Números 33:3 - Bible in Tzotzil de Chamula

³ Ta yo'lajunebal sc'ac'alil ta sliquebal u yu'un ti jabile, ta yoc'omal yech'el ti q'uin Colele, mu'yuc xi'el ta xa'iic ti israeletic ti loq'uic batel ta Ramsés ta sba ta sat scotolic ti egipcioetique.

Bible in Tzotzil de Chenalhó with Deuterocanon

³ Li israeletique iloq'uic tal ta Ramsés ta svo'lajunebal c'ac'al yochel li sba u ta sliquebal jabile. Ja' ta yoc'omal no'ox ti c'alal la spasic li q'uin Coltaele. Ta smuc'ul stsatsal Dios iloq'uic tal, xchi'uc ta sat scotol li egiptoetique.

Números 33:3 Iomraidhean Croise

Génesis 47:11

Jech ti Josee laj yac' ti lequil banomil ti oy ta slumal Egiptoe yo' ta xnaquiic jech c'u cha'al laj yal ti faraone. Ja' yu'un un, ti stote xchi'uc ti xchi'iltac ta voq'uele laj yich'ic ti banomil ti oy ta yosilal Ramsese.

Salmos 105:38

Xmuyubajic xa ti egipcioetic ti loq'uic batele, yu'un batem xa xch'ulelic ta xi'el.

Éxodo 1:11

Jech o xal ti egipcioetique lic sva'anic jq'uelvanejetic yo' ta stsitsic ta tsots abtel ti israeletique. Ac'bat sbainic ta smeltsanel ti jteclumetic yu'un ti Pitone xchi'uc ti Ramsese. Ti faraón ajvalil yu'un ti Egiptoe, ja' ta stunes ta sq'uejobil ti c'usiuc no'ox ve'lilal sat ts'unubaletic ti xloc' x'ayane.

Éxodo 12:2

—Ti u li'e, na'bil lec ta xcom avu'unic, yu'un ja' sliqueb u yu'un ti jabile.

Éxodo 12:37

Jech ti israeletique iloq'uic batel ta Ramsés. C'otic ta Sucot. Oy nan vaquibuc ciento ta mil (600,000) ti lec to no'ox jva'lej viniquetic ti ja' to sjabilal ta x'ochic ta soldadoil ti ta xanavic batele. Ja' mu'yuc tsacbil ta atel ti antsetique xchi'uc ti ololetique.

Éxodo 13:4

Ti c'ac'al ta xaloq'uic batel tanae, ja' yual Abib.

Éxodo 14:8

Jech ti Diose laj yac' pucujibuc yo'nton ti faraone yo' jech ta snuts batel ti israeletique. Ja' no'ox un, ti israeletique, ta smuc'ul stsatsal xa Dios ti jech loq'uic batele.

Isaías 52:12

Ja'uc le' une, mu ta jechuc yepal xavoletic loq'uel ta anil, ti jatviloxuc xa loq'uele. Ti Ajvalil Dios yu'un ti Israele, chabibiloxuc yu'un ta jujujot.

Miqueas 2:13

Yu'un ja' jam be ech'el ti Diose, ts'acalic batel ta spat ti stuquic ti ta xloq'uic ech'el ta sti'tac ti jteclume, jba'be ech'el yu'unic ta scotolic ti Ajvalil ti ja' Dios yu'unique.

Números 33:2

Ti Moisese ta stsacolanbe batel sbi ta scojol cojol ti butic laj loq'uicuc ech'ele, xchi'uc ti bu ta xjoc'tsajic jujucoj ja' jech c'u cha'al laj yal mantal ti Diose. Ti li'e, ja' ti bu joc'tsajique xchi'uc ti ta xloq'uic batele.