Números 4:19 - Bible in Tzotzil de Chamula

¹⁹ Yo' jech mu sta svocolic ta xchamic ta scoj ti ta spiquic ti c'usitic ac'bil xa jelavel ta ventainele, tsots sc'oplal ti xi s'elane: Ti Aarón xchi'uc ti xnich'nabe, ja' ta sbainic ta yalbel ta jujun tal ti c'usi spasique, xchi'uc ti c'usitic ta xich'ic batele.

Bible in Tzotzil de Chenalhó with Deuterocanon

¹⁹ Ti c'u cha'al mu spiquic li c'usitic voc'bil cu'un sventa chtun te ta ch'ulna pasbil ta nucul yu'un jech mu xmilatique, tsc'an ac'o spasic jech chac li'i: Li Aarón xchi'uc xnich'nabe ja' yabtel ac'o yalbeic ta jujuntal c'usi xu' tspasic, xchi'uc c'usitic oy ta sventaic chich'ic batel.

Números 4:19 Iomraidhean Croise

2 Samuel 6:6

C'alal c'otic ti bu ojtiquinbil smajobil ts'unubal yu'un Nacón ti xie, ti Uzae laj xach' batel sc'ob yo' ta xicbe xcaxa ti Dios ta scoj ti macal c'ot yacan ti vacaxe.

Éxodo 19:21

Va'i un, xi albat yu'un ti Diose: —Yalan batel, bijubtaso ti israeletic ti mu me xjelavic talel ti bu c'alal albil sc'oplale. Mi ja'uc stac' ta sq'uelicun, naca mi chamicuc ep.

Números 1:51

Va'i un, c'alal mi ta sc'an cuchel batele, ja' ta slilinic, ja' ta sva'anic ta ach' xtoc ti bu ta xc'ot alaman abaic ta nacleje. Scotol ti buch'uuc no'ox ta xnopaj batel ta sts'el ti Axibalna ti ma'uc sventainojique, mil xi ya'i yajval.

Números 18:3

Yu'un ti stuquique ta xc'otic ta avajtuneltac, ti ta xtunic ta Axibalnae. Ja' no'ox un, mu me xnopajic ech'el ta sts'el ti c'usitic oy ta Axibalnae, ti ta stojol ti altare. Yu'un mi mu jechuque, xu' ta xchamic xchi'uc ta xachamic ec.

Números 4:15

C'alal mi laj xa svolic lec ta pixel ti Aarón xchi'uc ti xnich'nabe scotol ti trasteetic ti ac'bil xa ta ventainele, ti chapalic xa ta stam batel ti sbeique, xu' ta xtalic snitilultac ti Coate yo' jech ta xchechic batel scotol ti c'usitic taje. Ja' no'ox un, ti c'usitic ac'bil xa ta ventainele, mi ja'uc xu' ta spiquic yo' jech mu xchamic. Yu'un scotol ti c'usitic oy ta Axibalna ti bu nupel ta bee, ja' sbainojic ta xchechel batel snitilultac ti Coate.

Números 4:18

“Mu xavac' ave ati' ti ta xtub sts'unubalic jujuchop snitilultac ti Coat ta stojol ti levitaetique.