Números 4:5 - Bible in Tzotzil de Chamula

⁵ C'alal ta xc'ot ta pasel ti ta xlic stam batel sbeic ti israeletique, jech ti Aarone xchi'uc ti xnich'nabe ta sjitunic ti muc' ta poc' ti lich'il ta ochebal sti' ti Bats'i Cuxul Ch'ul Cuartoe, ti ja' smacoj o xcaxail ti tratee.

Bible in Tzotzil de Chenalhó with Deuterocanon

⁵ C'alal me oy chc'ot yorail chanovic batel yan velta li achi'iltaque, li Aarón xchi'uc xnich'nabe ja' tsloq'uesic li velo ti macbil o li bats'i lequil ch'ul cuartoe. Ja' ta xpixic o li xcaxail jmantale.

Números 4:5 Iomraidhean Croise

1 Crónicas 15:15

Jech laj spasic ti laj stunesic ti sc'atlomte'altaque, ti laj scajan batel ta snequebic jech c'u cha'al albil mantal yu'un Dios ti Moisese.

1 Crónicas 23:26

Jech o xal ti levitaetic une, mu'yuc xa ta xcuchilanic ta jujujot Yaxibalna ti Diose, xchi'uc ti c'usitic jtunel meltsanbil sventa yich'obil ta muq'ue.”

2 Crónicas 3:14

Laj smeltsan xtoc lich'-lich' muc' ta poc' ti yax'elantic sba stsajale, ti yax'elan sbae, xchi'uc ti saquil poq'ue, ti laj sloc'taic ta luchel ti c'usitic oy xiq'ue.

Éxodo 36:35

Ta smeltsan xtoc ti smac ta ic'-ic' losantic sba tsajal poq'ue, ta poc' ti yax'elan xyaxale, ta saquil poc' ti polajtic stsotbenale, ta tsajal poq'ue, ti laj sjal ta loc'tael ta luchel ti chib c'usi oy xiq'ue.

Éxodo 40:3

Tic'o ochel xcaxail ti tratee. Lich'anbo smaquin ti muc' ta poq'ue.

Éxodo 40:5

Cotano lec xtoc ti oro altar sventa xchic'obil ti pome ta yelov xcaxail ti tratee. Joc'ano xtoc ti muc' ta poc' ta ochebal sti' ti Axibalnae.

Isaías 25:7

Ti ta vits li' une, ti Diose ta slilinbe loq'uel ti oy c'usi macal o sat scotol ti lumetique, ti co'ol s'elan jlic poc' smacoj scotol ti muc'tiquil lumetique.

Levítico 16:2

Va'i xtoc un, ti Diose xi laj yalbe ti Moisese: “Albo ya'i ti achi'il ta voq'uel Aarone ti mu me c'uc no'ox ora ta x'och batel ta Bats'i Cuxul Ch'ul Cuarto ti oy ta spat ti muc' ta poq'ue, mi ja'uc ta sts'el smac sti' ti caxae yo' jech mu xchamic, yu'un ta xcac' jba iluc ta toc ti ta sba smaque.

Números 10:14

ti jvoc' ta sliqueb ti jnaclejetique, ja' xvoletic batel ti bu japbil batel bandera yu'un ti Judae, ti ja' banquilal jvolvanej yu'unic ti Naasone, xnich'on ti Aminadabe.

Números 4:15

C'alal mi laj xa svolic lec ta pixel ti Aarón xchi'uc ti xnich'nabe scotol ti trasteetic ti ac'bil xa ta ventainele, ti chapalic xa ta stam batel ti sbeique, xu' ta xtalic snitilultac ti Coate yo' jech ta xchechic batel scotol ti c'usitic taje. Ja' no'ox un, ti c'usitic ac'bil xa ta ventainele, mi ja'uc xu' ta spiquic yo' jech mu xchamic. Yu'un scotol ti c'usitic oy ta Axibalna ti bu nupel ta bee, ja' sbainojic ta xchechel batel snitilultac ti Coate.

Números 4:4

“Ti yabtelic ta xich'ic snitilultac ti Coate, yu'un ja' ch'ul abtel ta j'ech'el ti xi s'elane:

Números 7:9

Yan ti snitilultac ti Coate, mu'yuc x'ac'batic ti carretae, mi ja'uc ti vacaxe, yu'un ja' sbainojic ta yich'el batel ti ta scajanic ta snequebic ti c'usitic ac'bil xa jelavel ta ventainele.

San Mateo 27:51

Ta yorail taj une, ja' o jat, pas ta cha'lic ti muc' ta jilich' poc' ti oy ta ch'ulnae. Lic tal sjatemal ta sjol c'alal to yoc. Nic ti banomile. Laj javuc ti ch'enetique.

Deuteronomio 31:9

Ti Moisese laj sts'iba ti jbel ti c'usi tsots albil sc'oplale. Laj yac'be jelavel ta sc'ob ti pale levitaetic ti ja' sbainojic ta xchechel batel xcaxail ti bu ts'ibabil strate ti Diose, xchi'uc scotol ti moletic yu'un ti israeletique.

Hebreos 10:20

ta stamel batel ti ach' be sventa sbelel ti cuxlejale, ta sventa ti laj xa sjam ti jbetic ta sbec'tal stacopal stuc ti bu to ox oy joc'ol ti muc' ta jilich' poq'ue.

Hebreos 9:3

Ta jc'ol slajeb yutil xcha'c'olal cuartoe, ti bu joc'ol ti muc' ta jilich' poq'uile, ja' xa ti bu oy ti bats'i ch'ul cuartoe.

1 Samuel 6:19

Ja'uc ti jnaclejetic ta Bet-semese, ti buch'utic xvechetic ta sq'uelel ti c'usitic tiq'uil ta yut caxae, oy jlom tubbat sc'oplalic yu'un ti Diose. Yu'un chamic lajuneb xchanvinic (70) ta vo' viniquetic. Lic oq'uicuc ti jteclum ta scoj ti c'ot ta stojolic yu'un Dios ti ep cham ti xchi'ilique.