Números 29:1 - Bible in Tzotzil de Chamula

¹ “Ti sba c'ac'al yu'un ti yucubal ue, oy ch'ul tsoblej avu'unic. Ti jech c'ac'al taje, mi jtosuc abtel ta xavabtelanic. Yu'un ja' o sc'ac'alil ta xavinajesic ta yoq'uisanel ti oq'uese.

Bible in Tzotzil de Chenalhó with Deuterocanon

¹ “Li sba c'ac'al ta svucubal ue, pasic jun ch'ul tsobajel ta jventa. Li jun c'ac'al le'e me junuc mu me boch'o spas jchopuc abtel avu'unic. Ja' yorail chajupanic li oq'uesetique.

Números 29:1 Iomraidhean Croise

1 Crónicas 15:28

Scotol Israel laj yich'ic ech'el xcaxail strate ti Diose. Xmuyubajic no'ox. X'avanic no'ox. Xvochet no'ox ta yoq'uisanel ti xulub chije, ti oq'uese, ti set-set taq'uine, ti jchop o ta vobe, xchi'uc ti arpae.

Esdras 3:6

Ta sliquebal no'ox c'ac'al yu'un ti yucubal ue, lic yaq'uic talel ti chic'bil matanal ta stojol ti Diose, ac'o mi mu'yuc to liquem xcha'meltsanel xch'ulna ti Diose.

Nehemías 7:73

“Ti paleetic une, ti levitaetique, ti jchabiej ti'naetique, ti jq'uejimoletique, ti jnaclejetic yu'un ti jteclume, ti jtuneletic yu'un ti ch'ulnae, xchi'uc scotol ti Israele, lic naquiicuc bu ti slumal stuquique. C'alal c'ot ti yucubal ue, nacalic xa ta steclumal stuquic ti israeletique.

Nehemías 8:2

Ta sliquebal c'ac'al yu'un ti yucubal ue, ta sba ta satic c'alal oyic ta tsobajel ti ants viniquetique, xchi'uc ti buch'utic xa'ibeic lec sni' xchiquinale, yich'oj c'otel ti pale Esdrase ti jpoc svunal ti oy c'usi jbel tsots albile.

Salmos 81:3

Oq'uisanic oq'ues ta yorail ti ach' ue, ta syijil ti ue, jech yorail ta x'ech' ti muc' ta q'uin cu'untique.

Salmos 89:15

Ch'ul Dios, mu'yuc c'usi sna' ti jteclum ti xmuyubajic no'ox ti sna' slequil-c'optaote, ti ta xanavic ta squeoval axojobale.

Éxodo 23:16

“Ta xapasbeic sq'uinal xtoc ti ts'unubiletique, sc'oplal ti sba satac ti c'usitic laj yich' ts'unel ta osile. Ta xapasbeic sq'uinal xtoc ti c'u yepal loc' ta jun jabil ti laj atsobic ti c'usi laj ats'unique.

Éxodo 34:22

“Mu xach'ay ta avo'ntonic ta spasel ti oxib q'uine, jech c'u cha'al sq'uinal ti Xemunae, jech c'u cha'al sq'uinal ti sba sat ti trigo ti ta xich' tsobele, xchi'uc sq'uinal ti c'u yepal laj yich' tsobel ta sjunul jabil ti ts'unubile.

Isaías 27:13

Ta yorail taje, ta xich' oq'uisanel ti muc' ta oq'uese. Ti buch'utic ch'aybil batic ta Asiriae, ti bec'bil batic ta lum Egiptoe, ta xtal yich'ic ta muc' Dios ta Jerusalén ti ta ch'ul vitse.

Levítico 23:23

Ti Diose xi laj yalbe ti Moisés ti c'alal laj sc'opon talele:

Levítico 23:7

Ti ta sliqueb sba c'ac'ale, ta xich' pasel jun ch'ul tsoblej. Mi ja'uc jtosuc abtel ta xapasic.

Zacarías 9:14

Ti Diose ta xac' sba iluc ta stojol ti steclumale, ti xjaplajet no'ox ti sni' syolobtac jech c'u cha'al ti chauque. Ti Dios ti ja' Ajvalile ta xoq'uisan ti yoq'ues ti xvolet no'ox batele, ti capal ta sutub ic' xchi'uc ya'lel ti xi ta stuq'uil yolon ti yac'ol xocon sloq'ueb c'ac'ale.

Números 28:26

“Ti c'alal ta xc'ot sc'ac'alil sq'uinal ti sba sat ts'unubal ti c'alal ta xavac'beic Dios ti ach' sba sat ti jchop o ta trigoe, ti xcaltique, ja' ti q'uinetic ta x'ech' sjunul xemunae, ta xapasic jun ch'ul tsoblej xtoc. Yu'un ti jech c'ac'al taje, mi jtosuc tsots abtel ta xich' pasel.

Números 29:12

“Ta yo'lajunebal sc'ac'alil ti yucubal ue, ta xapasic jun ch'ul tsoblej. Ti jech c'ac'al taje, mi ja'uc xavabtelanic jtosuc abtel. Yu'un vucub c'ac'al sjalil ta xapasic q'uin sventa yich'el ta muc' ti Diose.

Números 29:2

Ta sventa ti jun smuil chic'bil matanal ta xich' ac'bel ti Diose, ja' ta xavaq'uic jcot ch'iom tot vacax, jcot tot chij, xchi'uc vuc-cot ch'iom tot chij ti mu'yuc jutebuc ti xchopolile.

Números 29:35

“Ta xvaxaquibal c'ac'al une, ta xapasic jun muc'ul ch'ul tsoblej sventa stsutseb ti c'u s'elan liqueme, ti mu ja'uc ta xavabtelanic jtosuc abtele.