Números 26:59 - Bible in Tzotzil de Chamula

⁵⁹ Ti Amrame laj yic'be yantsil nich'on ti Levi ti Jocabed sbie, ti ja' o voc' c'alal oyic to ox ta Egipto ti Levie. Ti Aarone, ti Moisese, xchi'uc ti Mariae, ja' stot sme'ic ti Amrame, ti Jocabede.

Bible in Tzotzil de Chenalhó with Deuterocanon

⁵⁹ Li Amrame laj yic' yajnil. Ja' laj yic'be stseb Leví, Jocabed sbi. Li Jocabede ja'o ivoc' ti c'alal te to'ox oy ta Egipto li Levie. Li Amram xchi'uc Jocabede ja' stot sme'ic li Aarón, Moisés, xchi'uc Mariae.

Números 26:59 Iomraidhean Croise

Éxodo 15:20

Ti me' j'alc'op María ti ja' xchi'il ta voq'uel ti Aarone, tey lic ta xchijolanel chij-chij taq'uin. Va'i un, lic xchanic scotol ti antsetique, jmoj x'ac'otajic xa liquel ti c'alal xchijchun no'ox yu'unic ti chij-chij taq'uine,

Éxodo 2:4

Ma'uc no'ox taje, oy jun xvix ti quereme albat yu'un ti sme'e, ac'o sq'uel ta nom ti c'usi ta xc'ot ta stojol ti nene'e.

Éxodo 6:20

Ti Amrame laj yic' ti sjun me'e, ja' ti Jacabed sbie. Ja' tey voc' talel ti Aarone xchi'uc ti Moisese. Ti Amrame ch'i c'opoj vuclajuneb yucvinic (137) jabil.

Levítico 18:12

“Mu stac' xata ta chi'inel ti xchi'il ta voq'uel ti atote, yu'un ja' jun xch'ich'elic xchi'uc ti atote.

Números 12:1

Ti Mariae xchi'uc ti Aarone chopol ti c'usi ta xalolanic ta stojol ti Moisese, yu'un ti stuque laj yic' jun etiope ants.

Números 20:1

Ti sliquebal u yu'un ti jabile, ti israeletique c'otic ta sbajtical banomil yu'un Zin, comic c'uc sjaliluc ta Cades. Ti bu taje, cham ti Mariae. Laj yich' muquel ti bu taje.