Números 4:12 - Bible in Tzotzil de Chamula

¹² Mi laj taj une, ta xlic stsobic ti c'usitic jtunel ta sventa ti Bats'i Cuxul Ch'ul Cuartoe. Ta svolic ta jlicuc ic'-ic' losantic tsajal poc', xchi'uc ta svolic ta jun yutsiquil nucul, ti chechbil ta xbat ta te' yu'unique.

Bible in Tzotzil de Chenalhó with Deuterocanon

¹² Ts'acal ac'o stsobic scotol li c'usitic chtun ta sventa yabtel Dios te ta ch'ulna pasbil ta nucule. Ac'o xchupic ta jlicuc yax'elan poc'. Ts'acal ac'o xpixic ta lequil nuculetic noxtoc. Ac'o xq'uechic batel ta xq'uechubil.

Números 4:12 Iomraidhean Croise

1 Crónicas 9:28

Oy jlom yu'unic sbainojic ta sq'uelel ti c'usitic ta xtun c'alal ta spasbeic ti stoyel xi'ele, ti tsots sc'oplal yich'oj ta sventa jayib ta stamic loq'uel xchi'uc ta sq'uelel sutele.

1 Crónicas 9:29

Ti jlome sbainoj xtoc ta sq'uelel ti c'usitic jtunele, xchi'uc ti c'usi tsots sc'oplal jelavem stunel ta j'ech'ele, ta stuc'ulanel ti juch'bil trigoe, ti vinoe, ti aceitee, ti pome, xchi'uc ti muil poxetique.

2 Crónicas 4:11

Ti Hirame laj smeltsan xtoc ti binetique, ti spulobiltaque, ti lech-lech taq'uinetique, ti c'ot ta pasel tsuts ti yabtel ta xch'ulna Dios ti ac'bat smeltsan yu'un ti Salomone.

2 Crónicas 4:19

Ti Salomón xtoque laj yac' ta meltsanel ti c'usitic ta xtun ta xch'ulna ti Diose, ti altar ti meltsanbil ta oroe, ti mexaetic sventa xcholobil pan ti c'otem ta yu'un ti Diose,

2 Crónicas 4:22

Naca ta lequil oro laj yich' meltsanel un, xulobil ti sc'aq'uemal xnich ti mechae, ti lech-lech taq'uinetique, ti spulobiltaque, xchi'uc ti xchic'obil pome. Ti ochebal yu'un ti ch'ulnae, ti jujupech sti'tac ti oy ta yut ti bu oy ti Bats'i Cuxul Ch'ul Cuartoe, ti sti'tac xtoc ti ch'ulna stuque, naca bonbil ta oro xtoc un.

Éxodo 25:5

ti nuculil chij ti bonbil ta tsoje, ti nuculetic ti c'upil sba yutsile, ti acacia te'e,

Éxodo 25:9

Ja' no'ox un, ti bu ta xinaqui taj une, scotol ti c'usitic ta xtun xtoque, tsots sc'oplal co'oluc me xbat jech c'u cha'al ta xcac'bot avile.

Éxodo 31:10

Ma'uc no'ox taje, ta smeltsan xtoc ti jalbil c'u'ile, ti lec xcaltique, ja' ti tunelal c'u'il yu'un ti pale Aarone, xchi'uc ti c'u'il sventa ti xnich'nab ti c'alal ta xtunic ta paleale.

Números 3:8

Ja' ta xchabiic xtoc ti c'usitic oy x'ayan ta Axibalna ti bu nupel ta bee. Ta xac' sbaic ta tunel ta stojol ti israeletic ta scotol ti c'usi sc'an pasel yu'un ti Axibalnae.

Números 4:11

“Ja' jech xtoc ta slambeic talel junuc ic'-ic' losantic tsajal poc' ta sba ti altar ti ja' oroe, ti ta svolic ta junuc yutsiquil nucule. Tey ta scajanic batel te' yo' jech ta xich' chechel batel.

Números 4:13

Yu'un tsots sc'oplal ta scusic lec ti xepu'e xchi'uc ti tan ti oy ta altare. Ts'acal to un, ta svolic ta yax'elan poc'.

Números 4:6

Ti ta sba xcaxaile, ta slamanic batel jayc'oluc jun yutsiquil nucul. Ti ta sba taje, ta slamanbeic talel jc'ol jun yutsil ic'-ic' losantic tsajal poc' ti jlic no'ox meltsanbile. Tey ta xac'beic te'etic yo' jech ta xich' chechel batel.

Números 4:7

Ta slamanic xtoc jlic ic'-ic' losantic tsajal poc' ta sba mexa ti oy ta jtojolale. Ti ta sbae, ta xaq'uic ti sets'etique, ti muc'tic lechetique, ti bisetique, ti jarruetic ti ja' yaviltac ti vinoe, xchi'uc ti pan ti ta xich' aq'uel jujun c'ac'al ti mu'yuc ac'bil ti spajubtasobile.

Números 4:9

Mi laj taj une, ta stsaquic talel jlic ic'-ic' losantic tsajal poc' ti ja' ta smaquic o ti pajleb cantilae, ti lamparaetique, ti slots'obil ac'ale, ti bic'tal sets'etique, xchi'uc scotol ti vasuetic ti ta xtun yu'unic ta yavil aceitee.