Números 32:41 - Bible in Tzotzil de Chamula

⁴¹ Ti Jaire, snitilultac ti Manasese, laj yu'ninic ta spojel jun chibuc bic'tal jteclumetic ti oy ta yosil ti amorreoetique, ti laj yac'beic sbiin Havot-jaire.

Bible in Tzotzil de Chenalhó with Deuterocanon

⁴¹ Li Jair, ja' li smomnich'nab Manasese, ja' laj yu'uninic jayibuc bic'tal lumetic yu'un li amorretique; ja' Havot-jair laj yac'beic sbi.

Números 32:41 Iomraidhean Croise

1 Reyes 4:13

Ti Ben-guébere, oy ta yoc ta sc'ob ti Ramot ti oy ta Galaade, ti sbainoj ti jnaclejetic ti oy ta yosilal Galaad ti sventainoj ti Jair xnich'on ti Manasese. Ma'uc no'ox taje, oy ta yoc ta sc'ob ti yosilal Argobe, ti oy ta jteclum Basane, ti bu oy oxvinic (60) ta chop muc'tic jteclum ti oy lec smocale, xchi'uc ti yich'ojan c'anal taq'uin ti stsacleb syaviale.

Deuteronomio 3:14

(Ja'uc ti Jaire, sts'unubal ti Manasese, laj yu'nin ta spojel ti Argobe, ti c'ot c'alal to sts'actac Gesure xchi'uc Maacae, ti sbiinoj to ox Basane, ti lic sbiiltas Havot-jair ti ja' sbi stuque, ti ja' to jech sbiinoj yu'unic avi tana le' une.)

Josué 13:30

Yu'un ja' c'ot ta sventaic ta yu'ninel scotol ti bu sventainoj to ox ti Og ti ja' ajvalil yu'un ti Basane. Ti lec xcaltique, ja' scotol ti jteclum Basane, ti lic batel ta Mahanaime, xchi'uc ti oxvinic (60) ta chop bic'tal lum ti sbainoj to ox ti Jaire.

Jueces 10:4

Laj yilbe sat lajuneb xcha'vinic (30) ta vo' squerem xnich'nab, ti xcajetic no'ox ta sburroic jujunique, xchi'uc ti oy jujun steclumalic ta yosilal ti Galaade. Ti lajuneb xcha'vinic jteclum taje, ojtiquinbil to yu'unic avi tana le'e, “Steclumal ti Jaire” xi sc'oplal.