Números 30:8 - Bible in Tzotzil de Chamula

⁸ Yan mi mu xac' ye sti' ti smalal c'alal laj ya'ibe sc'oplale, mu'yuc xa stijel ta c'op ti ac'o yaq'ue, mi yan ti yac'oj ye ta spas ti ta anil no'ox laj snope. Mu sujat yu'un ti Dios ti ac'o c'otuc ta pasel yu'une.

Bible in Tzotzil de Chenalhó with Deuterocanon

⁸ Pero me mu sc'an li smalale, mu persauc tspas li c'usi la svovil al ta anile. Li Muc'ul Diose ta spasbe perdón yu'un li smule.

Números 30:8 Iomraidhean Croise

Génesis 3:16

Xi albat ti antse: —C'alal ta x'ayan ti avalabtaque, ta xquepajes ti avocole. Ja' jech xtoc ta xava'ibe xc'uxul ti c'alal ta xavoq'ues ti avole. Manchuc mi jech un, mu no'ox xu' avu'un ta xava'i, tsots sc'oplal ta xava'i ti amalale, pasbilot ta mantal yu'un.

Jeremías 44:19

Ti antsetic eque xi to laj staq'uic ech'el ti c'ope: “Ti vu'uncutique laj jmeltsancutic setequil muc'tiquil pan. Laj cac'cutic ta stojol xq'uexol ti Sme' Vinajele. Ta xcac'becutic ti matanal pome, ti vinoe, quich'ojbecutic ye sti' jmalalcutic ti va'i s'elan ta jpascutic scotol taje. Laj to c'op ma' ti xquicta jbacutic une.”

Levítico 5:4

“Mi oy buch'u uni supul no'ox xa'i sba ti c'usiuc no'ox ta sva'an ta rextico ta anile, ti spas xa yu'un ta xa'i ti c'usiuc no'ox jtosucale, mi ja' ti c'usi leque, mi ja' ti c'usi chopole, oy xa me smul ti c'alal ta xa'i sba ti c'usi laj yale.

Números 30:5

Yan mi mu xac' ye ti stot ti c'alal laj ya'ie, mu'yuc xa stijel ta c'op ti ac'o yac' ti oy c'usi yaloj ta xaq'ue, mi yan ti c'usi yaloj ta spase. Yu'un mu xac' ye sti' ti stote, mi ja'uc ta sujat yu'un ti Dios ti ac'o spase.

Números 30:7

mi ts'ijil no'ox ti smalal ti c'alal laj ya'ibe sc'oplale, ti mu'yuc chopol ta xa'ie, tsots sc'oplal ti ac'o c'otuc ta pasel yu'un ti c'usi yaloje, mi yac'oj ye ta spase.

Números 30:9

“Yan mi ja' jun me'unal ants, mi jun sutemal ants ti yac'oj ye ti oy c'usi ta xaq'ue, tsots sc'oplal c'otuc ta pasel yu'un scotol ti yac'oj ye ta spase.

1 Corintios 14:34

Ti antsetique ts'ijlicuc c'alal oyic ta tsobobbaile, mu xtuch'ic ta be c'op. Yu'un ja' yabtelic nijil chimil ta stojol snup xchi'ilic jech c'u cha'al ta xal smantal ti Diose.

1 Corintios 7:4

Ti ants nupul ts'acale, ma'uc yu'un stuc ti sbec'tale, ja' yu'un ti smalale. Ja' jech xtoc ti vinic nupul ts'acale, ma'uc yu'un stuc ti sbec'tale, ja' yu'un ti yajnile.

1 Samuel 1:23

Xi tac'bat yu'un ti Elcaná ti smalale: —C'otuc ta pasel ti c'usi lec ta xavile. Li' to comane ja' to ti c'uxi laj avictabe xchu' ti olole. C'otuc ta pasel yu'un strate ti Dios ti c'usi yaloje. Ja' jech com, lic sts'ites ti yole ja' to ti c'uxi laj yictabe ti xchu'e.