Números 28:2 - Bible in Tzotzil de Chamula

² “Albo ya'iic ti israeletique ti mu me xicta sbaic ta yac'belun ti pane, xchi'uc ti chic'bil matanal ti ta xaq'uic ta jujun q'uin ti bu tsots sc'oplale, ti ja' ta xc'ot ta jun matanal ti jun yutsil smuil ta xquich' ac'bele.

Bible in Tzotzil de Chenalhó with Deuterocanon

² “Albo scotol achi'iltac ti mu me scomtsanic yaq'uel li jmoton ti c'usi ora mero yorail ta aq'uele. Ja' li pane xchi'uc li jmoton chich' chiq'uel ta jujun muc'tic q'uine, yu'un ja' li matanal ti lec mu yic' chavac'bicun ta jtojole”, xut.

Números 28:2 Iomraidhean Croise

Génesis 8:21

C'alal jun yutsil smuil c'ot ti matanal ta stojol ti Diose, xi laj yale: “J'ech'el xa, mu'yuc c'usi ta xcal ta soquesel ti banomil ta scoj smul ti vinique. Yu'un ta xch'iebal no'ox talel ti vinique, ja' no'ox ta snopilan ta spasel ti c'usi chopole. Ja' jech xtoc mi ja'uc xa ta jtubbe sts'unubal scotol ti chon bolometic jech c'u cha'al laj jpas avie.

1 Crónicas 23:31

c'alal yorail ta xaq'uic scotol chic'bil matanal ta stojol ti Dios ta sc'ac'alil cuxob o'ntonale, ti jujun q'uin yu'un ach' ue, xchi'uc ti q'uinetic ti tsots sc'oplale, ti j'ech'el tunicuc yu'un Dios c'u yepal tsacbil ti sbiique.

2 Crónicas 23:18

Ta jech no'ox yepal ti Joiada une, lic sva'an jchabivanejetic ta xch'ulna Dios ti pasbilic ta mantal yu'un ti paleetique, xchi'uc ti levitaetique, ti ac'bilic stunelic ta jujuvoc' ta xch'ulna Dios yu'un ti David ta yaq'uel ti chic'bil matanal ta stojol ti Dios ti albil ono'ox sc'oplal ta sventa c'usi jbel tsots albil yu'un ti Moisese, ti muyubajicuc no'ox q'uejinicuc jech c'u cha'al laj yal comel ti Davide.

2 Crónicas 31:3

Ma'uc no'ox taje, ti c'usitic x'ayan yu'un ti ajvalile, laj scolta sba ta sloq'ues ti matanaletic ta xich' chiq'uel ta sobe, ta xich' chiq'uel ta mal c'ac'ale, ti matanaletic ta xich' chiq'uel ta sc'ac'alil cuxob o'ntonale, ta sq'uinal ti jujun ach' ue, ti yan q'uinetic tsots sc'oplal ta xich' pasele, jech c'u cha'al ts'ibabil ta jbel ti oy c'usi tsots albil yu'un ti Diose.

Esdras 3:2

Va'i ti Josuee, xnich'on ti Josadaque, xchi'uc ti xchi'iltac ta paleale, ti xcaltique, ja' ti Zorobabel xnich'on ti Salatiele, xchi'uc ti yuts' yalaltaque, lic smeltsanic yaltar ti Dios yu'un ti Israele, yo' jech ta xaq'uic chic'bil matanal ta sba jech c'u cha'al ti oy c'usi jbel tsots albil yu'un ti Moisés yajtunel ti Diose.

Esdras 3:3

Lec nopbil ti laj smeltsanic ti altare, yu'un oy xi'el ta stojol ti jnaclejetic teye. Ta jujun sob, ta jujun mal c'ac'al, ta xaq'uic chic'bil matanal ta sba sventa yich'el ta muc' ti Diose.

Nehemías 10:34

Jech ec ti paleetique, ti levitaetique, xchi'uc scotol ti jteclume, ti c'u quepal oyuncutic ta jujuvoq'ue, laj jq'uelcutic ta yorail buch'u ta xc'ot ta stojol ta yich'el batel ti si' jujun jabil ta xch'ulna Dios, ti ta xich' chiq'uel ta yaltar ti Ajvalil Dios cu'uncutic jech c'u cha'al ta xal ti ts'ibabil ta jbel tsots albile.

Salmos 81:3

Oq'uisanic oq'ues ta yorail ti ach' ue, ta syijil ti ue, jech yorail ta x'ech' ti muc' ta q'uin cu'untique.

Éxodo 23:15

Ta xapasbeic sq'uinal pan ti ch'abal ac'bil ti spajubtasobile. Jech c'u cha'al calojboxuc ava'iic ti jmantale, vucub (7) c'ac'al sjalil ta xave'ic pan ti ch'abal ac'bil ti spajubtasobile. Ti jech albil sc'oplal taje, ja' me ta yual Abib, yu'un ti jech u laloq'uic talel ta Egiptoe. Yu'un mu'yuc buch'u junuc xu' ta xtal ta jtojol ti mi mu'yuc c'usi yich'oj talele.

Éxodo 29:18

Ja' jech xtoc ti chije, ac'o ta sba ti altare yo' jech ta xich' chiq'uel ta stojol ti Diose, ti jun yutsil ti smuile.

Ezequiel 16:19

Ti naca lequil ve'lil laj cac'bote, ti t'ujbil harinae, ti lequil aceite xchi'uc ti lequil ajapom laj cac'bot ave'eline, laj avac'be smotonin ti jun yutsil smuil une. Ti vu'un Ajvalilune, mu lo'iluc no'ox ta xcal.

Ezequiel 20:41

C'alal ta jtsoboxuc talel ta jteclumetic xchi'uc ta muc'tiquil lum ti bu tanijemoxuc batel tanae, ta svinajesel cutsilal jlequilal ta sba ta satic scotol ti jteclumetic ta atojolique, va'i unbi, ta jtsac ta xquich' ti muil matanal ta xavac'beicune.

Ezequiel 45:17

Ta sbain ta yaq'uel un, ti chon bolometic ti oy ta yoc ta sc'ob ti ta xich' chiq'uel ta sventa ti matanaletique, ti oyuc no'ox ta yoc ta sc'ob ti jchop o ta trigoe, ti ya'lel uva c'alal ta sta sc'ac'alil ti jujun ach' ue, c'alal ta sc'ac'alil ti cuxob o'ntonale, xchi'uc c'alal ta sta sc'ac'alil c'usiuc no'ox q'uinal ta spasic ti israeletique. Tsots sc'oplal yac'uc c'usi ta xich' milel ta scoj ti mulile, xchi'uc ti matanal jchop o ta trigoe, ti c'usitic ta xich' chiq'uele, xchi'uc ti c'usi ta xich' milel ta sventa ti lajesobil o'ntonale yo' jech ch'aybil ta xc'ot smul ti Israele.

Levítico 1:13

Va'i un, ti buch'u ta xac' ti chiq'uel ti chon bolome, tsots sc'oplal ta xich' sapbel lec ta vo' ti sbel xch'ute, xchi'uc ti yo'taque. Jech ti palee ta xchic' scotol ta sba ti altare, ti ja' jun chic'bil matanal ti jun yutsil smuil ta xich' ac'bel ti Diose.

Levítico 1:17

Mi laj une, ta sjav ta o'lol ti mute. Ta stsacbe ti jujujot xiq'ue, ti mu xtuch' yu'une. Ta slajeb un, ta xchic' ti mut ta sba si' ti oy ta altar sventa matanale, ti ja' jun chic'bil matanal ti jun yutsil smuil ta xich' ac'bel ti Diose.

Levítico 1:9

Ti buch'u ta xac' ta chiq'uel ti matanale, ac'o sapbe lec ta vo' ti sbiquile, xchi'uc ti yo'tac ti chon bolome. Jech ti palee ta xchic' scotol ta sba ti altare, ti ja' jun chic'bil matanale, ti jun yutsil smuil ta xich' ac'bel ti Diose.

Levítico 21:6

Yu'un c'ajomal jbeluc sc'oplal ti xchapanoj sba ta sventa ti Dios yu'unique, ti mu soquesbeic ti sc'oplale. Yu'un ti stuquique, ja' jelubtasej matanaletic ti ta xich' chiq'uele, xchi'uc ti pan ti ta xaq'uic ta stojol ti Dios yu'unique. Ja' yu'un un, ja' yabtelic ti tsots sc'oplal ac'o yac' sbaic ta tunele.

Levítico 21:8

J'ech'el ch'acalicuc o avu'un ta stojol scotol. Yu'un ti stuquique ja' ta sva'an sbaic ta yaq'uel ti pan ta stojol ti Dios avu'une, ti oyuc yutsilal slequilal ta atojole. Yu'un ti vu'une, Ajvalilun, Ch'ul Diosun, vu'un ta xcac' c'otuc ta ch'ul jtunel.

Levítico 3:11

Mi laj taj une, jech ti paleetique ta xchiq'uic scotol ta sba ti altare, ti ja' sc'oplal jun matanal ve'lil laj yich' chiq'uel ta sventa yich'el ta muc' ti Diose.

Malaquías 1:12

Ja'uc ti vo'oxuque ta xasoquesbeicun co'nton. Ta xanopic ti c'otem ta jmexa ti caltar ti bajbil tenbil ta xc'ote, yu'un mu'yuc yutsil ta j'ech'el ti ve'lil ta xich' aq'uel ta stojole.

Malaquías 1:7

Ti pan ta xavich'ic talel ta altare, toj chopol ta j'ech'el. Va'i xtoc un, xachi to ta xavalique: ‘¿Mi yu'un la oy bu ta jsoquescutic avo'nton?’ Ti bu ta xasoquesic ti co'ntone, ja' ti ta xanopic ti mu'yuc stu ti caltare.

Números 15:24

“Mi mu yolobajuc laj spas ti c'usi mu lecuc c'ot ta pasel yu'un scotol ti jteclume, ac'o yac'beicun jcotuc ch'iom tot vacax ti jun yutsil ta xich' chiq'uele, xchi'uc ti jujutos matanal yu'une, ja' ti sat ts'unubaltique, ti vinoe, jech c'u cha'al laj yal mantal ti Diose. Ja' jech xtoc, ac'o yac'beicun jcotuc tot tentsun ti ta xich' svocol ta scoj ti mulile.

Números 15:3

xu' ta xac'beicun jcotuc tot vacax, mi ja' jcotuc chij ti ta xich' svocol ta chiq'uel sventa quich'el ta muq'ue, ti jun yutsil smuil ta xich' chiq'uele, mi ja' ic'ot ta pasel ti oy c'usi yaloj ta xaq'ue, mi ja' ti c'usi loq'uem ayanem ta o'ntonal ta xich' aq'uel ta matanale, mi ja' ta sventa ti ta xtun ta jujun q'uine.

Números 15:7

xchi'uc x'ech' ta jun litro vino, ti ja' jun matanal ti jun yutsil smuil ta xquich'e.

Números 28:1

Ti Diose xi laj yalbe ti Moisés ti c'alal laj sc'opon talele:

Números 29:39

“Taje, ja' sc'oplal ti tsots albil ta xich' svocol ti matanaletic ti sc'an ta xich' aq'uel ta stojol ti Dios ti c'alal tsots sc'oplal sc'an pasele, xchi'uc ti matanaletic ti yaloj sc'op ta xaq'ue, mi ja' ti matanal ti xloc' x'ayan ta o'ntonal ta xaq'ue, mi ja' ti oy sc'oplal ta xich' chiq'uele, mi ja' ti matanal sat ts'unubal ti jchop o ta trigoe, mi ja' ti vinoe, mi ja' ti yan ti c'usi ta xich' svocol ta sventa ti lajesobil o'ntonale.”

Números 9:13

Yan ti buch'u ta xicta sba ta spasel q'uin Colel ti c'alal mu'yuc soquesoj sbaique, ti mu'yuc nom batemique, tenbil ta xloc' ta stojol ti xchi'iltaque. Yu'un mu'yuc laj yac'be smoton ti Dios ti c'alal ja' o sc'ac'alile. Ta xich' tsitsel yu'un ti smule.

Números 9:7

ti xi laj yalbeic ti Moisese: —Laj jpiccutic anima. Ja' yu'un un, jsoquesoj jbacutic xchi'uc ti albil sc'oplal ti mu staq'ue. ¿Mi yu'un mu xavac' ave ti xu' jmoj ta xcac'cutic matanal ta stojol Dios xchi'uc ti jlom israeletic ta sc'ac'alil ti c'usi ora albile?

2 Corintios 2:15

Ti vu'uncutique, co'ol j'elancutic jech c'u cha'al smuil pom ta xac' ti Cristo Jesús ta stojol ti Diose, ti xpaq'uet smuil ta xtanij batel ta stojol ti buch'u ta xcolique xchi'uc ti buch'u ch'ayel ta xbatique.

Efesios 5:2

Oyuc xc'uxul avo'ntonic c'uxianic jech c'u cha'al laj xc'uxubinotic ti Cristoe, ti laj yac' sba ta milel ta jcojtic ti co'ol s'elan jcot uni chij ti laj yich' aq'uel ta smoton Dios ti jun yutsil slequil laj yile.

Filipenses 4:18

Yu'un laj xa quich' scotol. Mu'yuc xa c'usi xal co'nton. Ti c'u yepal laj atacbeicun talel ta stojol ti Epafroditoe, xiloc' o lec xchi'uc, oy to com scomilal. Ti c'u yepal laj atacbeicun talele, co'ol smuil pom ta xich' chiq'uel ta stojol Dios ti lec ta xile.