Números 34:10 - Bible in Tzotzil de Chamula

¹⁰ “Ti ts'ac ti oy ta stuq'uil ta smaleb c'ac'ale, ta xlic ech'el ta stuq'uil ti Hazar-enane, ta xc'ot c'alal to Sefam.

Bible in Tzotzil de Chenalhó with Deuterocanon

¹⁰ “Li sts'aquil ta sloq'ueb c'ac'ale tuc' te xlic ta Hazar-enán c'alal to ta Sefám.

Números 34:10 Iomraidhean Croise

1 Crónicas 27:27

Ti jq'uelvanej yu'un ti jtsob-uvaetique, ja' ti Simei ti liquel talel ta Ramate. Ti buch'u sbainoj ta yich'el ta venta ti vino ta jujun snailtaque, ja' ti Zabdi ti liquel talel ta Sefame.

Ezequiel 47:18

“Ti sts'aquil ta sloq'ueb c'ac'ale, ta xlic ta o'lol yu'un ti Haurane xchi'uc ti Damascoe. Ta xc'ot ta jteclum Tamar ti oy ta sts'el Sts'ijlajan Nabe, sjunul c'u snatil yoc ti uc'um Jordane. Ta xc'ot ta sts'ac yu'un Galaad xchi'uc ti Israele.

Números 34:11

Ta xlic ech'el ta Sefam, ta x'ech' ta Ribla ti oy ta sloq'ueb c'ac'al yu'un ti Aine. Ti bu taje, ta xjoybij yalel ti ts'ac ta stuq'uil sloq'ueb c'ac'ale, ta xc'ot ta nab yu'un ti Quinérete.

Números 34:9

Ti ts'ac ti oy ta yolon ti yolon xocon sloq'ueb c'ac'ale, ti ta xlic ech'el ta Zedade, ta x'ech' c'alal to ta Zifrón, ta xc'ot ta tsutsel ta Hazar-enán.

Josué 15:5

Ti sts'aquil ti xi ta yeloval sloq'ueb c'ac'ale, ja' ti Sts'ijlajan Nabe, ti ta xc'ot ta tsutsel ti bu c'alal ta xc'ot ta ch'ayel yoc ti uc'um Jordane. Ti bu taje, xlic stam ech'el sts'aquil ta yolon ti yolon xocon sloq'ueb c'ac'ale.