Números 5:18 - Bible in Tzotzil de Chamula

¹⁸ Ta xac' va'luc xtoc ti ants ta stojol ti Diose. Ta sjitunbe ti sjole. Ta xac'be ta sc'ob ti matanal yu'un ti it'ixale yo' jech ta xvinaj ti mulile. Jech ti stuc une ta stsac ti ch'ail vo' ti ta xac' bac vocole.

Bible in Tzotzil de Chenalhó with Deuterocanon

¹⁸ Ac'o yalbe ti ac'o sva'an sba lec ta stojol Muc'ul Dios li antse. Ac'o stitunbe li stsotsil sjole. Ac'o yac'be stsac li matanal ta sventa it'ixale yu'un jech ac'o vinajuc li mulile. Li palee ac'o stsac ta sc'ob li ch'ail vo' sventa stojol mulile.

Números 5:18 Iomraidhean Croise

Proverbios 5:4

Le' une, ta xc'ot ta pasel yu'un ti mu x'ech' xjelav ta xac' ti vocole, ja' mu sta yipal ta syayijesvan ti espada cha'jot yee.

Eclesiastés 7:26

Laj jta ta ilel xtoc un ti xi s'elan x'ech' to ti chopole, ti ja' mu sta sc'oplal ti chijchame: ja' ti ants ti sna' syac ta u'ninel ti o'ntonal ti xmeyelet xae. Mu sq'uelojuc sba ma' ti buch'u sna' xi'ta ti Diose, ja'uc ti buch'u xyal oe, yacbil xa c'ot yu'un un.

Isaías 38:17

Q'uelo avil un, ti jech mu xnel mu x'ech' ti jvocole, avi tana une, mu'yuc xa c'usi jna'. Laj to amac ta be ti q'uelel xa ox ta jtojol ti tsutsesvanej muquinale, yu'un laj to ach'aybun ti jmul jcolo'e.

Jeremías 2:19

Ta scoj no'ox achopolal ta xata tsitsel yu'un, ta scoj ti mu junuc avo'ntone, ta xatoj un. Ts'ijlan ta snopel ava'i, ta xlic avil un ti mu xnel x'ech' ti vocol ta scoj laj avictaun comele, ti mu'yuc laj avich'un ta muq'ue c'alal vu'un ti Ajvalil Dios avu'une. Diosun ti scotol xu' cu'une, mu stselbuj ma' ti jc'op une.

Levítico 13:45

“Va'i un, ti buch'u yayijem xa ta c'a'emale, jatantic xa ta slap loq'uel sc'u'. Mi ja'uc xa ta xpix ti sjole, c'ajomal juteb xa a'bal ti sat smacoj ta pixele, ti xi x'avet ta xale: ‘¡Mu jtac' nopel! ¡Mu jtac' nopel!’

Números 5:15

Ti c'uc s'elan ti xcha'tosal taje, ti vinique ta xic' batel ti yajnil ta stojol ti palee. Ta xac' chib kilo matanal juch'bil jchop o ta trigo ta sventa ti yajnile. Ja' no'ox un, mu'yuc ta smalbe ti aceite ta sba ti harinae. Mi ja'uc ta xac'be pom. Yu'un ja' jun matanal ta scoj ti it'ixale, ti ja' jun matanal ta svinajesel ti mulile.

Números 5:17

Ts'acal to un, ta slup loq'uel jutebuc ts'uiltasbil vo' ti ta xch'am ta lumal bine, ti ta scap ochel jutebuc spucuquil banomil yu'un ti Axibalnae.

Números 5:19

Va'i un, ti palee xi ta sva'an sba ta yalbel ti antse: ‘Mi mu'yuc alo'laoj yan vinique, mi mu'yuc amucul-satioj ti amalale, mi mu'yuc c'usi apasoj xchi'uc yan vinic ti ja' ta soquesote, mu'yuc c'usi chopol ta spasbot c'alal ta xavuch' ti ch'ail vo' ti ta xac' bac vocole.

Números 5:22

Ti stojol ta xlic avich' taje, ja' o ta xlic avich' avocol yu'un ti c'alal ta xavuch' ti j'ac'-bac-vocol vo'e.’ ‘Jechuc, ja' xitun o’, xi ta stac' ti antse.

1 Corintios 11:15

Ti jech natic sjol ti antsetique, jun yutsil, yu'un ja' smac sjol ac'bilic ti jech natic ti sjole.

1 Corintios 11:6

Mi oy jun ants ti mu smac ti sjole, ac'o set loq'uel ti stsotsil sjol ta j'ech'ele. Mi q'uexlal ta xa'i ti jech t'anal ti sjole, ja' lec ac'o smac ti sjole.

Deuteronomio 29:18

Mu me ja'uc oy buch'u junucal mi vinic, mi ants, mi jchop ta na, mi jvoc'uc nitilulil ta atojolic ti ta svalopatin comel ti Ajvalil Dios cu'untique, yo' ta xlic snijan xchiman sbaic ta yich'el ta muc' sdiosic ti muc'tiquil lumetic taje. Mu me ja'uc oy buch'u junucal avu'unic jech c'u cha'al junuc yibel te' ti toj ch'a ta j'ech'el ti oy svenenoale.

Hebreos 13:4

Tsotsuc sc'oplal, ich'ic ta muc' acotolic sc'oplal ti nuplej ts'aclijele, ti junuc avo'ntonic yu'une. Yu'un ti buch'u ta xmulivaje, xchi'uc ti jlo'laej jolile, ta staic xchapanel yu'un ti Diose.

1 Samuel 15:32

Laj taj une, xi laj yal ti Samuele: —Ic'bun talel ta jtojol ti Agage, ajvalil yu'un ti lum Amaleque. Ti Agage mu'yuc xa xi'el ta xa'i tal ta stojol ti Samuele, ti snopoj xa van ti ech' xa sc'oplal ti svocol ta xlaje.