Números 4:15 - Bible in Tzotzil de Chamula

¹⁵ C'alal mi laj xa svolic lec ta pixel ti Aarón xchi'uc ti xnich'nabe scotol ti trasteetic ti ac'bil xa ta ventainele, ti chapalic xa ta stam batel ti sbeique, xu' ta xtalic snitilultac ti Coate yo' jech ta xchechic batel scotol ti c'usitic taje. Ja' no'ox un, ti c'usitic ac'bil xa ta ventainele, mi ja'uc xu' ta spiquic yo' jech mu xchamic. Yu'un scotol ti c'usitic oy ta Axibalna ti bu nupel ta bee, ja' sbainojic ta xchechel batel snitilultac ti Coate.

Bible in Tzotzil de Chenalhó with Deuterocanon

¹⁵ C'alal me laj yo'ntonic ta xpixel c'usitic chtun ta jventa li Aarón xchi'uc xnich'nabe, xchi'uc me lec xa chapal yu'unic sventa chich'ic batel c'alal chanovique, ac'o talicuc li smomnich'nabtac Coate. Ja' ac'o yich'ic batel scotol. Pero me jutuc mu me spic ta sc'obic li c'usi voc'bil cu'un sventa cabtele yu'un jech mu xchamic ta jtojol. Scotol li c'usitic chtun te ta ch'ulna pasbil ta nucule ja' yabtel chich'ic batel li smomnich'nabtac Coate.

Números 4:15 Iomraidhean Croise

2 Samuel 15:24

Bat ec ti Sadoque, xchi'uc scotol ti levitaetic ti yich'ojic batel xcaxail strate ti Diose, ti bat scomtsanic ta stojol ti Abiatare, ja' to ti c'uxi loc' batel scotol ti buch'utic oy ta lume.

2 Samuel 6:13

C'alal laj xa ox stec' vacteq'uel yoquic ti buch'u ta xich'ic batel ti xcaxa Diose, ti Davide laj yac'be yich' vocol ta smilel jcot tot vacax xchi'uc jcot tot chij ti lec jubemique.

1 Reyes 8:3

C'otic scotolic ti moletic yu'un ti Israele. Ti paleetique laj xchechic batel ti xcaxa Diose,

1 Crónicas 15:15

Jech laj spasic ti laj stunesic ti sc'atlomte'altaque, ti laj scajan batel ta snequebic jech c'u cha'al albil mantal yu'un Dios ti Moisese.

1 Crónicas 15:2

Va'i un, xi laj yal ti mantale: “Mi junuc buch'u xu' ta xich'be batel xcaxa Dios mi ma'uc ti levitae. Ti stuquique t'ujbilic ta yich'el batel xcaxa ti Diose, ti tey ta xtunic oe.”

1 Crónicas 23:26

Jech o xal ti levitaetic une, mu'yuc xa ta xcuchilanic ta jujujot Yaxibalna ti Diose, xchi'uc ti c'usitic jtunel meltsanbil sventa yich'obil ta muq'ue.”

Éxodo 19:12

Va'i un, ac'bo senyail ta sjoylej ti vitse yo' jech mu xjelavic batel. Albo ya'iic ti tsots me sc'oplal ti xi'bil ac'o c'otuc yu'unic ti vitse, ti mu xmuyic batele, ti mu xjelavic batel ti bu c'alal ac'bil ta joyob ti senyaile. Yu'un scotol ti buch'u ta xnopaj batele, chapal sc'oplal ta xlaj ta milel.

Éxodo 19:21

Va'i un, xi albat yu'un ti Diose: —Yalan batel, bijubtaso ti israeletic ti mu me xjelavic talel ti bu c'alal albil sc'oplale. Mi ja'uc stac' ta sq'uelicun, naca mi chamicuc ep.

Éxodo 27:7

Ti sc'atlomte'ale, tey ta xich' xojel jelavel ta sat ti xotbil c'anal taq'uine, ti c'atal ta xcom ta jujujot xocon ti altare yo' jech xu' ta xtun ta sventa xchechobil.

Levítico 16:13

Ta xlic yac' ti pom ta sba ti ac'al ta stojol ti Diose. Ti xch'ailal ti pome xtoquet no'ox ta smac sjunul sba ti bu oy smac sti' xcaxail ti tratee. Ti va'i s'elan taj une, ja' jech mu xcham ti Aarone.

Números 1:50

Yu'un ti levitaetique, ja' tsots sc'oplal ta xavac'be sbainic ta yabtelanel ta sq'uelel ti Axibalna yu'un ti tratee, xchi'uc scotol ti c'usitic oy yu'une, xchi'uc ti c'usitic ta xtun ti ja' yu'un ti Axibalnae. Yu'un ja' yabtelic ta sbainic ta yich'el batel ti Axibalnae, xchi'uc ti c'usitic oye, xchi'uc scotol ti c'usitic ta xtune. Ja' jech xtoc ja' yabtelic ti ta sjoy sbaic ta sq'uelel ti Axibalnae.

Números 1:51

Va'i un, c'alal mi ta sc'an cuchel batele, ja' ta slilinic, ja' ta sva'anic ta ach' xtoc ti bu ta xc'ot alaman abaic ta nacleje. Scotol ti buch'uuc no'ox ta xnopaj batel ta sts'el ti Axibalna ti ma'uc sventainojique, mil xi ya'i yajval.

Números 10:21

Va'i un, vol xiic batel ta nablej ec snitilultac ti Coate, ti ja' sbainojic ta xcuchel batel ti c'usitic ac'bil xa jelavel ta ventainele. Ti c'alal ta xc'otic ti yane, va'al xa ox ta staic ti Axibalnae.

Números 18:3

Yu'un ti stuquique ta xc'otic ta avajtuneltac, ti ta xtunic ta Axibalnae. Ja' no'ox un, mu me xnopajic ech'el ta sts'el ti c'usitic oy ta Axibalnae, ti ta stojol ti altare. Yu'un mi mu jechuque, xu' ta xchamic xchi'uc ta xachamic ec.

Números 3:38

Ti ta yeloval sloq'ueb c'ac'al yu'un ti Axibalnae, ti ja' ta stuq'uil ti Axibalna ti bu nupel ta bee, ja' svol sbaic ta naclej ti Aarone, ti Moisese, xchi'uc xnich'nabtac ti Aarone, ti ja'ic sbainojic ta sq'uelel ti Bats'i Cuxul Ch'ul Cuarto ta sventa ti lum Israele. Mi oy buch'u ta x'abtej ta paleal ti c'alal ma'uc ac'bil yabtele, chapal sc'oplal ta xich' milel.

Números 4:14

Ti c'usitic ta xtun ta ch'ulna ta sventa ti c'usi ta xich' ch'unele, xi s'elan ti c'usitic ta xich' scajanel batel scotol ta sbae: Ti xch'amleb ac'ale, ti slots'obiltaque, ti slupobile, ti lech-lech taq'uine, ja' xa ti c'usitic ta xtun ta altare, scotol taje, ta svolic batel ta jun yutsiquil nucul, ti ta xac'beic te' yo' jech ta xich' chechel batele.

Números 4:19

Yo' jech mu sta svocolic ta xchamic ta scoj ti ta spiquic ti c'usitic ac'bil xa jelavel ta ventainele, tsots sc'oplal ti xi s'elane: Ti Aarón xchi'uc ti xnich'nabe, ja' ta sbainic ta yalbel ta jujun tal ti c'usi spasique, xchi'uc ti c'usitic ta xich'ic batele.

Números 4:20

Ja' yu'un un, mi sbalin to xa'i sbaique, mi ja'uc xu' x'ochic ta sq'uelelic ti c'usitic ac'bil xa jelavel ta ventainele.”

Números 7:9

Yan ti snitilultac ti Coate, mu'yuc x'ac'batic ti carretae, mi ja'uc ti vacaxe, yu'un ja' sbainojic ta yich'el batel ti ta scajanic ta snequebic ti c'usitic ac'bil xa jelavel ta ventainele.

Deuteronomio 31:9

Ti Moisese laj sts'iba ti jbel ti c'usi tsots albil sc'oplale. Laj yac'be jelavel ta sc'ob ti pale levitaetic ti ja' sbainojic ta xchechel batel xcaxail ti bu ts'ibabil strate ti Diose, xchi'uc scotol ti moletic yu'un ti israeletique.

Josué 4:10

Ti paleetic ti xchechojic xcaxail ti tratee, ti oy sc'oplal ta sva'an sbaic ta o'lol uc'um ti c'alal ja' o ta xchapan sbaic ti israeletic ta spasel ti c'usi albil yu'un Dios ti Josuee, scotol jech laj yich' pasel jech c'u cha'al albat yu'un Moisés ti Josuee. Jech ti jteclume ta anil ijelavic.

1 Samuel 6:19

Ja'uc ti jnaclejetic ta Bet-semese, ti buch'utic xvechetic ta sq'uelel ti c'usitic tiq'uil ta yut caxae, oy jlom tubbat sc'oplalic yu'un ti Diose. Yu'un chamic lajuneb xchanvinic (70) ta vo' viniquetic. Lic oq'uicuc ti jteclum ta scoj ti c'ot ta stojolic yu'un Dios ti ep cham ti xchi'ilique.