Números 4:11 - Bible in Tzotzil de Chamula

¹¹ “Ja' jech xtoc ta slambeic talel junuc ic'-ic' losantic tsajal poc' ta sba ti altar ti ja' oroe, ti ta svolic ta junuc yutsiquil nucule. Tey ta scajanic batel te' yo' jech ta xich' chechel batel.

Bible in Tzotzil de Chenalhó with Deuterocanon

¹¹ “Jech noxtoc ac'o smaquic ta yax'elan poc' li scajleb jmoton pasbil ta c'anal taq'uine. Ac'o xpixic ta lequil nuculetic, xchi'uc te ac'o yaq'uic li ste'eltac sventa xq'uechubile.

Números 4:11 Iomraidhean Croise

Éxodo 39:38

Ma'uc no'ox taje, laj yac'beic ta sc'ob Moisés ti altar ti meltsanbil ta oroe, ti jtunel aceite sventa abtelale, ti muil pome, ti muc' ta poc' ti oy ta sti' ti ochebal Axibalna ti bu nupel ta bee,

Éxodo 40:5

Cotano lec xtoc ti oro altar sventa xchic'obil ti pome ta yelov xcaxail ti tratee. Joc'ano xtoc ti muc' ta poc' ta ochebal sti' ti Axibalnae.

Números 4:10

Scotol taj une, ta xich' volel ta jun yutsiquil nuculetic, ti ta scajanic ta ba te'etic yo' jech ta xich' chechel batele.

Números 4:12

Mi laj taj une, ta xlic stsobic ti c'usitic jtunel ta sventa ti Bats'i Cuxul Ch'ul Cuartoe. Ta svolic ta jlicuc ic'-ic' losantic tsajal poc', xchi'uc ta svolic ta jun yutsiquil nucul, ti chechbil ta xbat ta te' yu'unique.

Números 4:6

Ti ta sba xcaxaile, ta slamanic batel jayc'oluc jun yutsiquil nucul. Ti ta sba taje, ta slamanbeic talel jc'ol jun yutsil ic'-ic' losantic tsajal poc' ti jlic no'ox meltsanbile. Tey ta xac'beic te'etic yo' jech ta xich' chechel batel.

Apocalipsis 8:3

Tal yan ánjel xtoc ti yich'oj talel yav ac'al meltsanbil ta oroe, bat sva'an sba ta sts'el ti altare. Yepal pom ac'bat yo' jmoj ta xac' jelavel ta altar ti meltsanbil ta oro ti oy ta stuq'uil ti muc' ta chotlebale, jmoj xchi'uc sc'opojel sti'inelic ti buch'u yu'untac ti Diose.