Números 28:11 - Bible in Tzotzil de Chamula

¹¹ “Ti sba c'ac'al yu'un ti sliqueb jujun ue, ta xavac'beic chic'bil matanal ti Diose, cha'cot ch'iom tot vacax, jcot tot chij, xchi'uc vuc-cot ch'iom tot chij ti yich'oj jun jabil ti mu'yuc jutebuc ti xchopolile.

Bible in Tzotzil de Chenalhó with Deuterocanon

¹¹ “Ta sba c'ac'al jujun ue, xavac'bicun jmotonin cha'cot tot vacax sventa chich' chiq'uel, xchi'uc jcot tot chij, xchi'uc vuccot ch'ium chij ti jun to jabil svoq'uele, ti bu ven leque.

Números 28:11 Iomraidhean Croise

2 Reyes 4:23

—¿C'u cha'al ta xbat aq'uel un? Ma'uc to yorail ti ach' ue, mi ja'uc yorail ti cuxob o'ntonale —xi laj sjac' ti smalale. —Mu xavul avo'nton yu'un —xi laj stac' ti antse.

1 Crónicas 23:31

c'alal yorail ta xaq'uic scotol chic'bil matanal ta stojol ti Dios ta sc'ac'alil cuxob o'ntonale, ti jujun q'uin yu'un ach' ue, xchi'uc ti q'uinetic ti tsots sc'oplale, ti j'ech'el tunicuc yu'un Dios c'u yepal tsacbil ti sbiique.

2 Crónicas 2:3

Ta ts'acal to un, ti Salomón une xi laj stac batel mantal ta stojol ti Hiram ajvalil yu'un ti Tiroe: “Jech xapas ta jtojol ec jech c'u cha'al laj apasbe ti jtot Davide, ti ta xatacbe talel te'etic ti naca ch'ut te'e, yo' jech ta xich' va'anel jbej na ti bu xu' ta xinaquie.

2 Crónicas 2:4

A'yio ava'i, ta jva'an jbej ch'ulna sventa ta xc'ot ta yu'un ti Ajvalil Dios cu'une, ti ta jchic'be ti muil poxetic ta sventa ti stoyel xi'ele. Staoj yav ta xcac' ti cholbil pane. Ta xcac' ti chic'bil matanal ta jujun xmal sacube, ta jujun sc'ac'alil ti cuxob o'ntonale, ta sq'uinal ti jujun ach' ue, xchi'uc ti yan q'uinetic ti xlic xcaj no'ox ta xich' spasel yu'un Israel sventa stoyel xi'el ti Ajvalil Dios cu'uncutique.

2 Crónicas 8:13

Tsots sc'oplal ta xac' ta sc'ac'alil yorail ti c'u s'elan ta xal ti oy c'usi jbel tsots sc'oplal albil yu'un ti Moisese, ma' ti lec ta alele: ta jujun sc'ac'alil cuxob o'ntonal, ta sq'uinal ti jujun ach' ue, xchi'uc ti oxib q'uin ti ta xich' pasel ta jabile: ja' ti sq'uinal pan ti mu'yuc ac'bil ti spajubtasobile, ti sq'uinal ti xemunaetique, ti sq'uinal Lambil Yanal Te' Axibal Nae.

Esdras 3:5

jech c'u cha'al ti chic'bil matanal jujun c'ac'ale, ta sventa ti jujun ach' ue, ti c'u yepal ta xtun ta jujun q'uinetic ti c'otem ta sventa ti Diose, xchi'uc ti oy buch'u ta xac' ta slequil yo'nton ta stojol ti Diose.

Nehemías 10:33

ti pan ta xich' aq'uel ta tojolile, ti matanal sat ts'unubil ta xich' aq'uel jujun c'ac'ale, ti chic'bil matanal ta xich' aq'uel jujun c'ac'ale, ti c'usitic ta xich' svocol ta matanal ta xich' aq'uel ta jujun cuxob o'ntonale, ti ta xich' aq'uel jujun ach' ue, ti ta xich' aq'uel ti ta xtun ta jujun q'uinetic chlaj ech'uc ta sventa ti oy c'usi na'bile, ti matanaletic ta xich' aq'uel ta sventa scotole, ti matanal ta xich' aq'uel ta sventa smul ti Israele, xchi'uc ti c'usitic ta xtun ta sventa stoyel xi'el ti Dios cu'uncutic ta ch'ulnae.

Salmos 40:6

Mu xlaetuc avo'nton yu'un ti milbil matanal ta xa'ac'bate, mi ja'uc ti matanal sat ts'unubile, mi ja'uc laj ac'an ti chic'bil matanale, mi ja'uc ti matanal ch'ayob mulile. Le' une, laj ajambun ti jni' jchiquine.

Salmos 40:8

Ximuyubaj ta spasel ti c'usi oy ta avo'ntone, Dios; c'otem ta co'nton ti c'u s'elan lachanubtasvane.

Salmos 81:3

Oq'uisanic oq'ues ta yorail ti ach' ue, ta syijil ti ue, jech yorail ta x'ech' ti muc' ta q'uin cu'untique.

Salmos 81:4

Yu'un laj yal comel smantal Dios yu'un ti Jacob ta stojol ti Israele,

Isaías 66:23

Ti jujun u sc'ac'alil ti ach' ue, ti jujun xemuna sc'ac'alil ti cuxob o'ntonale, scotolic ta xtal squejan sbaic ta jtojol. Ti vu'un Diosune laj cal ma' taj une.

Ezequiel 46:1

“Xi ta xcal ti vu'un Diosune: Ti ti'na sq'ueloj batel sloq'ueb c'ac'al ta yelov amac' ti oy ta yute, tsots sc'oplal bajal ti vaquib (6) c'ac'al yorail abtele. Ta xich' jamel ta yorail cuxob o'ntonal xchi'uc ta sc'ac'alil ti ach' ue.

Ezequiel 46:6

Ta sc'ac'alil ti ach' ue, ta xich' aq'uel jcot ch'iom tot vacax, vac-cot (6) ch'iom chij, xchi'uc jcot muc' ta chij, ti mu jutebuc xchopolil scotole.

Ezequiel 46:7

Ta xich' aq'uel sts'ac jtob (20) almul sat ts'unubil ta sventa ti ch'iom tot vacaxe. Jech yepal ta xich' ts'aquel ta sventa ti jujucot muc' ta chije, ta sventa ti ch'iom chije, ti c'u yepal xloc' x'ayan ta o'ntonal ta xich' aq'uele. Ta xich' aq'uel o'lol xchanibal (3.50) litro aceite ta sventa ti jujutob (20) almul sat ts'unubile.

Oseas 2:11

Ta xc'ot ta tsutsel cu'un ti xmuyubajic no'oxe, ti mu no'ox xnatij ta spas ti q'uinetique, ti c'u s'elan liquem yu'unic ta jujun ach' ue, ti sc'ac'alil cuxob o'ntonaletique, ti yan q'uinetic ta spasique.

Levítico 1:13

Va'i un, ti buch'u ta xac' ti chiq'uel ti chon bolome, tsots sc'oplal ta xich' sapbel lec ta vo' ti sbel xch'ute, xchi'uc ti yo'taque. Jech ti palee ta xchic' scotol ta sba ti altare, ti ja' jun chic'bil matanal ti jun yutsil smuil ta xich' ac'bel ti Diose.

Levítico 1:3

“Ti mi ja' yu'un stuc ti chon bolom ta xac' ta chic'bil matanele, sc'an ti ja'uc jcot tot vacax ti mu'yuc jutebuc xchopolile. Yo' jech ich'bil tsacbil ta xc'ot, tsots sc'oplal ta xich' aq'uel ta stojol Dios ta ochebal sti' ti Axibalna ti bu nupel ta bee.

Levítico 1:9

Ti buch'u ta xac' ta chiq'uel ti matanale, ac'o sapbe lec ta vo' ti sbiquile, xchi'uc ti yo'tac ti chon bolome. Jech ti palee ta xchic' scotol ta sba ti altare, ti ja' jun chic'bil matanale, ti jun yutsil smuil ta xich' ac'bel ti Diose.

Amós 3:5

Mi baj yalel ta lumtic ti jcot mute, yu'un cotol laj sta ti pets'e. Mi laj xchech sba liquel ta banomil ti pets'e, yu'un oy c'usi laj xa sta ta tsaquel.

Amós 8:5

Ti vo'oxuque xachi ta xavalique: “¿C'usi to ora ta x'ech' sq'uinal ti ach' ue yo' jech xu' ta jchontic ti trigoe? ¿C'usi to ora ta x'ech' sc'ac'alil ti cuxob o'ntonale yo' jech xu' toyol ta jchontic ti sat ts'unubale, ti ja' o yorail ti mu ts'acaluc ta xich' tunesel ti sbisobile, ti ja' o yorail ti mu ts'acaluc ta xich' aq'uel ti c'usi chechbil ta xich' bisele?

Números 10:10

Oq'uisanic xtoc ti oq'ues ti c'alal jun avo'ntonic ta x'ech' ti c'ac'ale jech c'u cha'al ti ta sta sc'ac'alic ti q'uine, ti ach' ue, ti jun yutsil smuil ta xich' chiq'uel ti matanale, xchi'uc ti c'usi ta xich' svocol ta sventa ti lajesobil o'ntonale. Ti jech taje, ta jvulesoxuc ta co'nton. Ti vu'un une, ja' ti Ajvalil Dios avu'unique.”

Números 28:19

Ta sventa ti chic'bil matanal ta xich' aq'uele, ta xavaq'uic cha'cot ch'iom tot vacax, jcot tot chij, xchi'uc vucub ch'iom tot chij ti yich'oj jun jabil ti mu'yuc jutebuc xchopolile.

Gálatas 4:10

Ti vo'oxuque laj ajoybin abaic, yu'un tsots sc'oplal ta xava'iic ta xchabiel jech c'ac'al, jech u, jech jabil.

Colosenses 2:16

Jech un cha'e, laj ta alel ma' ti oy buch'u junucal ta xa sna'leot ti buch'u tsots sc'oplal ta xa'i ti c'usi ta xavuch'ique, ti c'usi ta xave'ique, sc'oplal xchabiel ti q'uine, ti ach' ue, sc'ac'alil ti cuxob o'ntonale.

Colosenses 2:6

Jech o xal un, jechuc me cuxianic batel jech c'u cha'al c'alal c'ot ta avo'ntonic ta xch'unel ti Cajvaltic Jesucristoe, ti c'otemoxuc xa ta yu'untaque.

1 Samuel 20:5

Ti Davide xi laj staq'ue: —A'yio ava'i, ti oc'ome, ja' sq'uinal ti ach' ue, yorail ti tsots sc'oplal ti jmoj chotol ta xive' xchi'uc ti ajvalile. Ja'uc le' une, ta jc'anbot ti ac'o ave ati' ti ta xba jnac' jba ta osiltic ti ja' to xquil jbatic ta smalil c'ac'al cha'eje.

1 Samuel 9:12

Xi tac'batic yu'un ti tsebetique: —Ja' li'e, ti le' to xjelav batel jutuque. Batanic ta anil, yu'un talem ta jteclum avie. Yu'un yorail ta xich' aq'uel milbil matanaletic ta ch'ulna avi tanae.