Números 30:2 - Bible in Tzotzil de Chamula

² C'alal mi oy buch'u ta xal ti oy c'usi ta xac'bee, mi ja' ti oy bu ta sva'an sba ta j'ech'el ti xc'ot xc'opoj ta xale, tsots sc'oplal ti c'otuc ta pasel yu'un ti sc'ope, ti c'otuc ta pasel yu'un scotol ti c'u s'elan yac'oj ye yaloj ta spase.

Bible in Tzotzil de Chenalhó with Deuterocanon

² ‘C'alal me oy boch'o oy c'usi chchapan ta stojol Muc'ul Diose, o me tst'abbe sbi Muc'ul Dios ti c'alal chale, persa tsc'an chc'ot ta pasel li c'usi chale, xchi'uc tsc'an tspas scotol li c'usi yaloj tspase.

Números 30:2 Iomraidhean Croise

Job 22:27

Mi oy c'usi ta xac'anbee, ta xac'bot, jech ta xc'ot ta pasel avu'un ec un ti c'usi avaloj ta xavac'bee.

Salmos 116:14

C'otuc ta pasel ti jtrate ti laj cal ta stojol Dios ta sba ta sat scotol ti jteclume.

Salmos 116:18

Ta sba ta sat scotol ti jteclume, ta xc'ot ta pasel cu'un ti jtrate caloj ta stojol ti Diose,

Salmos 119:106

Ti oy c'usi laj jva'an jba ta yalele, xi s'elan ta xc'ot ta pasel cu'une; ta xlic cabtelan ta spasel ti c'usitic tuc' nopbil avu'une.

Salmos 15:3

ti buch'u mu junuc ta sbisan ta cotol chavale, ti buch'u mu'yuc c'usi chopol ta spasbe ti buch'u lec xil sba xchi'uque, ti buch'u mu'yuc ta soquesbe sjol ti slac'nae,

Salmos 22:25

Ta sba ta sat yepal ti alumale, ta jlequil-c'opta ta yalel ti yutsil slequil avo'ntone; ta sba ta satic ti buch'u nijil chimilic ta atojole, ta xc'ot ta pasel cu'un ti c'usi caloj ta xcaq'ue.

Salmos 50:14

Ti matanal ta xavaq'ue, sventa colaval, xavut ti Diose, ti c'otuc ta pasel avu'un ta stojol ti Buch'u oy ta toyole, ti avaloj ta xavac' ta stojole.

Salmos 55:20

Syales no'ox yoc sc'obic ta stojol ti buch'u lec xil sbaic xchi'uque; mu xc'ot ta pasel yu'unic sc'opic ti laj yalic j'ech'el mu sten sbaique.

Salmos 56:12

Ti jtrate laj cal ta atojol une, Ch'ul Dios, ta xc'ot ta pasel cu'un ta yalel ti alequilale,

Salmos 76:11

Alic ta stojol ti Ajvalil Dios avu'unic ti oy c'usi ta xavac'beique, le' une, c'otuc ta pasel avu'unic. Ti vo'oxuc joyoloxuc ta spat ta xocon ti Buch'u sc'otebal o ti xi'tabile, ich'beic talel matanal ta stojol.

Éxodo 20:7

“Va'i un, mu xaloq'uesic sbi ta jeche' no'ox ti Ajvalil ti ja' Dios avu'unique, yu'un ti stuque ta stsits ya'i. Mu teyuc no'ox sq'ueloj ti buch'u ta sbiiltasat ta jeche' no'oxe.

Proverbios 20:25

Xi'bal sba ti yac'oj xa ye ti vinic oy c'usi ta xac'be Dios c'alal ta xlic xcha'na' ti c'usi yaloj ta xaq'ue.

Levítico 5:4

“Mi oy buch'u uni supul no'ox xa'i sba ti c'usiuc no'ox ta sva'an ta rextico ta anile, ti spas xa yu'un ta xa'i ti c'usiuc no'ox jtosucale, mi ja' ti c'usi leque, mi ja' ti c'usi chopole, oy xa me smul ti c'alal ta xa'i sba ti c'usi laj yale.

Nahúm 1:15

¡Q'uelo avilic, le' xa xtal ta vitstic ti j'al-mantal j'ich'-c'ope, yu'un tal yalbe sc'oplal ti lamaj xa ti c'ope! Ja' yu'un un, lic paso ti q'uinetic avu'une, jteclum Judá. Ti c'usitic avaloj ta xapase, c'otuc me ta pasel avu'un. Ta j'ech'el mi ja'uc xa ta xtal yilbajinot ti jchopol-joletique. Ta j'ech'el tubbat xa ti sc'oplalique.

Números 21:2

Va'i un, ti israeletique laj yac' yeic ta stojol Dios mi ta xcoltaatic ta stsalel ti muc' ta lume, j'ech'el ta slilinic comel ti jteclumetique.

Números 30:10

“Mi ja' jun ants ti malijem xa ti laj yac' ye ti oy c'usi ta xaq'ue, ti ta sva'an xa sba ta rextico ti xc'ot xc'opoj ti c'alal nacal xa ta sna ti smalale,

Números 32:24

Meltsanic un cha'e ti naetic yu'un ti avalab anich'nabique, xchi'uc ti corraletic yu'un ti achijique. C'otuc me ta pasel avu'unic ti ac'opic une.

San Mateo 23:16

“¡Mu cha'belucoxuc un, jnit-ma'satetic ti xi ta xavalique! ‘Ti buch'u laj sva'an sba ta yalel ti oy c'usi ta xac' ti ja' no'ox laj sva'an ta rextico ti ch'ulnae, mu'yuc stijel ta c'op. Ja'uc ti buch'u ta sva'an ta rextico ti oro yu'un ti ch'ulna ti oy c'usi ta xaq'ue, oy xa stijel ta c'op ti ac'o yaq'ue.’

San Mateo 23:18

Yu'un xi ta xavalic xtoque: ‘Mu'yuc stijel ta c'op ti buch'u laj sva'an ta rextico ti altar ti oy c'usi ta xaq'ue. Yan mi laj sva'an ta rextico ti smoton Dios cajal ta altar une, oy stijel ta c'op ti c'otuc ta pasel yu'une.’

Hechos 23:12

Ta yoc'omal un, oy jun chib israeletic laj scomonopic mu xve'ic, mu xuch'ic vo', xchi'uc ta sc'anel xchamelic mi mu xc'ot ta pasel ta smilel ti Pabloe.

Hechos 23:14

Batic ta stojol ti banquilal paleetique xchi'uc ta stojol ti moletic yu'un ti israeletique, ti xi laj yalique: —Ti vu'uncutique mu xive'cutic, mi ja'uc ta xcuch'cutic vo', xchi'uc ta sc'anel jchamelcutic mi mu xc'ot ta pasel cu'uncutic ta smilel ti Pabloe.

Hechos 23:21

Ja'uc le'e, mu xach'un. Jeche' ta xalic. X'ech' jutuc cha'vinic (40) ta vo' svinictac nac'al ta xmalavanic ti ta bee, ti laj xa sc'an xchamelic mu xve'ic, mu xuch'ic vo' mi mu'yuc to ta xcham yu'unic ti Pabloe, ti ja' xa no'ox smalaic c'usi ta xavale —xi ti quereme.

2 Corintios 1:23

Ti jech mu'yuc xic'ot ta Corinto avi tanae jech c'u cha'al jnopoje, yo' mu xcac'oxuc ta at o'nton. Ja' yiloj Dios ti jech co'ntone, yu'un mi mu jechuque, li' oyune, ac'o xischapanun ti Diose.

Jueces 11:11

Va'i un, ti Jeftee, jmoj batic xchi'uquic. Jech ti jteclum une lic sva'anic ta banquilal jpojvanej yu'unic. Ti Jefté ti c'alal oy ta Mizpae, lic xcha'alilan ta sba ta sat Dios ti c'usi laj yal ta ba'yele.

Jueces 11:39

C'alal ech' ti va'i sjalil taje, sut talel ti bu oy ti stote. C'ot ta pasel yu'un ti stuc ti yac'oj strate ta stojol ti Diose. Ti yantsil nich'on ti Jeftee, mu'yuc tabil ta junuc vinic ti c'alal chame.