Números 3:9 - Bible in Tzotzil de Chamula

⁹ Bevbiluc loq'uel avu'un ti levitaetic xchi'uc ti snitilulic ta stojol ti israeletique yo' jech ta xac' sbaic ta tunel ta j'ech'el ta stojol ti Aarone.

Bible in Tzotzil de Chenalhó with Deuterocanon

⁹ Voc'ol ac'o comuc avu'un scotol li levietique yu'un ja' no'ox ac'o tunicuc ta stojol li Aarone xchi'uc ta stojol li smomnich'nabtaque. Mu me jmojuc xcomic xchi'uc li yantic israeletique.

Números 3:9 Iomraidhean Croise

1 Crónicas 15:2

Va'i un, xi laj yal ti mantale: “Mi junuc buch'u xu' ta xich'be batel xcaxa Dios mi ma'uc ti levitae. Ti stuquique t'ujbilic ta yich'el batel xcaxa ti Diose, ti tey ta xtunic oe.”

1 Crónicas 6:33

Xi s'elan sbiic ma' ti ta xtunic xchi'uc ti xnich'nabique: Ja'ic snitilultac ti Coate, ti jq'uejimol Heman xnich'on ti Joele, xnich'on ti Samuele,

Esdras 2:43

Ti jtuneletic ta ch'ulnae, ja'ic snitilultac ti Zihae, ti Hasufae, ti Tabaote, ti Querose, ti Siahae, ti Padone, ti Lebanae, ti Hagabae, ti Acube, ti Hagabae, ti Salmaie, ti Hanane, ti Gidele, ti Gahare, ti Reaíae, ti Rezine, ti Necodae, ti Gazame, ti Uzae, ti Paseahe, ti Besaie, ti Asenae, ti Meunime, ti Nefusime, ti Bacbuque, ti Hacufae, ti Harhure, ti Bazlute, ti Mehidae, ti Harsae, ti Barcose, ti Sisarae, ti Temae, ti Nesíahe, xchi'uc ti Hatifae.

Esdras 6:18

Ts'acal to un, ti paleetique laj yac'beic stsac yabtelic ti bu ta xc'ot ti stunelique. Ti levitaetic eque laj stamic ti bee stunelic ta sventa stoyel xi'el Dios ta Jerusalén jech c'u cha'al ts'ibabil ta jpoc vun yu'un ti Moisese.

Esdras 8:20

Ti jtuneletic yu'un ch'ulna ti va'anbilic comel yu'un ti Davide, xchi'uc ti jpas-mantaletic ta sventa stunelic ti levitaetique, oyic buluchvinic (220) ta vo'. Scotolic taje, vinaj ti oy stunelic va'anbilique.

Números 16:9

¿Mi yu'un jutuc xa no'ox sc'oplal ta xava'iic ti laj st'ujoxuc loq'uel ti Dios ta stojol ti jteclum yu'un Israele, ti nabaloxuc ta stojol ti ta xatunic ta abtel ta Axibalna yu'un ti Diose, ti ta xatunic yu'un ti jteclume?

Números 18:2

Yu'un c'otuc ta pasel avu'un ti ac'o xa scoltaot ta abtel xchi'uc anich'nabe ti jvoc' snitilul ti Levi ti ja' ats'unubaltac ti c'usi sc'an pasel ta stojol ti Axibalna yu'un ti tratee.

Números 3:8

Ja' ta xchabiic xtoc ti c'usitic oy x'ayan ta Axibalna ti bu nupel ta bee. Ta xac' sbaic ta tunel ta stojol ti israeletic ta scotol ti c'usi sc'an pasel yu'un ti Axibalnae.

Números 8:14

Ja' jech ch'acbil ta xc'ot ti levitaetic ta stojol ti yan israeletique yo' jech ta xc'otic ta cu'un.

Números 8:16

Yu'un ti c'u yepal oyic ta stojolic ti israeletique, biinemic ti c'otemic ta cu'une. Jech ti vu'une mu'yuc ta jbajic ti ja' c'otic ta q'uexolil yu'unic ta sventa scotol sba xnich'nabtac ti israeletique.

Números 8:18

Yan ti stuquique, ja' c'ot ta q'uexolil yu'unic ti levitaetique.

Números 8:19

Vu'un laj jt'uj loq'uel ti levitaetic ta stojol ti israeletique. Laj cac'be sbain ti Aarón xchi'uc ti xnich'nabe yo' jech ta xc'ot ta q'uexolil yu'unic ti israeletic ti ta xac' sbaic ta tunel ta Axibalna ti bu nupel ta bee, ti ta stabeic talel ti ch'aybil ta xc'ot smulic ti israeletic ta stojol ti Diose. Ti va'i s'elan taj une, yo' jech mu xnopajic batel ti israeletic ta stojol ti ch'ul cuartoe, yo' jech mu'yuc c'usi chopol ta xc'ot ta stojolic.”

Efesios 4:11

Jel tos laj yac'anbe sbijil ta jujun tal. Yu'un oy jlom laj yac'be sbijil yo' jech ta x'och ta jcholc'op. Oy jlom laj yac'be sbijil ta yalel ti c'usi ta x'ac'bat sna'ic yu'un ti Diose. Oy jlom laj yac'be sbijil ta yalel ti lequil ach' c'ope. Oy jlom laj yac'be sbijil yo' ta x'och ta sbainel jch'unolajeletic xchi'uc jchanubtasvanejetic.

Efesios 4:8

Jech o xal un, ti ch'ul c'ope xi ta xale: “C'alal muy batel ta vinajele, yic'ojan batel ti jchuqueletique xchi'uc laj yac'be sbijil ti jnaclejetique.”