Números 27:3 - Bible in Tzotzil de Chamula

³ “Ti jtotcutique cham ta sbajtical banomil. Ma'uc svoloj sbaic xchi'uc ti Coré ti laj stoy sba ta stojol ti Diose. Ti jech chame, ta scoj no'ox smul stuc. Ja' no'ox un, ch'abal squerem nich'nab laj yicta comel.

Bible in Tzotzil de Chenalhó with Deuterocanon

³ “Li jtotcutique te icham comel ta xocol banamil. Pero mu ja'uc te nabal ta stojol li Coré xchi'uc xchi'iltac ti la stoy sbaic ta stojol Muc'ul Diose. Li jtotcutique icham ta scoj no'ox smul stuc, pero mu'yuc queremetic xnich'nab icom.

Números 27:3 Iomraidhean Croise

Ezequiel 18:4

Scotol jnaclej oy ta coc ta jc'ob jech c'u cha'al ti totiletique, ti nich'nabiletique. Ti buch'u ta sa' ti smule ta xcham.

Números 14:35

Ti vu'un Ajvalilune, mu me lo'iluc no'ox ti xi ta xcale. Ja' jech ta jpasbeic ti chopol jteclum ti svoloj sbaic ta scontrainelune. Yu'un li' ta sbajtical banomil ta xc'ot ta tsutsel ti yuni c'oplalique. Li' ta xcham ta xlajique.”

Números 16:19

Va'i un, yo' jech contrainbil ta xc'otique, ti Coree laj stsob batel scotol ti jteclum ta sti' ti Axibalna ti bu nupel ta bee. Ja'uc le' une, vinaj talel yutsilal slequilal ti Dios ta sba ta sat scotol ti israeletique.

Números 16:49

Ti jech taj une, chamem xa ox yu'un chanlajunmil xchi'uc vucub ciento (14,700) ta vo' ti jnaclejetique. Ja' slecoj xtoc ti laj chamuc ba'yel ti c'alal liquem sjolic ta contrainvanej ti Coree.

Números 26:33

Ti Zelofehad xnich'on ti Hefere, mu'yuc laj yil squeremtac. Ja' no'ox laj yil stsebtac ti xi s'elan ti sbiique: ti Mahlae, ti Noae, ti Hoglae, ti Milcae, xchi'uc ti Tirsae.

Números 27:2

Ti vo'ob antsetic taje batic ta ochebal sti' ti Axibalna ti bu nupel ta be ta sc'oponel ti Moisese, ti pale Eleazare, xchi'uc ti banquilaletic yu'un ti israeletique, ti xi laj yalbeique:

Números 27:4

Yu'un mu xc'ot o ya'yel un ti ch'ab xi sc'oplal ti jtotcutic ta scoj ti mu'yuc laj yil junuc ti squereme. Ac'buncutic jutebuc jrextocutic ec un, ti bu ta xich'ic xrextoic ti xchi'iltac ta voq'uel ti jtotcutique.”

San Juan 8:21

Xi laj xcha'al ti Jesuse: —Ti vu'une ta xibat. Ta xasa'icun un. Le' une, acuchoj amul xacham xalajic. Yu'un ti bu ta xibate, mu xac'otic.

San Juan 8:24

Jech o xal laj calboxuc ava'iic ti acuchoj amul xacham xalajique, yu'un mi mu xc'ot ta avo'ntonic ti Buch'uun ta melele, acuchoj amul xacham xalajic, xacutoxuc.

Romanos 5:12

Ta scoj jun vinic ayan talel ti mulil ta banomile. Ti jech ayan talel ti mulile, och talel ti lajel tubele. C'ot ta stojol ti jnaclejetic ta banomile, yu'un jsa'muliletic scotolic.

Romanos 5:21

Jech c'u cha'al ayan ti lajel tubel ta scoj ti mulile, ja' jech ayan yutsil slequil yo'nton ti Diose, ti laj jtatic ti lec xij'ile, xchi'uc ti laj jtatic ti cuxlejal sbatel osil ta sventa ti Cajvaltic Jesucristoe.

Romanos 6:23

Ti stojol ti mulile, naca lajel tubel sq'ueloj batel. Ja'uc ti matanal ti ta xac' ti Diose, ja' jcuxlejaltic sbatel osil ta sventa ti jech junotic xchi'uc ti Cajvaltic Cristo Jesuse.