Números 5:26 - Bible in Tzotzil de Chamula

²⁶ Ta stsac no'ox xtoc jopuc matanal sat ts'unubil ti jchop o ta trigoe, ti ta xchic' ta sba altar ti ja' jun matanal ti vulesel ta o'ntonale. “Mi laj xa yac'be yuch' ch'ail vo' ants ti pale une,

Bible in Tzotzil de Chenalhó with Deuterocanon

²⁶ Ta ora no'ox ac'o sjop jopuc li matanal te oye, ja' li trigoe. Ac'o bat xchic' ta scajleb smoton Dios. Ja' sna'ubil chcom c'usi chc'ot ta stojol li antse. “Li palee c'alal me laj xa yac'be yuch' ch'ail vo' li antse, te chvinaj c'u x'elan yo'nton ta stojol li smalale.

Números 5:26 Iomraidhean Croise

Levítico 2:2

Ts'acal to un, ac'o yich' talel ta stojol xnich'nab ti Aarón ti ja' paleetique. Ac'o stsac jopuc harina xchi'uc aceite junuc yu'unic jmoj xchi'uc ti pome. Ac'o xchic' ta sba ti altare, ti ja' jun matanal ti bejel ta o'ntonale, ti ta xc'ot ti jun yutsil smuil ti matanal ta xich' ac'bel ti Diose.

Levítico 2:9

Ti bu taje, ti palee ta stsac juteb ti matanale yo' jech ta xchic' ta sba ti altare, ti ja' jun chic'bil matanal ti bejel ta xc'ot ta o'ntonale, ti jun yutsil smuil ta xich' ac'bel ti Diose.

Levítico 5:12

Taj une, tsots sc'oplal ac'o yich' batel ta stojol ti palee. Jech ti stuque ta stsac jopuc ti ja' svulesobil ta o'ntonal ti ta xich' chiq'uele, ti jmoj ta xchic' ta sba altar ti bu ta xich' chiq'uel ti yan matanaletic ta sventa yich'obil ta muc' ti Diose. Yu'un ja' jun matanal ta scoj ti mulile.

Levítico 6:15

Ti jun yu'unic ta scotolique ta stsac jopuc ti harina ti ac'bil ta matanale, xchi'uc ti yaceiteale, jmoj xchi'uc scotol ti pom ti capal xchi'uc ti matanale, ta xchic' ta altar ti c'ot ta svulesobil o'ntonal ti jun yutsil smuil ta xich' ac'bel ti Diose.

Números 5:25

Ta stsacbe ta sc'ob ti matanal yu'un ti it'ixale yo' jech ta xac' ta stojol ti Diose. Mi laj une, ta xbat yac' ti matanal ta sba ti altare.