich' aq'uel ti laj st'ujbeicun ti israeletique, ta xc'ot ta avu'un ec xchi'uc ti anich'nabe, xchi'uc ti avantsiquil nich'nab ti achi'ucanoj ta nacleje. Taje, ta xc'ot ta jbel c'usi tsots albil ti bejel ta xcom ta j'ech'ele. Ja' jun trate ta xc'ot ta atojolic xchi'uc ti anitilultac ti mu stac' jelel sbatel osil ta j'ech'ele.”

Números 31:41

Ti matanal ti ja' xc'ot ta sventa ti Diose, ti Moisese laj yac'be jelavel ta stojol ti pale Eleazare, jech c'u cha'al albil ono'ox yu'un ti Diose.

Números 5:8

Yan ti mi chamem xa ti buch'u oy c'usi laj yich' soquesbele, ti mi mu'yuc yuts' yalal ti xu' ta xich' ti c'usi ta xich'be stojole, ja' xa ta xcom ta yu'un ti Diose yo' jech ta xtun yu'un ti palee. Ma'uc no'ox me un, yu'un ti palee, ac'o ono'ox me yac' ti chij ti ta xjelav ta xch'ayobil smul ti buch'u taje.

Deuteronomio 12:26

Ja'uc ti c'usitic avalojic xa ti ac'bil ta matanale, xchi'uc ti c'usi avaloj ta xavac' ti ta xc'ot ta pasel avu'une, ich'ic ech'el ta yavil ti bu t'ujbil yu'un ti Diose.