Números 3:47 - Bible in Tzotzil de Chamula

⁴⁷ c'anbo vo'sep plata taq'uin ti jujunique, ja' ti c'u s'elan liquem yu'unic ta ch'ulna ti yich'oj buluchib gramo ti yalale.

Bible in Tzotzil de Chenalhó with Deuterocanon

⁴⁷ c'anbo vo'sepuc saquil taq'uin sventa spatanic jujunic. Ja' jech xac'anbe jech chac c'u cha'al chapal ta ch'ulna pasbil ta nucul ti buluchib (11) gramo yalal jujusepe.

Números 3:47 Iomraidhean Croise

Éxodo 30:13

Scotol ti buch'u bejel lec ta vun ti sbie, ta xaq'uic vo'ob gramo plata ti spatan ta stojol ti Diose, ti ja' o'lol no'ox jech c'u cha'al ti albil sc'oplal yu'unic ta ch'ulnae.

Éxodo 38:24

Scotol ti oro ti tsots sc'oplal ta xtun ta Axibalnae, ja' oroetic ti ac'bat ta smoton ti Diose. Ti laj stsob sba ta scotole, ja' baluneb ciento xchi'uc vo'ob xchanvinic (965) kilo, xchi'uc to lajuneb xcha'vinic (30) gramo, ja' ti c'u s'elan liquem sbisel yu'un ti ch'ulnae.

Ezequiel 45:12

“Ti c'usitic chechbil ta xich' bisele, xi s'elan oye: ti yich'oj jtob (20) gerase, xloc' jun siclo, yich'oj buluchib (11) gramos ti yalale. Ti yich'oj oxvinic (60) sicloe, xloc' jun mina.

Levítico 27:25

“Scotol ti c'u s'elan ta xc'ot ta nopel ta t'unel avu'une, ja' me c'otuc ta sme' avu'un ti sicloe ti yich'oj jtob (20) gerase, ti ja' ta stunesic ta ch'ulnae.

Levítico 27:3

Mi ja' jun vinic ti yich'oj jtob (20) jabile, mi c'alal to oxvinic (60) jabile, ta xac'anbe stojol lajuneb yoxvinic (50) ta sep plata taq'uin, ja' ti c'u s'elan liquem yu'unic ti ta ch'ulnae.

Levítico 27:6

Yan mi ja' ololetic ti yich'ojic jun ue, c'alal to mi vo'ob (5) jabile, ja' vo'sep (5) plata taq'uin ta xac'anbe ti stojole, ja' oxsep (3) plata taq'uin ta xac'anbe stojol ti mi ja' tsebe.

Números 18:16

Ti xq'uexolil ti ta stojic comele, ja' o ti c'alal ech'em xa ox jun u svoq'uele, ta xaq'uic vo'sep plata taq'uin, ja' ti c'u s'elan liquem sbisel yu'unic ta ch'ulnae, ti yich'oj buluchib (11) gramo ti yalale.

Números 3:48

Ti taq'uin taje, ja' ac'bo yich' ti Aarone xchi'uc ti xnich'nabe, ti c'ot ta q'uexolil pacolil yu'unique.”

Números 3:50

Laj sta ta tsobel jmil xchi'uc vo'ob sbalunlajunvinic (1,365) ta sep plata taq'uin, co'ol jech c'u cha'al ti sbisobil yalal yu'unic ta ch'ulnae.

Números 7:13

Ti matanal ti laj yaq'ue, ja' jun lech-lech plata taq'uin ti ja' yich'oj jmil xchi'uc chanib ciento xchi'uc to lajuneb xcha'vinic (1,430) gramo ti yalale. Laj yac' xtoc jun muc' ta taza ti meltsanbil ta plata ti ja' yich'oj vucub ciento xchi'uc lajuneb xchanvinic (770) gramo ti yalale, (ja' ti c'u s'elan, liquem sbisel yalal yu'unic ta Axibalnae). Ti chib taje, nojic lec bat ta t'ujbil harina ti vots'bil ta aceitee, ti ja' jun matanal ta sventa ti sat ts'unubile.