Números 34:11 - Bible in Tzotzil de Chamula

¹¹ Ta xlic ech'el ta Sefam, ta x'ech' ta Ribla ti oy ta sloq'ueb c'ac'al yu'un ti Aine. Ti bu taje, ta xjoybij yalel ti ts'ac ta stuq'uil sloq'ueb c'ac'ale, ta xc'ot ta nab yu'un ti Quinérete.

Bible in Tzotzil de Chenalhó with Deuterocanon

¹¹ Xlic ta Sefám c'alal ta Ribla ta stuq'uil sloq'ueb c'ac'al yu'un Aín. Ts'acal te xyal batel noxtoc ta xocon nab Cineret ta sloq'ueb c'ac'al.

Números 34:11 Iomraidhean Croise

2 Reyes 23:33

Tiq'ue ta chuquel yu'un ti faraón Necao ta jteclum Ribla ti oy ta yosilal ti Hamate yo' jech mu staojuc yav ochem o ta ajvalilal ta Jerusalene. Lic suj ta sc'anbel spatan ti jteclume. Laj yaq'uic oxmil xchi'uc vo'lajunvinic (3,300) ta kilo ti platae, xchi'uc oxlajuneb xcha'vinic (33) kilo ti oroe.

2 Reyes 25:6

Ti soldado caldeoetique laj staic ta tsaquel ti ajvalile, ti yic'ojic batel ta stojol ti ajvalil yu'un ti Babilonia ti oy ta Ribla ta yosilal ti Hamate. Ti bu taje, albat sc'oplal yu'un ti Nabucodonosore ti j'ech'el ta xac' sjol sbaquile.

Jeremías 52:10

Yu'un yiloj ta sba ta sat stuc ti loc' mantal yu'un ti Nabucodonosore ti yich'uc c'ocbel snuc' ti xnich'nabe, xchi'uc scotol ti buch'utic ich'bil ye sti'ic yu'un ti jteclum Judae.

Jeremías 52:9

C'alal laj staic ta stsaquel ti ajvalile, ti caldeoetique laj yiq'uic batel ta stojol ti ajvalil yu'un ti jteclum Babilonia ti oy ta jteclum Riblae, ta yosilal ti Hamate. Ti bu taje, chapbat sc'oplal ti Sedequías yu'un ti Nabucodonosore.

Números 34:10

“Ti ts'ac ti oy ta stuq'uil ta smaleb c'ac'ale, ta xlic ech'el ta stuq'uil ti Hazar-enane, ta xc'ot c'alal to Sefam.

Números 34:12

Ta stam ech'el ta uc'um Jordán, ti ta xc'ot ta tsutsel ta Sts'ijlajan Nabe. “Ti ts'aquetic taje, ja' me sts'aquil ti yosilal ti alumalique.”

San Mateo 14:34

Jelavic ta jot nab, c'otic ta Genesaret banomil.

San Lucas 5:1

Oy jun c'ac'al ti c'alal oy ta ti' nab Genesaret ti Jesuse, laj ya'i ti ta xnet'e yu'un ti epal jnaclejetic yo' ta xa'iic ti lequil ach' c'op yu'un ti Diose.

San Juan 6:1

Laj taj une, ti Jesuse bat ta jot sti'il nab Galilea, ti ja' ono'ox ti snabil ti Tiberiase.

Deuteronomio 3:17

Ja'uc ti xi oy ta yeloval sloq'ueb c'ac'ale, ja' laj cac'be yich'ic ti banomil Arabae, c'alal to yoc vits Pisga ta stuq'uil ti sloq'ueb c'ac'ale, scotol ti ta xlic ta stuq'uil ti bu sts'aquinoj sbaic ta xc'ot xchi'uc ti uc'um Jordane, ti x'ech' c'alal to Arabae, ti Sts'ijlajan Nab sbie.

Josué 11:2

Ma'uc no'ox taje, laj stac batel mantal ta stojol scotol ti ajvaliletic ti nacalic ta muc'tiquil vitstic ti oy ta yolon ti yolon xocon sloq'ueb c'ac'ale, xchi'uc ti ajvaliletic ti oy ta stenlejal yu'un ti uc'um Jordán ti oy ta yolon ti yac'ol xocon sloq'ueb c'ac'al ta nab Quinérete, xchi'uc ti ajvaliletic ti oy ta stenlejtic ti nopol xil ti jteclum Dor ti oy ta yeloval smaleb c'ac'ale.

Josué 12:3

Ti ajvalil Sehone smacoj ta ventainel jlom xtoc ta yelov sloq'ueb c'ac'al ti stenlejtic yu'un ti uc'um Jordane, ti ta xlic ech'el ta nab Quinérete, ti ta xc'ot c'alal to Sts'ijlajan Nab ti oy ta stuq'uil Bet-jesimote, ti sq'ueloj batel ta yolon ti yac'ol xocon sloq'ueb c'ac'al ta yoc ti vits Pisgae.

Josué 13:27

C'ot ta yu'unic xtoc ti jteclumetic ti lamal ta stenlejale, ti Bet-arame, ti Bet-nimrae, ti Sucote, ti Zafone, ti ja' slajeb xa sbainel ta sventainel yu'un ti Sehón ti ja' ajvalil yu'un ti Hesbone. Ja' yu'un un, sjamlej ti yosilique, ta xlic batel ta stuq'uil sloq'ueb c'ac'al yu'un ti Jordane, ti c'ot c'alal to ta yolon ti yac'ol xocon smaleb c'ac'al ti oy ta nab Quinérete.

Josué 19:35

Ti laj yich'ic ti jteclumetic ti pim lec ti smocale, xi s'elan jech c'u cha'al li'e: ti Sidime, ti Zere, ti Hamate, ti Racate, ti Quinérete, ti Adamae, ti Ramae, ti Hazore, ti Cedese, ti Edreie, ti En-hasore, ti Irone, ti Migdal-ele, ti Horeme, ti Bet-anate, xchi'uc ti Bet-semese. Ja' balunlajuneb (19) jteclumetic ta scotol xchi'uc ti bic'tal lumetic ti joyol ta spat ta xocontaque.