Números 4:24 - Bible in Tzotzil de Chamula

²⁴ “Ti yabtelic ti snitilultac ti Gersone, xi s'elan jech c'u cha'al li'e:

Bible in Tzotzil de Chenalhó with Deuterocanon

²⁴ “Li smomnich'nabtac Gersone ja' yabtelic jech chac li'i:

Números 4:24 Iomraidhean Croise

Números 10:17

Va'i un, laj stuquiic ti ch'ulnae. Ti snitilultac ti Gersone, ti Merarie, ti ja' sva'anojic ta xcuchele, laj stam batel ti sbeique.

Números 3:25

Ti Axibalna ti bu nupel ta bee, ja' sbainojic ta sq'uelel ti c'usi oy yu'une, ti nuculetic ti ja' yaxibe, ti muc' ta poc' ti lich'il ta sti' ti Axibalnae.

Números 3:26

Ja' sbainojic xtoc ta sq'uelel ti poq'uetic ti lich'ajtic ta amaq'ue, ti poq'uetic ti lich'ajtic ta ochebal amac' ti smacoj ta joyob ti Axibalna ti bu oy ti altare, xchi'uc ti jujutos yaq'uiltaque.

Números 4:15

C'alal mi laj xa svolic lec ta pixel ti Aarón xchi'uc ti xnich'nabe scotol ti trasteetic ti ac'bil xa ta ventainele, ti chapalic xa ta stam batel ti sbeique, xu' ta xtalic snitilultac ti Coate yo' jech ta xchechic batel scotol ti c'usitic taje. Ja' no'ox un, ti c'usitic ac'bil xa ta ventainele, mi ja'uc xu' ta spiquic yo' jech mu xchamic. Yu'un scotol ti c'usitic oy ta Axibalna ti bu nupel ta bee, ja' sbainojic ta xchechel batel snitilultac ti Coate.

Números 4:19

Yo' jech mu sta svocolic ta xchamic ta scoj ti ta spiquic ti c'usitic ac'bil xa jelavel ta ventainele, tsots sc'oplal ti xi s'elane: Ti Aarón xchi'uc ti xnich'nabe, ja' ta sbainic ta yalbel ta jujun tal ti c'usi spasique, xchi'uc ti c'usitic ta xich'ic batele.

Números 4:23

ja' ti buch'utic yich'ojic xa lajuneb xcha'vinic (30) jabile, xchi'uc ti xc'ot c'alal ti buch'u yich'oj xa lajuneb yoxvinic (50) jabile, ti baxbolic ta tunel ta Axibalna ti bu nupel ta bee.

Números 4:25

Ja' yabtelic ta xich'ic batel ti poq'uetic yu'un ti ch'ulnae, ti Axibalnae, ti jun yutsiquil nucul ti ja' yaxibe, ti poc' ti oy ta ochebal sti' ti Axibalna ti bu nupel ta bee.

Números 4:27

Ti Aarone xchi'uc ti xnich'nabe, ja' ta sbainic ta stojobtasel snitilultac ti Gersone ta scotol ti yabtelic ti sc'an pasele, xchi'uc ti c'usitic ta xchechic batele. Vo'oxuc ta xabainic ta yalbel ti c'usitic ta spasique.

Números 4:47

ti yich'ojic xa lajuneb xcha'vinic (30) jabile, xchi'uc ti xc'ot c'alal ti buch'u yich'ojic xa ta lajuneb yoxvinic (50) jabile, ti baxbolic ta xac' sbaic ta tunel ta Axibalna ti bu nupel ta bee,

Números 4:49

Ti tsacob-biil ti laj yich' pasel taje, ja' co'ol s'elan jech c'u cha'al albat ono'ox mantal ti Moisés yu'un ti Diose. Jech xtoc albatic ta jujun ti c'usi ta spasique xchi'uc ti c'usi ta xich'ic batele, ja' co'ol xchi'uc jech c'u cha'al albat mantal ti Moisés yu'un ti Diose.

Números 7:7

Chib carreta xchi'uc chancot vacax, laj yac'be yich' snitilultac ti Gersone, ti ja' jech yepal ta xtun yu'unic ta sventa ti yabtelique.