Números 3:41 - Bible in Tzotzil de Chamula

⁴¹ Mi laj taj une, bevbun loq'uel ti levitaetique, ti ja' ta xc'ot ta xq'uexol sbanquilal nich'nabtac ti israeletique. Yu'un vu'unun ti Ajvalile. Ja' no'ox jech xtoc, bevbun loq'uel xchon sbolomic ti levitaetique, ti ja' ta xc'ot ta xq'uexol sba yoltac xchon sbolomic ti israeletique.”

Bible in Tzotzil de Chenalhó with Deuterocanon

⁴¹ Scotol li sba anich'onique ja' xq'uexolic chc'ot li levietique. Jech ta xcal, vu'un li Muc'ul Diosune. Jech noxtoc scotol li sba yol sts'unub yovol levietique ja' xq'uexol chc'ot li sba sts'unub yovol achi'iltac ta israelale”, xi li Muc'ul Diose.

Números 3:41 Iomraidhean Croise

Números 18:15

“Scotol sba xnich'nab ti israeletique, mi ja' ti sba yoltac ti xchon sbolomic ti oy sc'oplal ta xiyac'beique, ta xc'ot ta aventa. Ja' no'ox un, ti sba xnich'nab ti viniquetique, yan xa sc'oplal c'u s'elan ta chapel unbi, yu'un tsots sc'oplal ta stoj comel spojel scolelic ti ja' xc'ot ta q'uexolil yu'unique. Jech ti sba yoltac ti yan chon bolom ti albil sc'oplal ti mu stac' lajesele, yu'un ja' no'ox ta xac'anbe yan xq'uexol ti ac'o yac'bote.

Números 3:12

“Ti ta stojol ti israeletique, ja' laj xa jt'uj loq'uel ti levitaetic ta sventa ti mu'yuc stijel ta c'op xchi'uc ti sba xnich'nabique, yu'un cu'untac ti stuquique.

Números 3:13

Yu'un scotol ti ba ololetique, ja' cu'untac. Yu'un laj jva'an jba ta stojol sbanquilal nich'nabic xchi'uc sba yol xchon sbolomic ti israeletic ti c'alal laj cac' chamicuc sbanquilal nich'nabic ti egipcioetique. Jech o xal un, ja' cu'untac. Yu'un vu'unun ti Ajvalile.”

Números 3:42

Ti Moisese laj sbejanbe ta vun sbitac sbanquilal xnich'nabtac ti israeletique jech c'u cha'al albil mantal yu'un ti Diose.

Números 3:45

“Bevbun loq'uel ti levitaetique, ja' ta xc'ot ta xq'uexol sbanquilal nich'nabtac ti israeletique. Ti xchon sbolomic xtoc ti levitaetique, ta xc'ot ta xq'uexol xchon sbolomic ti israeletique. Ti levitaetique, ja' cu'untac. Yu'un vu'unun ti Ajvalile.

Números 8:16

Yu'un ti c'u yepal oyic ta stojolic ti israeletique, biinemic ti c'otemic ta cu'une. Jech ti vu'une mu'yuc ta jbajic ti ja' c'otic ta q'uexolil yu'unic ta sventa scotol sba xnich'nabtac ti israeletique.

San Mateo 20:28

Ti vu'un co'ol j'elantique, mu'yuc tal mosovinvancun, tal cac' jba ta tunel, tal cac' jba ta milel yo' ta jtojbe scolelic ti mu albajuc yepal oyique.

1 Timoteo 2:6

Yu'un ti Jesucristoe laj yac' sba ta milel yo' jech ta stojbe spojel scolel scotol ti jnaclejetic ta banomile, ti sta xa yorail laj yac' ta na'el ti Dios avi tana li'e.