Números 27:21 - Bible in Tzotzil de Chamula

²¹ Ja'uc le' une, ti Josuee tsots sc'oplal ta sjac'be ti pale Eleazar ti c'usi sc'an pasele. Ja'uc ti palee ta st'un ta sventa ti Urim ti c'usi sc'an pasele. Scotol ti c'usitic xu' ta spasic ti israeletique, ja' ta x'albatic mantal yu'un ti Josuee.

Bible in Tzotzil de Chenalhó with Deuterocanon

²¹ Li Josuee ac'o bat sva'an sba ta stojol li pale Eleazare. Li Eleazare ja' xa ac'o sjac'bun ta jtojol ta sventa st'unubil ti Urim, sbie. Li Josuee ja' me chcom ta sba chalbe scotol achi'iltac ta israelal li c'usitic tsc'an ac'o spasique —xut.

Números 27:21 Iomraidhean Croise

2 Samuel 21:1

C'alal yorail ochem ta ajvalilal ti Davide, ayan vi'nal ti snitoj sba oxib jabil sjalile. Va'i un, ti Davide lic sjac'be ti Diose, ti xi tac'bat talel yu'une: “Ti vi'nal le'e, ja' ta scoj smilvanejal ti Saule xchi'uc ti yuts' yalaltaque, yu'un laj smilic ti gabaonitaetique.”

Esdras 2:63

Ma'uc no'ox taj une, laj yal mantal ti ajvalile ti mu xu' ta slajesic ti c'usitic ac'bil xa ta ventainele mi mu'yuc to ta st'un ti pale ta sventa ti Urime ti Tumime.

Nehemías 7:65

Ma'uc no'ox taje, laj yal mantal ti ajvalile mu xu' ta slajesic ti ve'liletic ti c'otem ta ventainele, ja' to ti mi c'ot ta nopel yu'un junuc pale ta xq'uelbat yorail ta sventa ti Urime xchi'uc ti Tumime.

Éxodo 28:30

Tic'o ta uil ti Urim Tumime, ti yuinoj ta xbat ti Aarón ta stojol ti Diose yo' jech ta x'ac'bat sna' ti c'usi oy ta yo'nton ti Dios ta stojol ti israeletique.

Levítico 8:8

Laj taj une, laj yac'be yuin ti uile. Ti ta uile, laj stic' ti Urime xchi'uc ti Tumime.

Malaquías 2:7

Yu'un ja' yabtelic ti paleetic ta xchanubtasel ti jnaclejetic ti ac'o xiyojtiquinique. Ja' yu'un un, scotolic ac'o yac' sjolic ti ac'o sc'anic ti tojobtasele. Ti stuquique, ja' j'al-mantal j'ich'-c'opetic yu'un ti Dios ti scotol xu' yu'une.

Números 27:17

ti loc'uc ayanuc yu'unic li' ta stojolique, ti ja'uc jba'be batuc yu'unic yo' jech ta x'ic'atic batel yu'une, yo' jech mu staojuc yav ta xanav jech c'u cha'al ti chijetic ti ch'abal yajvalique.

Números 27:2

Ti vo'ob antsetic taje batic ta ochebal sti' ti Axibalna ti bu nupel ta be ta sc'oponel ti Moisese, ti pale Eleazare, xchi'uc ti banquilaletic yu'un ti israeletique, ti xi laj yalbeique:

Números 27:20

Ac'bo jelavel ta stojol ti atsatsal ac'bilote yo' jech ta x'ich'at ta muc' yu'un scotol ti lum Israele.

Números 27:22

Jech ti Moisese jech laj spas jech c'u cha'al albat yu'un ti Diose. Yu'un laj yic' batel ti Josuee, bat sva'an ta stojol ti pale Eleazare xchi'uc ta stojol scotol ti lume.

Números 27:5

Ti Moisese laj yac'be sventain Dios ti va'i s'elan c'opoj ti antsetique.

Deuteronomio 31:3

Manchuc mi jech un, ja' jba'be ta xjelav ech'el avu'unic ti Ajvalil Diose. Ta stubbe comel sc'oplal ti muc'tiquil lumetic ti c'alal ta xa'ech'ique yo' jech ta xavu'ninbeic ti sbanomilique. Yu'un ja' jba'be ech'el avu'unic ti Josuee ti ta xc'ot ta banquilal jech c'u cha'al yaloj ono'ox ti Diose.

Deuteronomio 33:8

Ta sventa sc'oplal ti Levie, xi albate: “Ja' avu'untac, Ch'ul Dios, ti buch'u yich'oj ti Tumime ti Urime. Ja' avu'untac ti vinic ti buch'u jun yo'nton ta atojole, ti laj aq'uelbe yo'nton ta Masae, ti laj avul abaic xchi'uc ta vo' ti oy ta Meribae,

Josué 9:14

Ti israeletique laj xch'unic ti c'u s'elan ac'bat yilic ti c'usitic yich'ojic batel ti gabaonitaetique. C'u stu un, mu'yuc laj sjac'beic ti Diose.

Jueces 1:1

Ts'acal to un, c'alal chamem xa ox ti Josuee, ti israeletique laj sjac'beic ti Diose yo' jech ta sna'ic bu jvoc'ucal nitilulil ti ba'yel ta sliques ta stsaquel ta leto ti cananeoetique.

Jueces 20:18

Ti israeletique batic ta Betel. Ti bu taje, lic sjac'beic Dios buch'u jvoc'ucal nitilulil ti ba'yel ta sliques stsaquel ta leto snitilultac ti Benjamine. Ti Diose laj yal ti ja' ba'yel ta xbat tsacvanicuc ta leto snitilultac ti Judae.

1 Samuel 14:19

Ja'uc le' une, ti c'alal syaquil ta xlo'ilaj xchi'uc pale ti Saule, mu stac' a'yeluc ta xa'iic c'usi ta xc'ot ta pasel bu vololic ti filisteoetique. Va'i un, ti Saule xi laj yalbe ti palee: —Teque' xa, mu xa xavich' talel.

1 Samuel 23:9

Ja'uc le' une, ti c'alal laj ya'i ti David ti ta xvoliat ta maquel ta be yu'un ti Saule, laj yalbe ya'i mantal ti pale Abiatare ti ac'o yich' talel ti jayal saquil luchbil c'u'ile, yo' jech ta sjac'be Dios ti c'usi xu' ta spase.

1 Samuel 28:6

Va'i un, lic sjac'be Dios ti c'usi xu' ta spase. C'u stu un, mu'yuc c'usi xtac'bat yu'un ti Diose, mi ja'uc ta vaichil, mi ja'uc ta sventa ti Urime, mi ja'uc ta sventa ti j'alc'opetique.

1 Samuel 30:7

Va'i un, xi laj yalbe ti Abiatare, xnich'on ti Ahimeleque: —Avocoluc, ich'bun talel ti jayal saquil luchbil c'u'ile. C'alal laj yich' batel ti Abiatar ti jayal saquil luchbil c'u'il ta stojol ti Davide,