Números 4:32 - Bible in Tzotzil de Chamula

³² Ma'uc no'ox taje, ja' ta sbainic ta yich'el batel xtoc ti oyetic ti ta xtun ta sjoylej smac ti ch'ulnae, ti spajlebtaque, ti spajobte'altaque, ti yaq'uiltaque, xchi'uc scotol ti c'usitic ta xtun ta sventa yabtelique. Vo'ot ta xavalbe jujunic ti c'usitic ta xich'ic batele.

Bible in Tzotzil de Chenalhó with Deuterocanon

³² Ja' chich'ic batel noxtoc yoyaltac li coral ti setbil o li ch'ulnae, xchi'uc li snaclebtac yoyale, xchi'uc li yantic ste'eltaque, xchi'uc li c'usitic yan chtun yu'unic sventa ch-abtejique. Vo'ot avabtel chavalbe ya'yic lec li c'usitic ja' yabtel chich'ic batele.

Números 4:32 Iomraidhean Croise

1 Crónicas 9:29

Ti jlome sbainoj xtoc ta sq'uelel ti c'usitic jtunele, xchi'uc ti c'usi tsots sc'oplal jelavem stunel ta j'ech'ele, ta stuc'ulanel ti juch'bil trigoe, ti vinoe, ti aceitee, ti pome, xchi'uc ti muil poxetique.

Éxodo 25:9

Ja' no'ox un, ti bu ta xinaqui taj une, scotol ti c'usitic ta xtun xtoque, tsots sc'oplal co'oluc me xbat jech c'u cha'al ta xcac'bot avile.

Éxodo 27:9

“Meltsano yamaq'uil ti Axibalnae. Ti xi ta stuq'uil yolon ti yac'ol xocon sloq'ueb c'ac'al yu'un ti amaq'ue, lich'ano batel saquiquil poc' ti polajtic sts'otbenale, ti yich'oj vo'ob yoxvinic (45) metro ti snatile.

Éxodo 38:17

Ti spajlebtac oyetique, naca ta c'anal taq'uinetic meltsanbil. Ti luc-luc taq'uinetic yu'un ti yoyaltaque xchi'uc ti xot-xot taq'uinetique, naca ta plata. Ti sjol-joltac ti oyetique, bonbil ta plata. Scotol ti oyetic ti oy ta amaq'ue, yich'oj naca xotbil plata.

Éxodo 38:21

Ta sventa smantal ti Moisese, ja' c'ot ta jtojobtasvanej ti Itamar ti ja' xnich'on ti pale Aarone. Jech o xal ti levitaetique ta sva'an sbaic ta xchapanel ti taq'uinetic ti ta xtun ta sva'anel ti Axibalna yu'un ti tratee.

Números 3:36

Ja'uc snitilultac ti Merarie, ja' ta sbainic ta sq'uelel ti stenel-te'altac ti ch'ulnae xchi'uc scotol ti c'usitic ta xtune.

Números 3:8

Ja' ta xchabiic xtoc ti c'usitic oy x'ayan ta Axibalna ti bu nupel ta bee. Ta xac' sbaic ta tunel ta stojol ti israeletic ta scotol ti c'usi sc'an pasel yu'un ti Axibalnae.

Números 4:31

Ti smelol ti yabtel ta xich'ic ta sventa yu'un ti Axibalna ti bu nupel ta bee, ja' ta sbainic ta yich'el batel stenel-te'altac ti ch'ulnae, ti sc'atlomte'altaque, ti yoyaltaque, ti spajlebtaque.

Números 4:33

Ja' jech smelol yabtelic ta Axibalna ti bu nupel ta bee, ti ta sbainic ti jujuchop snitilultac ti Merarie, ti ja' tojobtasbilic yu'un ti Itamar ti ja' xnich'on ti pale Aarone.”

Números 4:49

Ti tsacob-biil ti laj yich' pasel taje, ja' co'ol s'elan jech c'u cha'al albat ono'ox mantal ti Moisés yu'un ti Diose. Jech xtoc albatic ta jujun ti c'usi ta spasique xchi'uc ti c'usi ta xich'ic batele, ja' co'ol xchi'uc jech c'u cha'al albat mantal ti Moisés yu'un ti Diose.

Números 7:1

Ti sc'ac'alil c'alal tsuts yu'un smeltsanel Axibalna ti Moisese, laj svaj ta jtunel aceite sventa ich'ob abtele jmoj xchi'uc scotol ti c'usitic ta xtun ta Axibalnae, xchi'uc ti c'usitic ta xtun yu'un ti altare.

Números 7:8

Chanib carreta xchi'uc vaxac-cot vacax, laj yac'be yich' snitilultac ti Merarie. Yu'un ja' jech yepal ta xtun yu'unic ta sventa ti yabtelic ti ja' tojobtasbilic yu'un ti Itamare, ti ja' xnich'on ti pale Aarone.