Números 3:6 - Bible in Tzotzil de Chamula

⁶ “Ic'o talel ti jvoc' snitilultac ti Levie, ti ac'o taluc sva'an sbaic ta stojol ti pale Aarone yo' jech ta xac' sbaic ta tunel yu'un.

Bible in Tzotzil de Chenalhó with Deuterocanon

⁶ “Ic'o tal scotol li jchop achi'iltac liquemic ta Levie. Ac'o talicuc ta stojol li Aarone. Ac'o tunicuc yu'un; ac'o spasic li c'usi ch-albatique.

Números 3:6 Iomraidhean Croise

1 Crónicas 15:2

Va'i un, xi laj yal ti mantale: “Mi junuc buch'u xu' ta xich'be batel xcaxa Dios mi ma'uc ti levitae. Ti stuquique t'ujbilic ta yich'el batel xcaxa ti Diose, ti tey ta xtunic oe.”

1 Crónicas 23:28

Pasbilic ta mantal yu'un ti paleetic snitilultac ti Aarone yo' jech ta xtunic ta ch'ulna, ti sbainojic ta sq'uelel ti yamaq'uiltaque, ti ep ta c'ol naetique, ta spoquel ta suq'uel ti c'usitic jtuneletique, co'ol jech c'u cha'al sc'an pasel yan abtel ta ch'ulnae.

1 Crónicas 23:32

Sbainojic ta stuc'ulanel xtoc ti Axibalnae, xchi'uc ti bu nupel ta be xchi'uc ti Diose, ti yac'ojuc no'ox sbaic ta tunel ta ch'ulna ti pasbilic ta mantal yu'un snitilultac ti Aarón ti jmoj svinquilel sbaique.

1 Crónicas 6:33

Xi s'elan sbiic ma' ti ta xtunic xchi'uc ti xnich'nabique: Ja'ic snitilultac ti Coate, ti jq'uejimol Heman xnich'on ti Joele, xnich'on ti Samuele,

2 Crónicas 29:11

Jech ec un, jnich'nabtac, mu xalubtsajic, t'ujbiloxuc yu'un ma' ti Dios une yo' jech ta xavac' abaic ta tunel ti c'usi ta sc'an pasbele, ta yac'bel ti chic'bil pome.”

Esdras 6:18

Ts'acal to un, ti paleetique laj yac'beic stsac yabtelic ti bu ta xc'ot ti stunelique. Ti levitaetic eque laj stamic ti bee stunelic ta sventa stoyel xi'el Dios ta Jerusalén jech c'u cha'al ts'ibabil ta jpoc vun yu'un ti Moisese.

Malaquías 2:4

Ja' to jech ta xana'ic ti vu'un laj cal ti mantale yo' jech mu xch'ay ta be ti jtrate laj jpas ta stojol ti Levie.

Números 18:21

Ti jvoc' levitaetique, ja' xc'ot ta xrextoic cu'un ti c'usitic xloc' x'ayan yu'unic ti israeletic ti tsots sc'oplal ta xaq'uic ti jun ta jujun lajunebe, ti ja' xc'ot ta stojolic ti buch'utic ta xac' sbaic ta tunel ta Axibalna ti bu nupel ta bee.

Números 2:17

“Ja'uc ti levitaetic une volibilic ech'el ta xanobal ta chanvoc' ti xcuchojic batel ti Axibalna ti bu nupel ta bee. Jech ti chanvoq'uique, lec svoc'ol voc'ol ta xanavic batel ta be jech c'u cha'al svoc'ol voc'ol ti lamalic ta naclej ti bu pajal ti sbanderaique.

Números 2:33

Ti jech laj spas ti Moisés jech c'u cha'al albat yu'un ti Diose, mi ja'uc laj stsaquic ta atel ti levitaetique.

Números 3:5

Jech ti Diose xi laj yalbe ti Moisés ti c'alal laj sc'opon talele:

Deuteronomio 10:8

Ja' o me c'ot ta pasel un c'alal ti Dios lic st'uj snitilultac ti Levie, ti ja'icuc ta xich'ic batel xcaxail ti trate yu'un ti Diose, ti oyicuc ta stojol yo' jech ta xtunic ta sva'anel sbaic ta yaq'uel ti lequilal ta sventae, ti jech to syaquil ta spasic tana li'e.