Números 3:25 - Bible in Tzotzil de Chamula

²⁵ Ti Axibalna ti bu nupel ta bee, ja' sbainojic ta sq'uelel ti c'usi oy yu'une, ti nuculetic ti ja' yaxibe, ti muc' ta poc' ti lich'il ta sti' ti Axibalnae.

Bible in Tzotzil de Chenalhó with Deuterocanon

²⁵ Ja' ic'ot ta sventaic xchabiel li ch'ulna pasbil ta nucule. Ja' yabtel tsq'uelic lec li nuculetic sventa smac sjole, xchi'uc li poq'uetic sventa smac sti'e,

Números 3:25 Iomraidhean Croise

1 Crónicas 23:32

Sbainojic ta stuc'ulanel xtoc ti Axibalnae, xchi'uc ti bu nupel ta be xchi'uc ti Diose, ti yac'ojuc no'ox sbaic ta tunel ta ch'ulna ti pasbilic ta mantal yu'un snitilultac ti Aarón ti jmoj svinquilel sbaique.

2 Crónicas 31:2

Ts'acal to ti Ezequías une laj yac'anbe sbain stunelic ti paleetique, ti levitaetic ti c'u s'elan ta x'ech'ic ta jujuchop ta sventa ti yabtelique, ta yaq'uel ti chic'bil matanaletique, ti matanal sventa ti lajesobil o'ntonale, ta yalel ti lequilale, xchi'uc ti yalicuc coliyal ti Diose, ti tunicuc ta sti'tac ti ch'ulnae.

Éxodo 25:9

Ja' no'ox un, ti bu ta xinaqui taj une, scotol ti c'usitic ta xtun xtoque, tsots sc'oplal co'oluc me xbat jech c'u cha'al ta xcac'bot avile.

Éxodo 40:19

Laj xlich'anbe smac ti Axibalnae. Laj yac'be jc'ol smac ta sba ti Axibalna ti bu nupel ta bee. Co'ol laj yich' pasel jech c'u cha'al yaloj mantal ti Diose.

Éxodo 40:28

Ts'acal to ti Moisese laj sjoc'an ti muc' ta poc' ta sventa ochebal sti' ti Axibalnae.

Números 1:50

Yu'un ti levitaetique, ja' tsots sc'oplal ta xavac'be sbainic ta yabtelanel ta sq'uelel ti Axibalna yu'un ti tratee, xchi'uc scotol ti c'usitic oy yu'une, xchi'uc ti c'usitic ta xtun ti ja' yu'un ti Axibalnae. Yu'un ja' yabtelic ta sbainic ta yich'el batel ti Axibalnae, xchi'uc ti c'usitic oye, xchi'uc scotol ti c'usitic ta xtune. Ja' jech xtoc ja' yabtelic ti ta sjoy sbaic ta sq'uelel ti Axibalnae.

Números 10:17

Va'i un, laj stuquiic ti ch'ulnae. Ti snitilultac ti Gersone, ti Merarie, ti ja' sva'anojic ta xcuchele, laj stam batel ti sbeique.

Números 3:24

Ti banquilal jvolvanej yu'un snitilultac ti Gersone, ja' ti Eliasafe, xnich'on ti Laele.

Números 3:7

C'oticuc ta jtunel ta stojol ti Aarone xchi'uc ta stojol ti jteclume, ta sventa ti c'usi sc'an pasel ta Axibalna ti bu nupel ta bee, xchi'uc ta sbainic ta spasel ti c'usi sc'an ta Axibalnae.

Números 7:7

Chib carreta xchi'uc chancot vacax, laj yac'be yich' snitilultac ti Gersone, ti ja' jech yepal ta xtun yu'unic ta sventa ti yabtelique.

Marcos 13:34

Taje, co'ol s'elan jech c'u cha'al jun vinic ta xbat ta nom. C'alal mu'yuc to ta xloc' batele, ta xac'be comel sventain sna ti yaj'abteltaque. Ta xac'be comel yabtel ta jujun ti c'usi sc'an ta spasique, xchi'uc ta xalbe mantal ti jq'uel-ti'nae ti xchabiuc leque.

Colosenses 4:17

Xi xavalbeic ya'i ti Arquipoe: “Tuc'ulano la me lec ti avabtel la'ac'bat yu'un ti Cajvaltique.”

1 Timoteo 1:18

Ta jc'ubanbot ta atojol, Nich'on Timoteo, paso me tsatsal ta spasel ti lequil abtel jech c'u cha'al laj yalic ono'ox ac'oplal ti jch'unolajeletic ti ac'bat sna'ic yu'un ti Diose, ti cuchuc avu'un ti avabtel ta sventa ti c'otem ta avo'nton ta xch'unel ti Cajvaltique, ta sventa ti oyuc slequil stuq'uil ti ajol avo'ntone.