Números 34:12 - Bible in Tzotzil de Chamula

¹² Ta stam ech'el ta uc'um Jordán, ti ta xc'ot ta tsutsel ta Sts'ijlajan Nabe. “Ti ts'aquetic taje, ja' me sts'aquil ti yosilal ti alumalique.”

Bible in Tzotzil de Chenalhó with Deuterocanon

¹² Xlic stsac batel noxtoc ta uc'um Jordán; te to xc'ot pajuc ta Nab Muerto. “Scotol li ts'aquetic le'e ja' me sts'aquil avosilalic ta xc'ot’, uto li achi'iltaque”, x'utat yu'un Muc'ul Dios li Moisese.

Números 34:12 Iomraidhean Croise

Génesis 13:10

Va'i un, ti Lote laj sq'uel batel scotol ti stenlej sti'il uc'um Jordane. Laj yil oy lec vo' ta sjunul ti stenleje, co'ol xa s'elan yav ts'unubaltic xc'ot c'alal to biq'uit jteclum Zoar. Yu'un co'ol s'elan yosilal Egipto. (Yu'un ta vo'ne, ja' to ox jech s'elan c'alal mu'yuc to ox lilinbil yu'un Dios ti jteclum Sodomae xchi'uc ti jteclum Gomorrae.)

Génesis 14:3

Ti vo'ob ajvaliletic taje, laj stsob yajsoldadoic ta stenlej Sidim bu oy ti Ats'am Nabe.

Éxodo 23:31

Ti ats'actac ti bu c'alal ta xpaje, ta xlic talel ta Tsajal Nab, ta xc'ot c'alal to nab yu'un ti filisteoetique. Ta xlic talel ti ta sbajtical banomile, ta xc'ot c'alal to uc'um Eufrates. Laj xa cac'bot ta avoc ta ac'ob ti jnaclejetic taje, yu'un ta aba ta asat ta xajipic loq'uel.

Ezequiel 47:13

“Xi laj yal ti Dios ti scotol xu' yu'une: Ti ta xch'acbe sbaic yosilic ti lajcha'chop snitilul Israel ti muc' ta lum ti ta xc'ot ta xrextoique, ja' jech ti sts'aquique. (Ep ta xich' ma' ti José une.)

Números 34:11

Ta xlic ech'el ta Sefam, ta x'ech' ta Ribla ti oy ta sloq'ueb c'ac'al yu'un ti Aine. Ti bu taje, ta xjoybij yalel ti ts'ac ta stuq'uil sloq'ueb c'ac'ale, ta xc'ot ta nab yu'un ti Quinérete.

Números 34:13

Ti Moisese xi xcholet laj stojobtas ta sbijubtasel ti israeletique: “Ti lum li'e, ja' ti ta xach'acbe abaic ta sventa ti c'u s'elan ta xc'ot ti yorail avu'unique, ti ta sventa smantal ti Dios ti ta xich'ic ch'acbel ti balunvoq'ue xchi'uc ti o'lol jvoc' nitiluletic ti mu'yuc to yich'ojique.

Números 34:3

“Ti ts'ac ti oy ta stuq'uil yolon ti yac'ol xocon sloq'ueb c'ac'ale, ja' sti'il ti sbajtical banomil yu'un ti Zine, xchi'uc yosilal ti Edome. Ta stuq'uil sloq'ueb c'ac'ale, ta xlic ti sts'aquil ta stuq'uil yolon ti yac'ol xocon sloq'ueb c'ac'al ti oy ta Sts'ijlajan Nabe.

Josué 13:1

C'alal mol xa ti Josuee, xi albat yu'un ti Diose: “Oy xa talel ajabilal, sc'an to ep u'ninel ti banomile.

Josué 15:5

Ti sts'aquil ti xi ta yeloval sloq'ueb c'ac'ale, ja' ti Sts'ijlajan Nabe, ti ta xc'ot ta tsutsel ti bu c'alal ta xc'ot ta ch'ayel yoc ti uc'um Jordane. Ti bu taje, xlic stam ech'el sts'aquil ta yolon ti yolon xocon sloq'ueb c'ac'ale.